Fótbolti

Åge um Guðlaug: Með mjög mikinn karakter

Árni Jóhansson skrifar
Guðlaugur Victor Pálsson í baráttunni í leiknum í kvöld. 
Guðlaugur Victor Pálsson í baráttunni í leiknum í kvöld.  Vísir/Diego

Á blaðamannafundi eftir leik Íslands og Slóvakíu fyrr í kvöld var þjálfari liðsins, Åge Hareide, spurður út í frammistöðu Guðlaugs Victors Pálssonar en hann missti stjúpföður sinn á dögunum. Guðlaugur átti mjög góðan leik og mátti ekki sjá á honum að hafa orðið fyrir áfalli skömmu fyrir leikinn.

„Guðlaugur sýndi hvað hann er með mikinn karakter og þetta áfall hafði mikil áhrif á allan hópinn. Þeir verða náttúrlega mjög leiðir þegar liðsfélagi fær fréttir eins og Guðlaugur fékk. Þetta hefur verið erfitt og liðsfélagar hans hafa tekið utan um hann og séð mjög vel um hann Guðlaug“, sagði Åge um áfallið sem Guðlaugur varð fyrir. 

„Vonandi getur fótboltinn leitt huga hans frá því sem gerðist. Hann stóð sig frábærlega í dag og við gátum treyst honum til að koma inn á miðjuna skömmu fyrir leik. Hann kom góðu jafnvægi á miðjuna og stóð sig mjög vel í dag.“

Blaðamenn Vísis gáfu Guðlaugi Victori átta í einkunn fyrir frammistöðu hans á vellinum í kvöld og völdu hann mann leiksins. Var hann sagður hafa leitt liðið í kvöld og stöðvað margar af sóknum Slóvaska liðsins.

Vísir vottar Guðlaugi Victori og fjölskyldu samúð á þessum erfiðu tímum.

Landslið karla í fótbolta EM 2024 í Þýskalandi

Tengdar fréttir

Einkunnir Íslands: Guðlaugur bestur í svekkjandi tapi

Ísland tapaði 2-1 fyrir Slóvakíu í fyrsta leik karlalandsliðsins undir stjórn Age Hareide í undankeppni EM 2024 í fótbolta. Leikmönnum liðsins gekk misvel að fóta sig í svekkjandi tapi.

Mest lesið


Fleiri fréttir

Sjá meira


×

Mest lesið