Ásmundur Rúnar Gylfason aðstoðaryfirlögregluþjónn segir að búast megi við því að skýrari mynd fáist á upptök brunans, síðdegis í dag.
Aðgerðir slökkviliðs stóðu yfir í um sex tíma í gær og var eldurinn erfiður viðureignar. Að lokum var þak hússins rifið. Fjórir voru innanhúss þegar eldur kviknaði en allir komust út af sjálfsdáðum.
Um er að ræða tveggja hæða timburhús en samkvæmt upplýsingum frá slökkviliði í gær átti einhvers konar sprenging sér stað innanhúss.
Eigandi hússins sagðist í miklu áfalli eftir að hafa misst æskuheimili barna sinna í eldsvoðanum.
