BBQ kóngurinn: Gómsætur risa humar

Alfreð Fannar var í góðum gír áður en hann setti humarinn á grillið. „Ég er svo spenntur að ég er kominn með sjóbragð í munninn,“ sagði hann í þættinum. 

Hægt er að nálgast klippu úr þættinum og fyrir neðan má sjá uppskriftina og aðferð. 

Risa humar 

• Risa Rocklobster (hægt að panta hjá Norðanfiski)
• Grillsalt
• Weber seafood blend viðarspænir
• 100g Smjör
• 5 Hvítlauksgeirar
• Steinselja
• 1 msk Chilli
• Sítrónu börkur af einni sítrónu
• Safi úr hálfri sítrónu

• Kyndið grillið i 200 gráður.
• Klippið bakið á humrinum að halanum án þess að fara alla leið í gegn. Fjarlægið görnina, lyftið kjötinu upp og leggið á skelina.
• Stráið grillsalti yfir.
• Setjið humarinn í óbeinan hita.
• Reykið hálfa lúku af viðarspænum á kolin.
• Fín saxið, hvítlauk chilli og steinselju.
• Setjið smjör í pott ásamt hvítlauk, chilli, sítrónuberki og sítrónusafa.
• Bætið steinselju út í pottinn þegar allt hefur bráðnað saman.
• Pennslið humarinn með smjörinu á meðan eldun stendur.
• Berið humarinn fram ásamt smjörinu.