Lægðir fyrir sunnan land hafa áhrif á veður hér

Á sama tíma er útlit fyrir bjartviðri um landið suðvestanvert. Hiti átta til átján stig og verður væntanlega hlýjast suðvestantil.

Á morgun er síðan spáð hægri vestlægri eða breytilegri átt og líkur á dálitlum skúrum í flestum landshlutum. Hámarkshiti dagsins verður heldur lægri en í dag og væntanlega víðast hvar á bilinu tíu til fimmtán stig.

Svo hljóðar spá veðurfræðings hjá Veðurstofu Íslands sem segir ástæðuna fyrir því að veður er mjög rólegt á Íslandi um þessar mundir vera sú að lægðir hafa verið að ganga til austurs langt fyrir sunnan land. 

„Þegar þetta er skrifað snemma á miðvikudagsmorgni er myndarleg lægð stödd yfir Bretlandseyjum og veldur þar hvössum vindi og talsverðri rigningu. Þessi lægð fer áfram til austurs og veldur hvassviðri og ausandi rigningu á norðanverðu meginlandi Evrópu í dag.“

Veðurhorfur á landinu næstu daga

Á fimmtudag:

Hæg vestlæg eða breytileg átt. Skýjað með köflum og líkur á svolitlum skúrum í flestum landshlutum. Hiti 10 til 17 stig.

Á föstudag:

Hæg suðlæg eða breytileg átt og dálítil væta, en þurrt um landið norðaustanvert. Hiti víða 10 til 15 stig.

Á laugardag:

Austlæg átt 3-10 m/s. Víða skúrir eða rigning með köflum, en þurrt á Vestfjörðum. Hiti 8 til 15 stig, hlýjast á vestanverðu landinu.

Á sunnudag:

Austlæg átt og skúrir, einkum síðdegis, en yfirleitt þurrt norðan- og vestanlands. Hiti breytist lítið.

Á mánudag (frídagur verslunarmanna):

Breytileg átt 3-8 og líkur á skúrum, en yfirleitt þurrt norðanlands. Hiti víða 10 til 15 stig.

Á þriðjudag:

Norðlæg átt og víða þurrt og bjart veður. Hiti 10 til 18 stig, hlýjast sunnanlands.