Daníel grunaður um að hafa stungið kærustu sína til bana með ísnál Auður Ösp Guðmundsdóttir skrifar 21. ágúst 2023 16:29 Frá Bakersfield í Kaliforníu, þar sem réttarhöldin fara fram. Myndin tengist efni fréttarinnar ekki beint. Getty Réttarhöld í máli Daníels Gunnarssonar hófust í Kaliforníu í seinustu viku. Íslendingurinn er ákærður fyrir morð af fyrstu gráðu og limlestingu á líki. Hann er grunaður um að hafa orðið fyrrum bekkjarsystur sinni, hinni 21 árs gömlu Katie Pham, að bana á hrottalegan hátt. Vikurnar fyrir morðið höfðu þau átt í stuttu ástarsambandi. Daníel hefur neitað sök í málinu en hann á yfir höfði sér lífstíðarfangelsi verði hann fundinn sekur. Greint er frá réttarhöldunum á fjölmörgum bandarískum vefmiðlum. Daníel Gunnarsson er 22 ára gamall. Faðir hans er íslenskur en móðir hans er af tékkneskum uppruna. Mæðginin fluttu til Ridgecrest í Kaliforníu fyrir nokkrum árum og gekk Daníel í gagnfræðiskóla í bænum. „Ég veit það ekki, ég hlýt að hafa barið hana í höfuðið“ Að morgni dags 18. maí 2021 fannst Daníel í bílskúr á heimili stjúpföður síns í Ridgecrest með lík Katie Pham við hlið sér. Haft var eftir stjúpföður Daníels í frétt 17 News á sínum tíma að Daníel og Katie hefðu átt í sambandi í stuttan tíma fyrir morðið. Snemma morguns þann 18. maí hafi Daníel hins vegar tjáð honum að hann væri að ganga í gegnum sambandsslit. Þá hafi systir stjúpföðurins séð Daníel og Katie saman rétt áður en hún var myrt. Þegar lögregla mætti á vettvang glæpsins voru buxur, hendur og háls Daníels útötuð í blóði. Daníel var handtekinn á staðnum og játaði fyrir lögreglumönnum að hafa orðið Katie að bana. Þegar lögreglumenn spurðu hann út í áverka á höfði Katie svaraði hann: „Ég veit það ekki, ég hlýt að hafa barið hana í höfuðið.“ Að mati réttarmeinafræðings var Katie stungin til bana en hún var með fjölda stunguáverka á líkama og höfði. Talið er að Daníel hafi notað ísnál við verknaðinn. Reyndi að svipta sig lífi með því að keyra á vegg Í skýrslutöku hjá lögreglu greindu tveir vinir Daníels frá því að hann og Katie hefðu verið að hittast en sambandið hafi þó ekki verið alvarlegt. Daníel hafi þó verið í uppnámi vegna þess að Katie bar ekki sömu tilfinningar til hans og hann bar til hennar. Þá hafi Daníel liðið mjög illa andlega og hafi daginn fyrir morðið gert tilraun til að taka eigið líf með því að keyra á vegg. Þá er haft eftir vinkonu Katie að hún hafi orðið vitni að rifrildi milli Katie og Daníels nokkrum dögum fyrir morðið, þar sem Daníel hafi verið nokkuð orðljótur. Þau hafi keyrt til Las Vegas til að sækja vinkonuna og á leiðinni heim hafi Daníel keyrt eins og óður maður vegna þess að Katie var í símanum og sýndi honum ekki athygli. Að lokum hafi vinkonunni tekist að fá Daníel að stoppa bílinn og keyrði hún sjálf það sem eftir var heimferðarinnar. Grunur er um að Daníel hafi neytt fíkniefna fyrir morðið en hann sagðist sjálfur í skýrslutöku hjá lögreglu vera í vímu eftir að hafa neytt maríjúana. Stjúpfaðir Daníels sagðist aðspurður ekki vita til þess að Daníel hafi nokkurn tíma neytt fíkniefna eða glímt við geðræn vandamál. Í ágúst sama ár úrskurðaði dómari Daníel ósakhæfan. Hann var í kjölfarið fluttur á viðeigandi sjúkrastofnun. Mat geðlækna stofnunarinnar var síðan lagt fyrir dóminn og var Daníel metinn sakhæfur í mars á seinasta ári. Sagður hafa snert líkið á kynferðislegan hátt Síðastliðinn mánudag hófust réttarhöld í málinu hjá héraðsdómstólnum í Kern í Bakersfield í Kaliforníu. Verjandi Daníels og fulltrúi saksóknara fluttu þá opnunarræður sínar fyrir framan kviðdóminn. Fram kom í málflutningi saksóknara að Daníel og Katie hafi byrjað að draga sig saman í apríl árið 2021. Samband þeirra var fyrst um sinn eðlilegt. „En tæpum mánuði seinna þá breyttist eitthvað. Gunnarsson og vinir hans fjarlægðu eigur Katie úr íbúðinni hans og síðan komst hann að því að annar maður hefði heimsótt Katie heim til hennar. Við það reiddist hann,“ kom fram í ræðu saksóknara. Þá kom einnig fram að daginn fyrir morðið hefði Daníel „orðið brjálaður“ og að hegðun hans hafi gefið til kynna að hann væri í sjálfsvígshugleiðingum. Í opnunarræðu saksóknarans kom fram að Daníel hefði stungið Katie með ísnál að minnsta kosti tíu sinnum. Vísað var í ljósmyndir á vettvangi. Þá kom fram að andlit Katie hefði verið „þakið blóði“ og sömuleiðis hafi bílskúrsgólfið verið þakið blóðslettum. Einnig kom fram að búið hefði verið að fletta upp skyrtu fórnarlambsins og toga buxurnar hennar niður fyrir hné, þar sem hún lá látin á dýnu á bílskúrsgólfinu. Föt Daníels eru sögð hafa verið þakin blóði og er hann sagður hafa „snert fórnarlambið á kynferðislegan hátt“ eftir að hún dó. Lexi Blythe, verjandi Daníels flutti einnig opnunarræðu frammi fyrir kviðdómnum. Ávarpaði hún kviðdóminn með þeim orðum að ljósmyndirnar af vettvangi glæpsins væru „ekki þægilegar að sjá“ en bætti síðan við að mörgum spurningum væri enn ósvarað varðandi sönnunargögnin í málinu. Þá varaði hún meðlimi kviðdómsins við því að „hrapa að ályktunum“ og bætti við að „meðaumkun ætti ekki að hafa áhrif á niðurstöðu dómsins.“ Sagði Daníel aldrei hafa sýnt iðrun Einn af þeim sem báru vitni í síðustu viku var Nicholas Casteel, en hann var á tímabili samfangi Daníels í Lerdo gæsluvarðhaldsfangelsinu í Kaliforníu. Við vitnaleiðslurnar var Nicholas spurður út í samtöl sem hann og Daníel áttu þegar þeir deildu klefa í fangelsinu. Sagði Nicholas að Daníel hefði sagt honum frá sambandi sínu við Katie. Sagði hann Daniel hafa tjáð sér að sambandið hefði „ekki gengið vel.“ Hann hefði farið með Katie heim til pabba síns og „misst þar stjórn á tilfinningum sínum“ og byrjað að berja hana. Að sögn Nicholas var fíkniefnaneysla Daníels ástæða þess að Katie vildi binda endi á samband þeirra. „Hann viðurkenndi ekki að hafa drepið Katie, hann viðurkenndi það einungis að hafa veitt henni alvarlega áverka,“ sagði Nicholas við vitnaleiðsluna Nicholas var einnig spurður hvort Daníel hefði sagt honum hvernig hann meiddi Katie. „Með ísnál“ svaraði Nicholas. Þá sagði Nicholas að Gunnarsson hefði aldrei sýnt vott af iðrun. Að sögn saksóknara sendi vinur Daníels honum skilaboð sama dag og Katie var myrt þar sem hann bað Daníel um að „gera ekki neitt heimskulegt.“ „Hann fann á sér að Daníel var ekki með réttu ráði.“ Umræddur vinur mun bera vitni fyrir dómnum í þessari viku. Saksóknaraembættið hefur einnig kallað vinkonu Katie til vitnis en vinkonan varð vitni að símtali á milli á Daníels og Katie daginn fyrir morðið þar sem Daníel á að hafa hreytt ókvæðisorðum í Katie. Íslendingar erlendis Erlend sakamál Bandaríkin Mál Daníels Gunnarssonar Mest lesið Greindi þátt almennings og fjölmiðla í máli „strokufangans“ Innlent Handtóku ökumann eftir eftirför á Sæbraut Innlent Vonar að Rauði krossinn endurskoði afstöðu sína Innlent Sagður hafa tæmt sjóði flokksins og rekur nýja stjórn úr húsnæðinu Innlent Þúsundir syrgja í Tehran og Trump segir æðstaklerkinn ljúga Erlent Halla forseti blandar sér í götuljósaumræðuna Innlent „Ég vorkenni því fólki sem lét narra sig í þessa vegferð“ Innlent Svifvængjaflugslys við Reynisfjall Innlent Mikil reiði á Þingeyri vegna flutnings fóðurstöðvar Arctic Fish Innlent Segir ásakanir kjaftæði og íhugar meiðyrðamál Innlent Fleiri fréttir Metþátttaka í ólöglegri göngu: „Það er mikill hugur í fólki“ Þúsundir syrgja í Tehran og Trump segir æðstaklerkinn ljúga Hæstaréttardómarar fjarlægðu flein úr holdi Bandaríkjaforseta Lífstíðarfangelsi fyrir að myrða 14 ára dreng með samúræjasverði Finna fyrir fjarveru Bandaríkjanna á loftslagsfundi en sakna þeirra ekki Ungar konur særðust í skotárás í Nuuk Sá sem samdi Mission: Impossible lagið er látinn Stjúpsonur norska krónprinsins grunaður um nauðganir Dönsk stjórnvöld vilja tryggja fólki höfundarrétt að eigin persónu Stígur fram og segir Írani hafa löðrungað Bandaríkin „Áreiðanleg gögn“ sanni verulegt tjón á kjarnorkumannvirkjum Hvar er Khamenei? Ný ráðgjafarnefnd Kennedy hyggst endurskoða bólusetningar barna Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana Sjá meira
Daníel hefur neitað sök í málinu en hann á yfir höfði sér lífstíðarfangelsi verði hann fundinn sekur. Greint er frá réttarhöldunum á fjölmörgum bandarískum vefmiðlum. Daníel Gunnarsson er 22 ára gamall. Faðir hans er íslenskur en móðir hans er af tékkneskum uppruna. Mæðginin fluttu til Ridgecrest í Kaliforníu fyrir nokkrum árum og gekk Daníel í gagnfræðiskóla í bænum. „Ég veit það ekki, ég hlýt að hafa barið hana í höfuðið“ Að morgni dags 18. maí 2021 fannst Daníel í bílskúr á heimili stjúpföður síns í Ridgecrest með lík Katie Pham við hlið sér. Haft var eftir stjúpföður Daníels í frétt 17 News á sínum tíma að Daníel og Katie hefðu átt í sambandi í stuttan tíma fyrir morðið. Snemma morguns þann 18. maí hafi Daníel hins vegar tjáð honum að hann væri að ganga í gegnum sambandsslit. Þá hafi systir stjúpföðurins séð Daníel og Katie saman rétt áður en hún var myrt. Þegar lögregla mætti á vettvang glæpsins voru buxur, hendur og háls Daníels útötuð í blóði. Daníel var handtekinn á staðnum og játaði fyrir lögreglumönnum að hafa orðið Katie að bana. Þegar lögreglumenn spurðu hann út í áverka á höfði Katie svaraði hann: „Ég veit það ekki, ég hlýt að hafa barið hana í höfuðið.“ Að mati réttarmeinafræðings var Katie stungin til bana en hún var með fjölda stunguáverka á líkama og höfði. Talið er að Daníel hafi notað ísnál við verknaðinn. Reyndi að svipta sig lífi með því að keyra á vegg Í skýrslutöku hjá lögreglu greindu tveir vinir Daníels frá því að hann og Katie hefðu verið að hittast en sambandið hafi þó ekki verið alvarlegt. Daníel hafi þó verið í uppnámi vegna þess að Katie bar ekki sömu tilfinningar til hans og hann bar til hennar. Þá hafi Daníel liðið mjög illa andlega og hafi daginn fyrir morðið gert tilraun til að taka eigið líf með því að keyra á vegg. Þá er haft eftir vinkonu Katie að hún hafi orðið vitni að rifrildi milli Katie og Daníels nokkrum dögum fyrir morðið, þar sem Daníel hafi verið nokkuð orðljótur. Þau hafi keyrt til Las Vegas til að sækja vinkonuna og á leiðinni heim hafi Daníel keyrt eins og óður maður vegna þess að Katie var í símanum og sýndi honum ekki athygli. Að lokum hafi vinkonunni tekist að fá Daníel að stoppa bílinn og keyrði hún sjálf það sem eftir var heimferðarinnar. Grunur er um að Daníel hafi neytt fíkniefna fyrir morðið en hann sagðist sjálfur í skýrslutöku hjá lögreglu vera í vímu eftir að hafa neytt maríjúana. Stjúpfaðir Daníels sagðist aðspurður ekki vita til þess að Daníel hafi nokkurn tíma neytt fíkniefna eða glímt við geðræn vandamál. Í ágúst sama ár úrskurðaði dómari Daníel ósakhæfan. Hann var í kjölfarið fluttur á viðeigandi sjúkrastofnun. Mat geðlækna stofnunarinnar var síðan lagt fyrir dóminn og var Daníel metinn sakhæfur í mars á seinasta ári. Sagður hafa snert líkið á kynferðislegan hátt Síðastliðinn mánudag hófust réttarhöld í málinu hjá héraðsdómstólnum í Kern í Bakersfield í Kaliforníu. Verjandi Daníels og fulltrúi saksóknara fluttu þá opnunarræður sínar fyrir framan kviðdóminn. Fram kom í málflutningi saksóknara að Daníel og Katie hafi byrjað að draga sig saman í apríl árið 2021. Samband þeirra var fyrst um sinn eðlilegt. „En tæpum mánuði seinna þá breyttist eitthvað. Gunnarsson og vinir hans fjarlægðu eigur Katie úr íbúðinni hans og síðan komst hann að því að annar maður hefði heimsótt Katie heim til hennar. Við það reiddist hann,“ kom fram í ræðu saksóknara. Þá kom einnig fram að daginn fyrir morðið hefði Daníel „orðið brjálaður“ og að hegðun hans hafi gefið til kynna að hann væri í sjálfsvígshugleiðingum. Í opnunarræðu saksóknarans kom fram að Daníel hefði stungið Katie með ísnál að minnsta kosti tíu sinnum. Vísað var í ljósmyndir á vettvangi. Þá kom fram að andlit Katie hefði verið „þakið blóði“ og sömuleiðis hafi bílskúrsgólfið verið þakið blóðslettum. Einnig kom fram að búið hefði verið að fletta upp skyrtu fórnarlambsins og toga buxurnar hennar niður fyrir hné, þar sem hún lá látin á dýnu á bílskúrsgólfinu. Föt Daníels eru sögð hafa verið þakin blóði og er hann sagður hafa „snert fórnarlambið á kynferðislegan hátt“ eftir að hún dó. Lexi Blythe, verjandi Daníels flutti einnig opnunarræðu frammi fyrir kviðdómnum. Ávarpaði hún kviðdóminn með þeim orðum að ljósmyndirnar af vettvangi glæpsins væru „ekki þægilegar að sjá“ en bætti síðan við að mörgum spurningum væri enn ósvarað varðandi sönnunargögnin í málinu. Þá varaði hún meðlimi kviðdómsins við því að „hrapa að ályktunum“ og bætti við að „meðaumkun ætti ekki að hafa áhrif á niðurstöðu dómsins.“ Sagði Daníel aldrei hafa sýnt iðrun Einn af þeim sem báru vitni í síðustu viku var Nicholas Casteel, en hann var á tímabili samfangi Daníels í Lerdo gæsluvarðhaldsfangelsinu í Kaliforníu. Við vitnaleiðslurnar var Nicholas spurður út í samtöl sem hann og Daníel áttu þegar þeir deildu klefa í fangelsinu. Sagði Nicholas að Daníel hefði sagt honum frá sambandi sínu við Katie. Sagði hann Daniel hafa tjáð sér að sambandið hefði „ekki gengið vel.“ Hann hefði farið með Katie heim til pabba síns og „misst þar stjórn á tilfinningum sínum“ og byrjað að berja hana. Að sögn Nicholas var fíkniefnaneysla Daníels ástæða þess að Katie vildi binda endi á samband þeirra. „Hann viðurkenndi ekki að hafa drepið Katie, hann viðurkenndi það einungis að hafa veitt henni alvarlega áverka,“ sagði Nicholas við vitnaleiðsluna Nicholas var einnig spurður hvort Daníel hefði sagt honum hvernig hann meiddi Katie. „Með ísnál“ svaraði Nicholas. Þá sagði Nicholas að Gunnarsson hefði aldrei sýnt vott af iðrun. Að sögn saksóknara sendi vinur Daníels honum skilaboð sama dag og Katie var myrt þar sem hann bað Daníel um að „gera ekki neitt heimskulegt.“ „Hann fann á sér að Daníel var ekki með réttu ráði.“ Umræddur vinur mun bera vitni fyrir dómnum í þessari viku. Saksóknaraembættið hefur einnig kallað vinkonu Katie til vitnis en vinkonan varð vitni að símtali á milli á Daníels og Katie daginn fyrir morðið þar sem Daníel á að hafa hreytt ókvæðisorðum í Katie.
Íslendingar erlendis Erlend sakamál Bandaríkin Mál Daníels Gunnarssonar Mest lesið Greindi þátt almennings og fjölmiðla í máli „strokufangans“ Innlent Handtóku ökumann eftir eftirför á Sæbraut Innlent Vonar að Rauði krossinn endurskoði afstöðu sína Innlent Sagður hafa tæmt sjóði flokksins og rekur nýja stjórn úr húsnæðinu Innlent Þúsundir syrgja í Tehran og Trump segir æðstaklerkinn ljúga Erlent Halla forseti blandar sér í götuljósaumræðuna Innlent „Ég vorkenni því fólki sem lét narra sig í þessa vegferð“ Innlent Svifvængjaflugslys við Reynisfjall Innlent Mikil reiði á Þingeyri vegna flutnings fóðurstöðvar Arctic Fish Innlent Segir ásakanir kjaftæði og íhugar meiðyrðamál Innlent Fleiri fréttir Metþátttaka í ólöglegri göngu: „Það er mikill hugur í fólki“ Þúsundir syrgja í Tehran og Trump segir æðstaklerkinn ljúga Hæstaréttardómarar fjarlægðu flein úr holdi Bandaríkjaforseta Lífstíðarfangelsi fyrir að myrða 14 ára dreng með samúræjasverði Finna fyrir fjarveru Bandaríkjanna á loftslagsfundi en sakna þeirra ekki Ungar konur særðust í skotárás í Nuuk Sá sem samdi Mission: Impossible lagið er látinn Stjúpsonur norska krónprinsins grunaður um nauðganir Dönsk stjórnvöld vilja tryggja fólki höfundarrétt að eigin persónu Stígur fram og segir Írani hafa löðrungað Bandaríkin „Áreiðanleg gögn“ sanni verulegt tjón á kjarnorkumannvirkjum Hvar er Khamenei? Ný ráðgjafarnefnd Kennedy hyggst endurskoða bólusetningar barna Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana Sjá meira