Á vef Veðurstofunnar segir að sums staðar verði þokubakkar við ströndina. Spáð er áframhaldandi hlýindum, og megi búast við tuttugu stigum á stöku stað inn til landsins.
„Á morgun hlýnar enn frekar og gæti hiti farið yfir 22 stig inn til landsins norðaustantil. Síðdegis á morgun snýst í sunnan strekking vestantil á landinu og þykknar upp með rigningu um kvöldið.
Suðlægar áttir verða enn ríkjandi á laugardag og líkur eru á jafnvel talsverðri rigningu sunnan og vestantil, og því er ráð að huga að niðurföllum. Um kvöldið fer að rigna austanlands. Á sunnudag styttir upp, fyrst vestantil. Áfram er útlit fyrir hlýindum um landið norðaustanvert um helgina, en kólnar aðeins í veðri fyrir sunnan og vestan,“ segir í hugleiðingum veðurfræðings.
Veðurhorfur á landinu næstu daga
Á föstudag: Hæg suðlæg eða breytileg átt og víða bjartviðri. Gengur í sunnan 5-13 m/s vestantil síðdegis og fer að rigna þar um kvöldið. Hiti 10 til 22 stig, hlýjast norðaustanlands.
Á laugardag: Suðlæg átt 3-10, hvassast vestast, með rigningu eða súld, jafnvel talsverðri sunnan- og vestantil, en þurrt að kalla fram á kvöld austanlands. Hiti breytist lítið.
Á sunnudag: Vestlæg átt 5-10 og rigning eða súld, en dregur úr úrkomu síðdegis, fyrst vestantil. Hiti 10 til 17 stig, hlýjast sunnanlands.
Á mánudag og þriðjudag: Hæg vestlæg eða breytileg átt og lítilsháttar væta. Hiti breytist lítið.
Á miðvikudag: Útlit fyrir suðvestlæga átt og stöku síðdegisskúrir. Áfram milt veður.
