Sam­tal enn í gangi um þjónustu­svipt flótta­fólk

„Það er sam­tal í gangi og við vonumst auð­vitað bara til þess að við sjáum til lands sem allra fyrst,“ segir Guð­mundur Ingi Guð­brands­son, fé­lags-og vinnu­markaðs­ráð­herra, í sam­tali við Vísi.

Áður hefur Guð­mundur sagt, meðal annars í út­varps­þættinum Sprengi­sandi á Bylgjunni þar síðustu helgi, að það hafi ekki verið mark­mið nýrra laga um flótta­fólk að það myndi enda á götunni. Fram­kvæmdin hafi ekki verið nægi­lega góð.

Hann hefur áður fundað með Guð­rúnu Haf­steins­dóttur, dóms­mála­ráð­herra og full­trúa sveitar­fé­laga og sagði hann í Sprengi­sandi, að öll hefðu þau verið sam­mála um að leita lausna í málinu.

„Þó svo að við deilum um það hvar á­byrgðin liggur, verðum við að horfa á það verk­efni að passa að fólk lendi ekki á götunni. Ég segi það bara fullum fetum að fram­kvæmdin eins og sjá má er ekki nógu góð og því þarf að breyta.“

Er ein­hver tíma­setning í aug­sýn?

„Við erum bara að flýta okkur eins mikið og mögu­lega er hægt, enda er málið af­skap­lega brýnt í mínum huga,“ sagði Guð­mundur í sam­tali við Vísi í dag.