Þrír hand­teknir í að­gerðum lög­reglu í Flúða­seli

Þetta staðfestir Eiríkur Valberg, lögreglufulltrúi á miðlægri rannsóknardeild, í samtali við fréttastofu. 

Hann segir að aðgerðum sé að ljúka og að almenningi stafi ekki hætta af. Hann segir að lögregla hafi notið aðstoðar sérsveitar ríkislögreglustjóra í aðgerðunum.

Samkvæmt upplýsingum frá lögreglu tengjast handtökurnar ráni og ofbeldisbroti á höfuðborgarsvæðinu í nótt.

Eiríkur segir að líkur séu á að lögregla muni senda frá sér tilkynningu vegna málsins síðar í dag.

Hann segir að allir mennirnir þrír hafi verið handteknir á sama stað.

Fréttin var uppfærð klukkan 13:13.