„Búið er að kveikja á kyndlunum í dýflissunum“ Viktor Örn Ásgeirsson skrifar 22. september 2023 19:15 Sólveig Anna segist hafa furðað sig á ládeyðu í umræðunni síðustu mánuði en nú sé hreyfing komin á. Vísir/Arnar Sólveig Anna Jónsdóttir formaður Eflingar segir „framvarðasveit verkalýðshreyfingarinnar“ komna á stjá á ný, eftir lægð í skeytasendingum. Hún segir stjórn Eflingar ekki lengur þurfa að furða sig á áhugaleysi. Nú sé búið að ræsa vélarnar. „Eru bara öll komin með leið á því að reyna að senda okkur í verkalýðsfangelsið,“ höfum við spurt hvort annað á stjórnarfundum og vorkennt svolítið verkalýðsfangelsinu, því eftir okkar bestu vitund erum við þau einu sem að höfum (meira og minna stöðugt) verið á leið þangað síðustu ár og áratugi, og ef að við erum ekki einu sinni á leið þangað hver er þá eiginlega tilgangurinn með verkalýðsfangelsinu? Aumingja það.“ Þetta segir Sólveig Anna í færslu á Facebook. Tilefni skrifanna er viðtal mbl.is við Ástþór Jón Ragnheiðarson formann ASÍ-UNG sem sagði „bagalegt“ að sjá enga fulltrúa Eflingar á nýyfirstöðnu landsþingi samtakanna. Ólöf Helga Adolfsdóttir, sem bauð sig fram gegn Sólveigu Önnu, skaut einnig á forystu verkalýðsfélagsins á Facebook í dag þar sem hún sagði stjórn Eflingar hafa ákveðið að banna ungum félagsmönnum sínum að taka þátt á þingi ASÍ-UNG. „En nú þurfum við ekki lengur að undrast áhugaleysið; búið er að kveikja á kyndlunum í dýflissunum. Jei! Mbl flytur frétt af því að engir fulltrúar frá Eflingu séu á mættir á þing ASÍ – ung. Rætt er við þungbúinn formann ungmennana sem að segir að þrátt fyrir að Efling sé ekki eina félagið innan vébanda Alþýðusambands Íslands sem að ekki taki þátt í þingi ASÍ – ung sé alveg á hreinu að Efling sé eina félagið sem geri það af einskærum andstyggilegheitum,“ heldur Sólveig Anna áfram. Rekin burt eins og ótýndur ruslaralýður Sólveig Anna segir að Ástþór Jón hafi lagt til fyrir ári síðan að öllum kjörbréfum Eflingar á þingi ASÍ yrði hafnað og að fulltrúar Eflingar yrðu „reknir burtu eins og ótýndur ruslaralýður“. Það hafi hann gert í samstarfi við Ólöfu Önnu sem þá var í framboði til forseta ASÍ, og það þrátt fyrir að ASÍ hefði þegar dæmt kjörbréf Eflingar lögleg. „Þá fannst honum sko alls ekki bagalegt að sjá enga fulltrúa Eflingar, þvert á móti þráði hann að þurfa ekki horfa upp á fulltrúa Eflingar á sjálfu þingi sjálfs Alþýðusambandsins. Þarna fengum við Eflingar-fólk að sjá með eigin augum hversu mikill leiðtogi ungi formaðurinn er og sannfærðumst auðvitað strax um að hann ætti framtíðina fyrir sér innan vébanda hreyfingar vinnandi fólks. Áfram metnaðarfullir ungir íslenskir strákar sem að vilja reka burt kellingar og útlendinga sem halda að þau séu eitthvað!“ Sólveig Anna segir að útskýrt hafi verið fyrir Ólöfu Helgu að aðildarfélögum ASÍ væri í sjálfsvald sett hvort þau tækju þátt í starfsemi ASÍ-UNG. Hún geti þó ekki sagt til um hvort útskýringarnar hafi borið árangur en kveðst telja það ólíklegt. Stjórn Eflingar loks á leið í „verkalýðsfangelsið“ „Ég held að í Alþýðusambandi Íslands séu 44 aðildarfélög. Á þingi ASÍ – ung í dag eru fulltrúar frá 17 félögum. 27 félög að Eflingu meðtalinni sendu ekki fulltrúa á þingið. En af hverju að hugsa um þá staðreynd? Hún er í raun alls ekki relevant. Vegna þess að auðvitað vita formaður ASÍ – ung og Mbl og Ólöf Helga að þrátt fyrir að 26 önnur félög en Efling hafi ekki séð ástæðu til að senda fulltrúa á þingið er það bara Efling sem gerir það af einskærri illsku og ógeðslegum glæpavilja,“ heldur Sólveig Anna áfram. Hún segir að nú sé stjórn Eflingar loks á leið í „verkalýðsfangelsið,“ eftir langa hríð. „Við glæpafólkið höfum reyndar aldrei heyrt dýflissuhurðirnar skella í lás á eftir okkur, en hver veit – kannski er stundin loksins runnin upp. Kannski tekst Ástþóri, Ólöfu Helgu og Mbl loksins að koma okkur bak við luktar dyr, reykvískri borgarastétt og auðvaldi til mikillar ánægju. Þá geta Ástþór og Ólöf lagst sátt til hvílu í þeirri vitneskju að vel-launaða inni-vinnan bíður þeirra bókstaflega handan við hornið. Og hvað gæti verið betri árangur fyrir unga baráttufólkið en það?“ Stéttarfélög Kjaraviðræður 2023 ASÍ Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Farþegar látnir sofa á gólfinu á hóteli í Keflavík Innlent „Forsetinn var aldrei óviðeigandi við neinn“ Erlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Sjö ára hlaupari kemur hópnum yfir línuna í sjötta maraþoninu á morgun Innlent Bíll konunnar sást á upptöku Innlent Hátt í tveggja tíma veðmálaauglýsing í boði Rúv Innlent Fleiri fréttir Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Áfall fyrir RIFF Skipar samningateymi um uppbyggingu Víkings á Markarsvæði Leituðu ítrekað í geymslur stofnunar Sjá meira
„Eru bara öll komin með leið á því að reyna að senda okkur í verkalýðsfangelsið,“ höfum við spurt hvort annað á stjórnarfundum og vorkennt svolítið verkalýðsfangelsinu, því eftir okkar bestu vitund erum við þau einu sem að höfum (meira og minna stöðugt) verið á leið þangað síðustu ár og áratugi, og ef að við erum ekki einu sinni á leið þangað hver er þá eiginlega tilgangurinn með verkalýðsfangelsinu? Aumingja það.“ Þetta segir Sólveig Anna í færslu á Facebook. Tilefni skrifanna er viðtal mbl.is við Ástþór Jón Ragnheiðarson formann ASÍ-UNG sem sagði „bagalegt“ að sjá enga fulltrúa Eflingar á nýyfirstöðnu landsþingi samtakanna. Ólöf Helga Adolfsdóttir, sem bauð sig fram gegn Sólveigu Önnu, skaut einnig á forystu verkalýðsfélagsins á Facebook í dag þar sem hún sagði stjórn Eflingar hafa ákveðið að banna ungum félagsmönnum sínum að taka þátt á þingi ASÍ-UNG. „En nú þurfum við ekki lengur að undrast áhugaleysið; búið er að kveikja á kyndlunum í dýflissunum. Jei! Mbl flytur frétt af því að engir fulltrúar frá Eflingu séu á mættir á þing ASÍ – ung. Rætt er við þungbúinn formann ungmennana sem að segir að þrátt fyrir að Efling sé ekki eina félagið innan vébanda Alþýðusambands Íslands sem að ekki taki þátt í þingi ASÍ – ung sé alveg á hreinu að Efling sé eina félagið sem geri það af einskærum andstyggilegheitum,“ heldur Sólveig Anna áfram. Rekin burt eins og ótýndur ruslaralýður Sólveig Anna segir að Ástþór Jón hafi lagt til fyrir ári síðan að öllum kjörbréfum Eflingar á þingi ASÍ yrði hafnað og að fulltrúar Eflingar yrðu „reknir burtu eins og ótýndur ruslaralýður“. Það hafi hann gert í samstarfi við Ólöfu Önnu sem þá var í framboði til forseta ASÍ, og það þrátt fyrir að ASÍ hefði þegar dæmt kjörbréf Eflingar lögleg. „Þá fannst honum sko alls ekki bagalegt að sjá enga fulltrúa Eflingar, þvert á móti þráði hann að þurfa ekki horfa upp á fulltrúa Eflingar á sjálfu þingi sjálfs Alþýðusambandsins. Þarna fengum við Eflingar-fólk að sjá með eigin augum hversu mikill leiðtogi ungi formaðurinn er og sannfærðumst auðvitað strax um að hann ætti framtíðina fyrir sér innan vébanda hreyfingar vinnandi fólks. Áfram metnaðarfullir ungir íslenskir strákar sem að vilja reka burt kellingar og útlendinga sem halda að þau séu eitthvað!“ Sólveig Anna segir að útskýrt hafi verið fyrir Ólöfu Helgu að aðildarfélögum ASÍ væri í sjálfsvald sett hvort þau tækju þátt í starfsemi ASÍ-UNG. Hún geti þó ekki sagt til um hvort útskýringarnar hafi borið árangur en kveðst telja það ólíklegt. Stjórn Eflingar loks á leið í „verkalýðsfangelsið“ „Ég held að í Alþýðusambandi Íslands séu 44 aðildarfélög. Á þingi ASÍ – ung í dag eru fulltrúar frá 17 félögum. 27 félög að Eflingu meðtalinni sendu ekki fulltrúa á þingið. En af hverju að hugsa um þá staðreynd? Hún er í raun alls ekki relevant. Vegna þess að auðvitað vita formaður ASÍ – ung og Mbl og Ólöf Helga að þrátt fyrir að 26 önnur félög en Efling hafi ekki séð ástæðu til að senda fulltrúa á þingið er það bara Efling sem gerir það af einskærri illsku og ógeðslegum glæpavilja,“ heldur Sólveig Anna áfram. Hún segir að nú sé stjórn Eflingar loks á leið í „verkalýðsfangelsið,“ eftir langa hríð. „Við glæpafólkið höfum reyndar aldrei heyrt dýflissuhurðirnar skella í lás á eftir okkur, en hver veit – kannski er stundin loksins runnin upp. Kannski tekst Ástþóri, Ólöfu Helgu og Mbl loksins að koma okkur bak við luktar dyr, reykvískri borgarastétt og auðvaldi til mikillar ánægju. Þá geta Ástþór og Ólöf lagst sátt til hvílu í þeirri vitneskju að vel-launaða inni-vinnan bíður þeirra bókstaflega handan við hornið. Og hvað gæti verið betri árangur fyrir unga baráttufólkið en það?“
Stéttarfélög Kjaraviðræður 2023 ASÍ Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Farþegar látnir sofa á gólfinu á hóteli í Keflavík Innlent „Forsetinn var aldrei óviðeigandi við neinn“ Erlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Sjö ára hlaupari kemur hópnum yfir línuna í sjötta maraþoninu á morgun Innlent Bíll konunnar sást á upptöku Innlent Hátt í tveggja tíma veðmálaauglýsing í boði Rúv Innlent Fleiri fréttir Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Áfall fyrir RIFF Skipar samningateymi um uppbyggingu Víkings á Markarsvæði Leituðu ítrekað í geymslur stofnunar Sjá meira