Ryder bikarinn: Ósætti innan bandaríska hópsins

Patrick Cantlay ku vera ósáttur við að bandarísku kylfingarnir fái ekki greitt fyrir þátttöku sína í mótinu og í mótmælaskyni neitar hann að bera derhúfu liðsins á vellinum en hún er hluti af búningi liðsins. Cantlay er ekki á neinu flæðiskeri staddur en hann þénaði um 15 milljónir dollara í fyrra og er kominn yfir 13 milljónir þetta árið.

Þá hafa borist fréttir af því að Cantlay og Xander Schauffele, sem eru nánir vinir, séu ósammála um þessi mál og sitji nú eins langt frá öðrum og þeir geta í búningsklefa liðsins.

Seinni umferð dagsins er nú í fullum gangi í Róm og leiða Bandaríkjamenn með fjórum stigum í þeim tveimur viðureignum sem eru lengst komnar en leiknar hafa verið 14 og tólf holur í þeim viðureignum.

Evrópuliðin eru aftur á móti í forystu í seinni tveimur viðureignum dagsins en leiða þó aðeins með einu stigi í hvorri viðureign.

Fylgjast má með stöðunni í viðureignunum á vefsíðu mótsins.

Ryder bikarinn verður sýndur í beinni útsendingu alla helgina á Vodafone Sport.