„Ég er hætt í þessu, ég þarf ekkert á þessum fokking LXS TV show að halda“

Þær Birgitta Líf, Magnea Björg, Sunneva Einars, Ína María og Kristín Pétursdóttir voru mættar út til Spánar og gekk sannarlega á ýmsu í þættinum.

Eins og sást í þar síðasta þætti var Magnea Björg komin með nóg af því að verið væri að grípa fram í fyrir henni.

Hún hélt áfram að tjá sig um það á Kanarí nema að þessu sinni brotnaði hún algjörlega niður og vildi einfaldlega hætta að taka þátt í raunveruleikaþættinum.

Hún bað um að slökkt yrði á myndavélunum og sagði við framleiðanda þáttanna: „Ég er hætt í þessu, ég þarf ekkert á þessum fokking LXS TV show að halda.“

Hér að neðan má sjá brot úr þætti gærkvöldsins en hægt er að sjá alla þættina í heild sinni á Stöð 2+.