Fá slæma út­reið heima fyrir eftir niður­­lægingu gær­­kvöldsins

Meistara­deildar­kvöldin sneru aftur á St. James´ Park í gær­kvöldi þegar að heima­menn í New­cast­le United buðu upp á stór­sýningu í 4-1 sigri sínum á Paris Saint Germain.

New­cast­le komst þremur mörkum yfir í leiknum með mörkum frá Miguel Al­miron, Dan Burn og Sean Longst­aff. Lucas Hernandez klóraði í bakkann fyrir Parísar­liðið á fyrsta stundar­fjórðungi seinni hálf­leiks en Fabian Schar inn­siglaði 4-1 sigur heima­manna með marki í upp­bóta­tíma venju­legs leik­tíma.

Leik­menn Paris Saint-Germain fá í dag slæma út­reið í nýjasta tölu­blaði L'Equ­i­pe. Hæsta ein­kunn sem leik­maður í liðinu fær er 6 og fellur það í hlut War­ren Zaire-Emery.

Stjór­stjarnan Kyli­an Mbappé, burðar­stólpi í liði Paris Saint-Germain, fær tvo í ein­kunn frá blaðinu og sömu sögu er að segja af mið­verðinum Marqu­in­hos og sóknar­manninum Kolo Muani.

Einkunnir leikmanna PSG gegn Newcastle (L'Equipe):

Gianluigi Donnarumma: 5

Achraf Hakimi: 3

Marquinhos: 2

Milan Skriniar: 4

Lucas Hernández: 5

Manuel Ugarte: 3

Warren Zaire Emery: 6

Ousmane Dembélé: 4

Kylian Mbappé: 2

Randal Kolo Muani: 2

Goncalo Ramos: 3

Þjálfari (Luis Enrique): 3