Fótbolti

AC Milan selur mark­varðar­­treyjur með nafni Giroud

Óskar Ófeigur Jónsson skrifar
Olivier Giroud fagnar sigri AC Milan eftir leik í markamannsbúningnum og með hanskana.
Olivier Giroud fagnar sigri AC Milan eftir leik í markamannsbúningnum og með hanskana. Getty/Matteo Ciambelli

Olivier Giroud er ekki bara mikill markaskorari því hann er líka seigur markvörður. Það sýndi hann á móti Alberti Guðmundssyni og félögum í ítölsku deildinni um helgina.

Giroud þurfti að fara í markið þegar markvörðurinn Mike Maignan var rekinn af velli. Stefano Pioli þjálfari var búinn að nota allar skiptingarnar og Giroud fór því í markið.

Staðan var 1-0 og Giroud tryggði sigurinn með því að halda marki sínu hreinu.

Giroud varði meðal annars frábærlega frá George Puscas á lokasekúndum leiksins.

AC Milan höfðu gaman af hetjudáðum franska framherjans og heiðra hann með tvenns konar hætti.

Giroud var bæði settur á lista yfir markverði liðsins en einnig er boðið upp að það að kaupa markvarðartreyju AC Milan með nafni og númeri Giroud.

Ítalski boltinn

Mest lesið


Fleiri fréttir

Sjá meira


×

Mest lesið