Ölvaður með skot­vopn í bílnum

Þetta kemur fram í dagbók lögreglunnar á höfuðborgarsvæðinu. Maðurinn var handtekinn en hann er einnig grunaður um að aka undir áhrifum áfengis. 

Alls voru sjö vistaðir í fangageymslu yfir nóttina. Var það ýmist vegna ölvunar og fíkniefnaaksturs, slagsmála og skemmdarverka. Einn var handtekinn eftir að hafa sparkað í lögreglubifreið þannig að mikið tjón hlaust af. Sá var einnig með fíkniefni á sér. 

Tilkynnt var um hópslagsmál á skemmtistað í Grafarvogi. Í tilkynningu segir að dyravörður hafi verið með mann í tökum þegar lögreglu bar að garði. Sá reyndist vera með hníf á sér. Einn var fluttur á slysadeild til skoðunar. 

Þá kom upp eldur í bifreið á Barónstíg 2. Tveir bílar eru ónýtir vegna eldsins og sá þriðji talsvert skemmdur. Ekkert er vitað um eldsupptök að svo stöddu en lögregla fer með rannsókn málsins.