Sig­ríður Hrefna hættir eftir sex ára starf í bankanum

Frá þessu segir í tilkynningu frá Íslandsbanka. Þar kemur fram að hún hafi starfað hjá bankanum frá árinu 2017. Hún muni starfa hjá bankanum næstu vikur og vera bankastjóra innan handar þar til ráðið verður í starfið.

Haft er eftir Jóni Guðna Ómarssyni, bankastjóra Íslandsbanka, að Sigríður Hrefna hafi átt sex farsæl ár í bankanum þar sem hún hafi leitt Einstaklingssvið bankans og verið lykilmaður í að byggja upp stafræna vegferð bankans. 

„Bankaþjónusta hefur breyst mikið á þessum árum og hefur Sigríður Hrefna verið kraftmikill leiðtogi í því að þróa bankaþjónustu með nútímalegum og hagkvæmum hætti. Við þökkum Sigríði fyrir einstaklega gott samstarf og óskum henni velfarnaðar í nýju starfi,“ er haft eftir Jóni Guðna.