Edda Ara­dóttir á lista TIME

„Ritstjórar og fréttamenn TIME fengu tilnefningar og meðmæli frá leiðtogum í iðnaði, samtökum á borð við Global Optimism og The B Team, og frá ráðgjafanefnd TIMECO2. Við valið var horft til þátta á borð við hversu nýlega viðkomandi hefur náð árangri, umfang árangurs og áhrifa viðkomandi.“

Í viðtali við TIME segir Edda að nauðsynlegt sé að gera meiri kröfur til yfirvalda varðandi lofstlagsmál.

Aðspurð um hvað henni fyndist vera mikilvægast í baráttunni við loftslagsbreytingar næsta árið segir hún: „Auknar kröfur á yfirvöld að standa við markmið sín á hnitmiðaðari og gagnsæjari hátt. Meðal annars með aukinni fjárveitingu til verkefna sem sporna við loftslagsbreytingum, meðal annars í suðurálfum, en einnig með skilvirkara regluverki.“