Handbolti

Læri­sveinar Guð­mundar upp í annað sæti

Runólfur Trausti Þórhallsson skrifar
Guðmundur Guðmundsson er að gera frábæra hluti í Danmörku.
Guðmundur Guðmundsson er að gera frábæra hluti í Danmörku. EPA-EFE/Tamas Kovacs

Fredericia, lið Guðmundar Guðmundssonar í dönsku úrvalsdeildinni í handbolta, lyfti sér í dag upp í 2. sæti deildarinnar með góðum útisigri á Bjerringbro/Silkeborg.

Fyrir leik dagsins var um að ræða liðin í 3. og 4. sæti deildarinnar og því mátti búast við hörkuleik. Fyrri hálfleikur var á þá leið en staðan í hálfleik var 14-13 heimamönnum í vil.

Í síðari hálfleik setti Fredericia í fluggírinn bæði í vörn og sókn. Heimamenn komust lítt áleiðis og á endanum vann Fredericia öruggan sjö marka sigur, lokatölur 24-31.

Kristian Stoklund var markahæstur í liði gestanna með 8 mörk en Einar Þorsteinn Ólafsson komst ekki á blað.

Handbolti Danski boltinn

Mest lesið


Fleiri fréttir

Sjá meira


×

Mest lesið