Stjörnum prýdd frum­sýning Fíusólar

Fíasól gefst aldrei upp byggir á rómuðum skáldverkum Kristínar Helgu Gunnarsdóttur. Í sýningunni leiðir leikstjórinn Þórunn Arna Kristjánsdóttir úrvals lið leikara og stóran og kraftmikinn barnahóp sem samanstendur af hvorki meira né minna en tuttugu og einu barni. 

Stelpuskottið Fíasól er óstöðvandi gleðisprengja, full af orku en stundum löt, skarpgreind en fljótfær og svo hugmyndarík að foreldrum hennar stendur hreinlega ekki alltaf á sama. 

Eins og Fíasól segir sjálf þá er ekki alltaf gott að vita hvort hugmyndir séu góðar eða slæmar þegar þær koma upp í kollinn! 

Maríanna Clara Lúthersdóttir og Þórunn Arna Kristjánsdóttir semja leikgerðina og er Þórunn jafnframt leikstjóri sýningarinnar. Tónlistin er í höndum Braga Valdimars Skúlasonar.