Indiana vann 122-112 sigur á Boston og eru Pacers menn þar með búnir að vinna alla fimm leiki sína í keppninni til þessa.
Maður kvöldsins hjá Indiana Pacers var án efa Tyrese Haliburton sem kom aftur inn í liðið eftir að hafa misst úr leikinn á undan vegna meiðsla.
MONDAY'S IN-SEASON TOURNAMENT QUARTERFINALS FINAL SCORES
— NBA (@NBA) December 5, 2023
Tyrese Haliburton's first career triple-double leads the @Pacers to an electric W as they advance to the Semifinals in Vegas!
Myles Turner: 17 PTS, 10 REB
Jayson Tatum: 32 PTS, 12 REB, 6 AST pic.twitter.com/ATheu5tiKR
Haliburton var ekki sannfærandi framan af leik en fór heldur betur í gang í þeim síðari. Hann náði sinni fyrstu þrennu á ferlinum með því að skora 26 stig, taka 10 fráköst og gefa 13 stoðsendingar. Næstur honum í stigaskorun var Buddy Hield með 21 stig.
„Í fyrri hálfleiknum þá var ég dauður,“ sagði Tyrese Haliburton en komst svo á flug eftir hlé. Hann skoraði sjálfur eða átti stoðsendinguna í fyrstu nítján stigum Indiana liðsins í seinni hálfleiknum. Indiana var sjö stigum undir í hálfleik en vann þriðja leikhlutann 37-23 og leit ekki til baka eftir það.
Tyrese Haliburton showed OUT to lead the Pacers to the In-Season Tournament Semifinals
— NBA (@NBA) December 5, 2023
26 PTS
10 REB
13 AST
His first career triple-double pic.twitter.com/HLbmDNh6SR
„Það fylgir því góð tilfinning að vinna ekki síst leik sem enginn bjóst við að við myndum vinna,“ sagði Haliburton.
Það dugði ekki Boston að bæði Jayson Tatum (32 stig, 12 fráköst og 6 stoðsendingar) og Jaylen Brown (30 stig og 9 fráköst) skoruðu yfir þrjátíu stig.
Fyrsta liðið úr Vesturdeildinni til þess að komast áfram í undanúrslitin í Vegas var lið New Orleans Pelicans sem vann 127-117 útisigur á Sacramento Kings. Brandon Ingram var frábær með 30 stig en Herb Jones skoraði 23 stig og Jonas Valanciunas var með 18 stig.
Brandon Ingram showed OUT as the Pelicans advanced to the In-Season Tournament Semifinals in Vegas
— NBA (@NBA) December 5, 2023
30 PTS \ 8 REB \ 6 AST pic.twitter.com/Qra1ot9FZr
Stórstjörnur Kings spiluðu vel en það var ekki nóg. De'Aaron Fox skoraði 30 stig og Domantas Sabonis bætti við 26 stigum, 13 fráköstum og 10 stoðsendingum. Þetta var fyrsta tap Sacramento liðsins í keppninni því liðið vann alla fjóra leiki sína í riðlinum.
Átta liða úrslitin klárast síðan í nótt. Milwaukee Bucks fær þá New York Knicks í heimsókn og Los Angeles Lakers tekur á móti Phoenix Suns í seinni leiknum. Leikur Bucks og Knicks verður sýndur beint og hefst útsendingin klukkan hálfeitt eftir miðnætti á Stöð 2 Sport 2.
Two tickets to Vegas have been punched.
— NBA (@NBA) December 5, 2023
The Pacers and Pelicans advance to the In-Season Tournament Semifinals
Quarterfinals continue Tuesday night on TNT pic.twitter.com/00x1iWnblJ