„Á maður ekki alltaf að stefna á toppinn?“

Vörulínan er að sögn Birgittu Lífar endurvakning á upprunalega vörumerkinu World Class Gym Wear frá árinu 1985. 

„Fatamerkið var upprunlega stofnað sama ár og fyrsta líkamsræktarstöðin var opnuð. Fyrir tveimur árum endurvöktum við fatalínuna með lífstílsgöllum og gamla lógóinu sem komu í takmörkuðu upplagi og seldist strax  upp,“ segir Birgitta Líf.

Nýja vörulínan var í höndum systkinnanna Birgittu Lífar og Björns Boða sem var þróuð í samstarfi við Arnar Leó Ágústsson.

„Við hugsuðum af hverju við værum ekki með eigið vörumerki sem þjónustar viðskiptavini okkar enn betur. Ég held að við könnumst flest við það að hafa gleymt sokkum eða bol þegar við mætum í ræktina, við vildum mæta þeirri eftirspurn og vera með eigið brand ,“ segir Birgitta Líf. 

Margar verslanir í kortunum

„Við opnuðum liðna helgi vefverslun og store in store verslun í Smáralind með öllum vörunum. Í framhaldi verða minni verslanir í Kringlunni og Laugum. Auk þess er planið að opna fleiri verslanir með tímanum,“ segir Birgitta Líf.

Að sögn Birgittu Lífar var litaval, efni og snið á fatalínunni í höndum hennar og Björns Boða. 

„Ég valdi dömufatnaðinn og Björn Boði herralínuna. Það er auðvitað mjög misjafnt hvað fólk fílar en við erum ótrúlega ánægð með útkomuna sem ætti að henda flestum,“ segir Birgitta Líf.

Fyrirsæturnar á myndunum starfa hjá World Class.