Var næstum sofnaður í miðjum leik

Hinn 38 ára Flacco spilaði vel í sigri Browns, 37-20. Með honum tryggði liðið sér sæti í úrslitakeppninni.

Myndband af Flacco úr leiknum vakti mikla athygli en þar virtist hann hreinlega vera að sofna.

„Mér leiddist svo að horfa á sóknina okkar! Við gerðum ekki nógu vel,“ sagði Flacco í léttum dúr eftir leikinn.

Flacco gekk í raðir Browns í síðasta mánuði eftir að aðalleikstjórnandi liðsins, Deshaun Watson, meiddist illa. Hann lék lengi með Baltimore Ravens og varð meistari með liðinu 2013. Flacco var valinn besti leikmaður Super Bowl það árið.