Mót­mæla að­gerðar­leysi vegna Gasa við Ráð­herra­bú­staðinn

Félagið Ísland-Palestína stendur fyrir mótmælunum en mótmælendur mættu klukkan 09:00 í morgun. Þeir létu vel í sér heyra. Félagið hefur í vetur reglulega mætt til mótmæla vegna ástandsins á Gasa og árásar Ísraelsmanna.

Þess er krafist að ríkisstjórn Íslands veiti öllu palestínsku flóttafólki vernd og að fólki sem fengið hafi samþykkta fjölskyldusameiningu verði komið til landsins. Stjórnvöld eru krafin um það að stöðva án tafar allar brottvísanir á palestínsku flóttafólki.

Þá krefjast mótmælendur þess að íslensk stjórnvöld beiti viðskiptaþvingunum gegn Ísrael og slíti stjórnmálasambandi við landið. Auk þess krefjast mótmælendur þess að Ísland taki undir ákæru Suður-Afríku á hendur Ísraelsríkis fyrir Alþjóðadómstólnum í Haag.