Eldgosið norðan Grindavíkur, sem hófst skömmu fyrir klukkan átta í morgun, hefur ekki haft áhrif á starfsemi Keflavíkurflugvallar eða áætlun innanlandsflugs.
Þetta staðfestir Guðjón Helgason, upplýsingafulltrúi Isavia, í samtali við Vísi.
Hann segir að í tilvikum sem þessum, þegar gos hefst, sé afmarkaður ákveðinn stór hringur í kringum eldstöðina, þar sem flug er bannað, á meðan Veðurstofan og fleiri vinna að gerð öskuspár.
Það hafi þó einungis varað í skamma stund.
Eldgos hófst rétt norðan Grindavíkur klukkan 07:57 í morgun. Í fréttinni má sjá gosstöðvarnar í beinni útsendingu.
Eldgos hófst norðan Grindavíkur, suðsuðaustan Hagafells, skömmu fyrir klukkan átta í morgun.
