Frelsisneistinn í brjósti hinna kúguðu verður ekki slökktur með ofbeldi Ingólfur Steinsson skrifar 29. janúar 2024 18:00 Hvað getur maður svo sem sagt um framgöngu Ísraels í Palestínu undanfarna mánuði? Þeir hafa þverbrotið allar reglur sem alþjóðasamfélagið hefur þó komið sér saman um þegar stríðsrekstur er annars vegar. Það hafa þeir gert í skjóli Bandaríkjanna, Bretlands og Þýskalands sem hafa öll átt sinn þátt í að koma á þessum reglum. Hvers vegna leyfist Ísrael að drepa yfir 10 þúsund börn á nokkrum mánuðum, þúsundir kvenna, særa yfir 60 þúsund, eyðileggja 60% alls húsnæðis Palestínumanna á Gaza, skrúfa fyrir vatn, rafmagn, eldsneyti og nánast alla afgreiðslu hjálpargagna inn í þetta opna fangelsi sem Gaza hefur verið áratugum saman. Ég er að reyna að skilja þetta. Þeir hafa stundað þjóðernishreinsanir, hóprefsingar, glæpi gegn mannkyni og þjóðarmorð fyrir allra augum, allt á þessum sama tíma, rúmum þremur mánuðum. Framganga Ísraels er svo yfirgengileg að annað eins hefur ekki sést í hernaði undangenginna áratuga. Annað eins hefur kannski ekki gerst síðan í síðari heimsstyrjöld, í holocaustinu þegar það rann upp fyrir veröldinni að nazistar höfðu myrt milljónir gyðinga í útrýmingarbúðum sínum sem þeir höfðu kallað vinnubúðir. Samviskubit hinna vestrænu þjóða, með Þýskaland í fararbroddi, hefur valdið því að æ síðan hefur verið haldið verndarhendi yfir Ísrael. Það var sett niður í Palestínu, e-s konar samviska heimsins, með vísan í tvö þúsund ára sögu og gamlan heilaspuna um gjöf guðs á landi til þessarar þjóðar sem átti svo sem eins og að vera hans/hennar útvalin þjóð. Hjá Sameinuðu þjóðunum vissu menn ofur vel að í því landi Palestínu bjó fólk og hafði gert það árhundruðum saman. Jú, það átti að fá 48% landsins! Þetta gátu arabar ekki sætt sig við. En það mátti ekki trufla helgisögnina eða skyggja á góðverk hinna vestrænu þjóða. Víst var holocaustið hræðilegt, óskiljanleg grimmd þar sem morð voru framin á verksmiðjukenndan hátt með gasi og líkin brennd í ofnum er spúðu svörtum reyk sem lagðist eins og mara yfir nágrennið. En það voru ekki Vesturlönd sem frömdu þau voðaverk og ekki Þjóðverjar dagsins í dag. Gyðingahatur var hins vegar útbreitt á þessum árum og víst hefðu vestrænar þjóðir mátt vera duglegri að taka á móti gyðingum og flóttamönnum yfirleitt. En tíðarandinn var á móti þessu fólki sem skýrir kannski að e-u leyti samviskubit þjóða nútímans: Við hefðum átt að standa okkur betur, þar á meðal Íslendingar! Forsetar Bandaríkjanna eins og Clinton og Obama reyndu að fá Ísrael og Palestínu til að samþykkja tveggja ríkja lausn. Palestína fengi sitt ríki sem þeim hafði verið lofað í upphafi eða hluta af því. Í öllum tilfellum voru það öfgaöfl frá báðum hliðum sem komu í veg fyrir þetta. Gekk það svo langt að Rabín, forsætisráðherra Ísraels var myrtur af öfgasinnuðum gyðingi eftir að hann skrifaði undir Oslóarsamningana sem byggðu á tveggja ríkja lausn. Netanjahú er öfgamaður sem hefur alltaf verið á móti þessari lausn sem jafnvel Biden er búinn að átta sig á að er eina lausnin á þessu vandamáli. Auðvitað verða Palestínumenn að fá að stofna sitt ríki. Að halda að hægt sé að kúga þá til hlýðni með hervaldi, drápum og endalausum mannréttindabrotum er mikil fásinna. Sagan hefur sýnt okkur að slíkt kallar aðeins fram meira ofbeldi. Frelsisneistinn verður ekki slökktur í brjósti hinna kúguðu. Eina leiðin til friðar er að gefa þeim frelsi. Þetta ættum við að vita eftir bitra reynslu aldanna. Þess vegna er nú svo komið að Bandaríkin verða að setja Bíbí úrslitakosti. Annaðhvort samþykkir hann og hans hægrisinnaða stjórn tveggja ríkja lausnina og gerir ráðstafanir til að vinda ofan af landráni síðustu áratuga eða USA hættir ofurstuðningi sínum við Ísrael en hann er litlir 3.8 milljarðar dollara á ári! Bíbí Netanjahú vill bara halda áfram að drepa Palestínumenn með bandarískum vopnum og vera þannig áfram við völd. Allur hans vitræni máttur fer nú í það að reyna að sannfæra veröldina um að Ísrael sé bara að verja hendur sínar. En sá málflutningur hefur holan hljóm. Eða hvernig getur sú gereyðing sem stunduð hefur verið á Gaza flokkast undir sjálfsvörn? Og Bíbí veit að um leið og stríðinu lýkur hættir hann að vera forsætisráðherra vegna þess að ísraelska þjóðin hefur misst allt traust til þessa manns. Og stór hluti heimsbyggðarinnar er þar á sama máli. Höfundur er tónlistarmaður. Viltu birta grein á Vísi? Sendu okkur póst. Senda grein Átök í Ísrael og Palestínu Ingólfur Steinsson Mest lesið „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Vér erum úr sömu sveit Steinþór Logi Arnarsson Skoðun Heiðmörk: Gaddavír og girðingar Auður Kjartansdóttir Skoðun Réttlát leiðrétting veiðigjalda Elín Íris Fanndal Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Stéttarkerfi Halldóra Lillý Jóhannsdóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Halldór 24.05.2025 Halldór Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Skoðun Skoðun Sósíalistaflokkurinn kaus breytingar Karl Héðinn Kristjánsson skrifar Skoðun Vér erum úr sömu sveit Steinþór Logi Arnarsson skrifar Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar Skoðun Réttlát leiðrétting veiðigjalda Elín Íris Fanndal skrifar Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar Skoðun Heiðmörk: Gaddavír og girðingar Auður Kjartansdóttir skrifar Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Sjá meira
Hvað getur maður svo sem sagt um framgöngu Ísraels í Palestínu undanfarna mánuði? Þeir hafa þverbrotið allar reglur sem alþjóðasamfélagið hefur þó komið sér saman um þegar stríðsrekstur er annars vegar. Það hafa þeir gert í skjóli Bandaríkjanna, Bretlands og Þýskalands sem hafa öll átt sinn þátt í að koma á þessum reglum. Hvers vegna leyfist Ísrael að drepa yfir 10 þúsund börn á nokkrum mánuðum, þúsundir kvenna, særa yfir 60 þúsund, eyðileggja 60% alls húsnæðis Palestínumanna á Gaza, skrúfa fyrir vatn, rafmagn, eldsneyti og nánast alla afgreiðslu hjálpargagna inn í þetta opna fangelsi sem Gaza hefur verið áratugum saman. Ég er að reyna að skilja þetta. Þeir hafa stundað þjóðernishreinsanir, hóprefsingar, glæpi gegn mannkyni og þjóðarmorð fyrir allra augum, allt á þessum sama tíma, rúmum þremur mánuðum. Framganga Ísraels er svo yfirgengileg að annað eins hefur ekki sést í hernaði undangenginna áratuga. Annað eins hefur kannski ekki gerst síðan í síðari heimsstyrjöld, í holocaustinu þegar það rann upp fyrir veröldinni að nazistar höfðu myrt milljónir gyðinga í útrýmingarbúðum sínum sem þeir höfðu kallað vinnubúðir. Samviskubit hinna vestrænu þjóða, með Þýskaland í fararbroddi, hefur valdið því að æ síðan hefur verið haldið verndarhendi yfir Ísrael. Það var sett niður í Palestínu, e-s konar samviska heimsins, með vísan í tvö þúsund ára sögu og gamlan heilaspuna um gjöf guðs á landi til þessarar þjóðar sem átti svo sem eins og að vera hans/hennar útvalin þjóð. Hjá Sameinuðu þjóðunum vissu menn ofur vel að í því landi Palestínu bjó fólk og hafði gert það árhundruðum saman. Jú, það átti að fá 48% landsins! Þetta gátu arabar ekki sætt sig við. En það mátti ekki trufla helgisögnina eða skyggja á góðverk hinna vestrænu þjóða. Víst var holocaustið hræðilegt, óskiljanleg grimmd þar sem morð voru framin á verksmiðjukenndan hátt með gasi og líkin brennd í ofnum er spúðu svörtum reyk sem lagðist eins og mara yfir nágrennið. En það voru ekki Vesturlönd sem frömdu þau voðaverk og ekki Þjóðverjar dagsins í dag. Gyðingahatur var hins vegar útbreitt á þessum árum og víst hefðu vestrænar þjóðir mátt vera duglegri að taka á móti gyðingum og flóttamönnum yfirleitt. En tíðarandinn var á móti þessu fólki sem skýrir kannski að e-u leyti samviskubit þjóða nútímans: Við hefðum átt að standa okkur betur, þar á meðal Íslendingar! Forsetar Bandaríkjanna eins og Clinton og Obama reyndu að fá Ísrael og Palestínu til að samþykkja tveggja ríkja lausn. Palestína fengi sitt ríki sem þeim hafði verið lofað í upphafi eða hluta af því. Í öllum tilfellum voru það öfgaöfl frá báðum hliðum sem komu í veg fyrir þetta. Gekk það svo langt að Rabín, forsætisráðherra Ísraels var myrtur af öfgasinnuðum gyðingi eftir að hann skrifaði undir Oslóarsamningana sem byggðu á tveggja ríkja lausn. Netanjahú er öfgamaður sem hefur alltaf verið á móti þessari lausn sem jafnvel Biden er búinn að átta sig á að er eina lausnin á þessu vandamáli. Auðvitað verða Palestínumenn að fá að stofna sitt ríki. Að halda að hægt sé að kúga þá til hlýðni með hervaldi, drápum og endalausum mannréttindabrotum er mikil fásinna. Sagan hefur sýnt okkur að slíkt kallar aðeins fram meira ofbeldi. Frelsisneistinn verður ekki slökktur í brjósti hinna kúguðu. Eina leiðin til friðar er að gefa þeim frelsi. Þetta ættum við að vita eftir bitra reynslu aldanna. Þess vegna er nú svo komið að Bandaríkin verða að setja Bíbí úrslitakosti. Annaðhvort samþykkir hann og hans hægrisinnaða stjórn tveggja ríkja lausnina og gerir ráðstafanir til að vinda ofan af landráni síðustu áratuga eða USA hættir ofurstuðningi sínum við Ísrael en hann er litlir 3.8 milljarðar dollara á ári! Bíbí Netanjahú vill bara halda áfram að drepa Palestínumenn með bandarískum vopnum og vera þannig áfram við völd. Allur hans vitræni máttur fer nú í það að reyna að sannfæra veröldina um að Ísrael sé bara að verja hendur sínar. En sá málflutningur hefur holan hljóm. Eða hvernig getur sú gereyðing sem stunduð hefur verið á Gaza flokkast undir sjálfsvörn? Og Bíbí veit að um leið og stríðinu lýkur hættir hann að vera forsætisráðherra vegna þess að ísraelska þjóðin hefur misst allt traust til þessa manns. Og stór hluti heimsbyggðarinnar er þar á sama máli. Höfundur er tónlistarmaður.
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar
Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar
Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun