Herinn hefur tapað tugum bæja í hendur uppreisnarmanna Samúel Karl Ólason skrifar 31. janúar 2024 23:57 Min Aung Hlaing, leiðtogi herforingjastjórnarinnar í Mjanmar, þykir sérstaklega óvinsæll um þessar mundir. Hernum hefur gengið mjög illa í bardögum við uppreisnarmenn í landinu. EPA/NARONG SANGNAK Hersveitir herforingjastjórnarinnar í Mjanmar hafa þurft að þola hvern ósigurinn á fætur öðrum í átökum við uppreisnarmenn á undanförnum mánuðum. Þremur árum eftir að herforingjastjórnin rændi völdum af ríkisstjórn nóbelsverðlaunahafans Aung San Suu Kyi, hefur herforingjastjórnin aldrei verið í verri stöðu en nú. Aðilar sem hafa hingað til verið hliðhollir herforingjastjórninni, eins og blaðamenn og munkar, hafa kallað opinberlega eftir því að Min Aung Hlaing, æðsti maður stjórnarinnar, stígi til hliðar. Ummæli um að hann ætti að segja af sér þóttu óhugsanleg fyrir nokkrum mánuðum, samkvæmt frétt Reuters. Herforingjastjórn Búrma tók völdin árið 2021, þegar þeir héldu því fram að umfangsmikið kosningasvindl hefði átt sér stað í kosningunum sem haldnar voru í nóvember 2020. Flokkur Aung San Suu Kyi, fyrrverandi leiðtoga landsins, vann mikinn sigur í þessum kosningum en herforingjastjórnin hefur aldrei fært sannanir fyrir ásökunum um svindl. Umfangsmikil mótmæli fóru fram eftir valdaránið en þeim var mætt af mikilli hörku og voru fjölmargir mótmælendur skotnir til bana af hermönnum. Í kjölfarið voru nokkrir uppreisnarhópar myndaðir í Mjanmar. Undanfarna mánuði hafa uppreisnarhópar víðsvegar um landið tekið höndum saman gegn herforingjastjórninni og unnið margra sigra. Þá hefur forsvarsmönnum hersins gengið illa að fá nýtt fólk í herinn. Sjá einnig: Hermenn sagðir gefast upp í massavís Frá því í október er talið að herforingjastjórnin hafi misst í það minnsta 35 bæi í hendur uppreisnarmanna en barist er víða um landið. Min Aung Hlaing hefur ekki viðurkennt þessa ósigra að öðru leyti en að segja að landsvæði hafi tapast. Í dag framlengdi hann neyðarástand í landinu um hálft ár svo herinn gæti „tryggt frið og stöðugleika“. Hagkerfi Mjanmar hefur einnig beðið mikla hnekki frá því herinn tók völd. Bæði vegna refsiaðgerða og slæmrar efnahagsstjórnar. Rafmagnsleysi eru tíð í landinu og það sama má segja um eldsneytisskort. Samkvæmt AP fréttaveitunni hefur landsframleiðsla dregist saman um tíu prósent frá 2019. Erindreki frá svæðinu, sem vildi ekki láta nafns síns getið, sagði mikla reiði innan hersins í garð Min Aung Hlaing. Margir vilji hann burt. Í frétt Reuters segir að fylking sem inniheldur meðlimi úr flokkinn Aung Suu Kyi og meðlimi þriggja uppreisnarhópa hafi gefið út yfirlýsingu í dag um að þau væru tilbúin til viðræðna við herforingjastjórnina, ef hún færi eftir sex skilyrðum. Þau fela meðal annars í sér að færa stjórn hersins undir hendur borgaralegar ríkisstjórnar og að herinn hætti að skipta sér af stjórnmálum landsins. Herforingjastjórnin hefur ekki brugðist við þessari yfirlýsingu. Ríkið með tvö nöfn Mjanmar gengur í raun undir tveimur nöfnum. Það hét lengi, og er víða enn kallað, Búrma. Árið 1989, eftir að þáverandi herstjórn landsins barði niður hreyfingu mótmælenda sem vildu lýðræðisumbætur, með miklu ofbeldi, breytti herstjórnin nafni landsins í skyndi. Herinn sagði þá að Búrma væri nafn sem tengdist nýlendutíma ríkisins og skildi aðra þjóðflokka landsins útundan. Nafnið Búrma er sama nafn og stærsti þjóðflokkur landsins ber. Heiti ríkisins var ekki breytt í landinu sjálfu. Á burmnesku heitir Mjanmar enn formlega Búrma. Á heimsvísu var ákveðin tregða til að notast við Mjanmar en það hefur breyst á undanförnum árum, með aukinni hreyfingu í átt að lýðræði í landinu og minni áhrifum hersins. Mjanmar Mest lesið Biskup lætur Rúv heyra það vegna umræðunnar í gær Innlent „Halló kríp, ég er með slæmar fréttir fyrir þig“ Innlent Sótt að Snorra vegna framkomu hans og forneskjulegra skoðana Innlent „Þeir sem eru haldnir fordómum eiga ekki að koma nálægt opinberri stefnumótun“ Innlent Ástandið ólíðandi í Mjóddinni: „Hvernig upplifun er að mæta á svona salerni?“ Innlent „Ég er með meiri athygli í tímum og maður lærir miklu betur“ Innlent Fordæmir Snorra harðlega og segir hann gamaldags Innlent Erfiður mánuður í vændum fyrir Repúblikana Erlent Ekki hægt að byggja endurbætur í Mjóddinni á frasapólitík Innlent Baðlón fær ekki að setja upp ljósaskilti við hringveginn Innlent Fleiri fréttir Vilja gera Úkraínu að tormeltum „stálbroddgelti“ Telja nú að enginn raðsundlaugarkúkari hafi verið á ferð Mátti ekki nota hermenn til löggæslu í Los Angeles „Rússar eru upp á náð Kínverja komnir“ Setja tæpar tvær billjónir í freigátur frá Bretlandi Að minnsta kosti fjórtánhundrað látnir í Afganistan Erfiður mánuður í vændum fyrir Repúblikana Vilja viðurkenna Palestínu en með skilyrðum Leiðtogar Rússlands, Írans og Norður-Kóreu viðstaddir kínverska hersýningu „Þetta er skipulag að fjöldabrottflutningum, markaðssett sem þróunaráætlun“ Talíbanar óska eftir aðstoð alþjóðasamfélagsins Vélmenni hlaðin sprengiefnum rífi niður byggingar Vara við því að Kennedy ógni heilsu landsmanna Baðst afsökunar áður en hann hlaut fangelsisdóm fyrir vörslu barnaníðsefnis Telja Rússa hafa truflað flugvél forseta framkvæmdastjórnar ESB „Kynlífsdúkka“ af ungu barni meðal gagna máls gegn fyrrverandi ráðherra Refsivert að leita að ævisögu Navalní á netinu í Rússlandi Dómari stöðvaði flutning fylgdarlausra barna til Gvatemala Rúmlega sex hundruð látnir eftir skjálfta í Afganistan Handtekinn vegna morðsins á þingforsetanum fyrrverandi Vilja reisa gervigreindarborgir á rústum Gasa Vilja losna við lífsýni sem tengt var Ásu Felldu talsmann hernaðararms Hamas Sár yfir Nóbelnum og rak Modi í faðm Xi Ísland enn friðsælast í sífellt versnandi heimi Ætla að hægja á eða stöðva flæði neyðaraðstoðar Skipagöng ólíklegri eftir að tilboð reyndust of há Maður talinn af eftir jarðfall Reynir að taka fleiri spil úr stokki þingsins Hleypa fulltrúum Palestínu ekki á allsherjarþingið Sjá meira
Aðilar sem hafa hingað til verið hliðhollir herforingjastjórninni, eins og blaðamenn og munkar, hafa kallað opinberlega eftir því að Min Aung Hlaing, æðsti maður stjórnarinnar, stígi til hliðar. Ummæli um að hann ætti að segja af sér þóttu óhugsanleg fyrir nokkrum mánuðum, samkvæmt frétt Reuters. Herforingjastjórn Búrma tók völdin árið 2021, þegar þeir héldu því fram að umfangsmikið kosningasvindl hefði átt sér stað í kosningunum sem haldnar voru í nóvember 2020. Flokkur Aung San Suu Kyi, fyrrverandi leiðtoga landsins, vann mikinn sigur í þessum kosningum en herforingjastjórnin hefur aldrei fært sannanir fyrir ásökunum um svindl. Umfangsmikil mótmæli fóru fram eftir valdaránið en þeim var mætt af mikilli hörku og voru fjölmargir mótmælendur skotnir til bana af hermönnum. Í kjölfarið voru nokkrir uppreisnarhópar myndaðir í Mjanmar. Undanfarna mánuði hafa uppreisnarhópar víðsvegar um landið tekið höndum saman gegn herforingjastjórninni og unnið margra sigra. Þá hefur forsvarsmönnum hersins gengið illa að fá nýtt fólk í herinn. Sjá einnig: Hermenn sagðir gefast upp í massavís Frá því í október er talið að herforingjastjórnin hafi misst í það minnsta 35 bæi í hendur uppreisnarmanna en barist er víða um landið. Min Aung Hlaing hefur ekki viðurkennt þessa ósigra að öðru leyti en að segja að landsvæði hafi tapast. Í dag framlengdi hann neyðarástand í landinu um hálft ár svo herinn gæti „tryggt frið og stöðugleika“. Hagkerfi Mjanmar hefur einnig beðið mikla hnekki frá því herinn tók völd. Bæði vegna refsiaðgerða og slæmrar efnahagsstjórnar. Rafmagnsleysi eru tíð í landinu og það sama má segja um eldsneytisskort. Samkvæmt AP fréttaveitunni hefur landsframleiðsla dregist saman um tíu prósent frá 2019. Erindreki frá svæðinu, sem vildi ekki láta nafns síns getið, sagði mikla reiði innan hersins í garð Min Aung Hlaing. Margir vilji hann burt. Í frétt Reuters segir að fylking sem inniheldur meðlimi úr flokkinn Aung Suu Kyi og meðlimi þriggja uppreisnarhópa hafi gefið út yfirlýsingu í dag um að þau væru tilbúin til viðræðna við herforingjastjórnina, ef hún færi eftir sex skilyrðum. Þau fela meðal annars í sér að færa stjórn hersins undir hendur borgaralegar ríkisstjórnar og að herinn hætti að skipta sér af stjórnmálum landsins. Herforingjastjórnin hefur ekki brugðist við þessari yfirlýsingu. Ríkið með tvö nöfn Mjanmar gengur í raun undir tveimur nöfnum. Það hét lengi, og er víða enn kallað, Búrma. Árið 1989, eftir að þáverandi herstjórn landsins barði niður hreyfingu mótmælenda sem vildu lýðræðisumbætur, með miklu ofbeldi, breytti herstjórnin nafni landsins í skyndi. Herinn sagði þá að Búrma væri nafn sem tengdist nýlendutíma ríkisins og skildi aðra þjóðflokka landsins útundan. Nafnið Búrma er sama nafn og stærsti þjóðflokkur landsins ber. Heiti ríkisins var ekki breytt í landinu sjálfu. Á burmnesku heitir Mjanmar enn formlega Búrma. Á heimsvísu var ákveðin tregða til að notast við Mjanmar en það hefur breyst á undanförnum árum, með aukinni hreyfingu í átt að lýðræði í landinu og minni áhrifum hersins.
Mjanmar Mest lesið Biskup lætur Rúv heyra það vegna umræðunnar í gær Innlent „Halló kríp, ég er með slæmar fréttir fyrir þig“ Innlent Sótt að Snorra vegna framkomu hans og forneskjulegra skoðana Innlent „Þeir sem eru haldnir fordómum eiga ekki að koma nálægt opinberri stefnumótun“ Innlent Ástandið ólíðandi í Mjóddinni: „Hvernig upplifun er að mæta á svona salerni?“ Innlent „Ég er með meiri athygli í tímum og maður lærir miklu betur“ Innlent Fordæmir Snorra harðlega og segir hann gamaldags Innlent Erfiður mánuður í vændum fyrir Repúblikana Erlent Ekki hægt að byggja endurbætur í Mjóddinni á frasapólitík Innlent Baðlón fær ekki að setja upp ljósaskilti við hringveginn Innlent Fleiri fréttir Vilja gera Úkraínu að tormeltum „stálbroddgelti“ Telja nú að enginn raðsundlaugarkúkari hafi verið á ferð Mátti ekki nota hermenn til löggæslu í Los Angeles „Rússar eru upp á náð Kínverja komnir“ Setja tæpar tvær billjónir í freigátur frá Bretlandi Að minnsta kosti fjórtánhundrað látnir í Afganistan Erfiður mánuður í vændum fyrir Repúblikana Vilja viðurkenna Palestínu en með skilyrðum Leiðtogar Rússlands, Írans og Norður-Kóreu viðstaddir kínverska hersýningu „Þetta er skipulag að fjöldabrottflutningum, markaðssett sem þróunaráætlun“ Talíbanar óska eftir aðstoð alþjóðasamfélagsins Vélmenni hlaðin sprengiefnum rífi niður byggingar Vara við því að Kennedy ógni heilsu landsmanna Baðst afsökunar áður en hann hlaut fangelsisdóm fyrir vörslu barnaníðsefnis Telja Rússa hafa truflað flugvél forseta framkvæmdastjórnar ESB „Kynlífsdúkka“ af ungu barni meðal gagna máls gegn fyrrverandi ráðherra Refsivert að leita að ævisögu Navalní á netinu í Rússlandi Dómari stöðvaði flutning fylgdarlausra barna til Gvatemala Rúmlega sex hundruð látnir eftir skjálfta í Afganistan Handtekinn vegna morðsins á þingforsetanum fyrrverandi Vilja reisa gervigreindarborgir á rústum Gasa Vilja losna við lífsýni sem tengt var Ásu Felldu talsmann hernaðararms Hamas Sár yfir Nóbelnum og rak Modi í faðm Xi Ísland enn friðsælast í sífellt versnandi heimi Ætla að hægja á eða stöðva flæði neyðaraðstoðar Skipagöng ólíklegri eftir að tilboð reyndust of há Maður talinn af eftir jarðfall Reynir að taka fleiri spil úr stokki þingsins Hleypa fulltrúum Palestínu ekki á allsherjarþingið Sjá meira