Dæmdur fyrir gróft ofbeldi gegn kærustu og sneri strax aftur eftir fangelsisvist Jón Þór Stefánsson skrifar 16. febrúar 2024 12:19 Atvik málsins áttu sér stað á heimili konunnar á Akureyri. Vísir/Tryggvi Páll Karlmaður hefur hlotið fimm ára fangelsisdóm í Héraðsdómi Norðurlands eystra fyrir brot gegn fyrrverandi unnustu sinni. Hann var sakfelldur fyrir að nauðga konunni, hóta henni og beita ofbeldi. Honum er gert að greiða konunni tvær milljónir í miskabætur. Málið varðar þrjú atvik sem áttu sér stað í janúarmánuði 2022. Fyrst á nýársdag og svo tólfta og þrettánda janúar. Maðurinn hafði áður hlotið dóm fyrir gróf ofbeldisbrot gagnvart konunni, en í því máli var hann sakfelldur í fimm ákæruliðum fyrir brot sem áttu sér stað 2019 og 2020. Í einum ákærulið þess máls var manninum gefið að sök að ráðast á konuna á veitingastað, slá hana ítrekað í andlitið, skvetta kjúklingasúpu yfir höfuð hennar og hella matarolíu í hár hennar. Síðan hrint henni, troðið pappír í kok hennar svo hún gat varla andað og þar á eftir dregið hana í gestaherbergi hússins og neytt hana í kalda sturtu. Upptaka úr öryggismyndavél lykilsönnunargagn Hann sat í fangelsi vegna þessara ofbeldisbrota frá október 2020 til 29. desember 2021, en þá var hann frjáls ferða sinna með ákveðnum skilyrðum og í rafrænu eftirliti. Í dómi héraðsdóms kemur fram að á nýársdag 2022, þremur dögum eftir að hann losnaði, hafi hann komið á heimili konunnar og nauðgað henni. Konan hafði fengið sér öryggismyndavél vegna þess að hún átti von á því að maðurinn myndi koma og í málinu lá fyrir mynd- og hljóðupptaka úr myndavélinni. „Ég hef ekkert að tala við þig“ heyrist konan segja í upptökunni og maðurinn svarar: „Ég hef mikið að tala við þig, af hverju í fokkanum læturðu svona við mig?“ „Ef það væri einhver ástæða til þess að lemja þig [nafn konunnar] þá væri það virkilega núna,“ heyrist hann líka segja á upptökunni. Þá kemur fram að konan hafi ítrekað beðið manninn um að fara. Þá heyrist hún biðja hann um að fara af sér. „Ég fer ekkert af þér, ég á þig, þú veist alveg [nafn konunnar] að ég á þig. Það er enginn að fara að taka þig frá mér […] ég er ekki að fara að beita þig ofbeldi, aldrei aftur, ég sver það, aldrei,“ svarar hann. Fram kemur að nokkrum mínútum síðar heyrist konan enn biðja hann um að hætta. Síðar í upptökunni segir að heyra megi hljóð sem ætla megi að séu stunur og samfarahljóð í örstutta stund. Eftir það hafi þau farið aftur að rífast og maðurinn spurt hvort hann væri of ágengur og hún svarað játandi. Maðurinn neitaði því að hann hafi nauðgað konunni og í málsvörn sinni vísaði hann til fyrri kynferðissamskipta sinna og konunnar. Þau hafi áður verið í sambandi og hún hafi gefið honum undir fótinn með frekara samband og kynlíf í símtali 2021. „Slík samskipti geta engin áhrif haft hér enda er fólki frjálst að skipta um skoðun hvenær sem er og þarf samþykki fyrir þátttöku í kynferðismökum í hvert skipti,“ segir í dómnum. Þá vísaði maðurinn til þess að konan hafi ekki litið á atvikið sem nauðgun þar sem hún teldi það vera ofbeldi. Að hennar mati væri nauðgun „eitthvað brútal sjitt“ og virtist ekki telja að atvikið hafi fallið undir það. Dómurinn sagði „villu“ konunnar um hugtakið nauðgun ekki hafa áhrif á refsinæmi háttseminnar. Kom aftur tæpum tveimur vikum seinna Í öðrum ákæruliðnum var manninum gefið að sök að hafa farið í heimildarleysi á heimili konunnar þann tólfta janúar 2022 og ekki farið þaðan þrátt fyrir ítrekaðar beiðnir konunnar um það. Þá hafi hann tekið í hár hennar og gripið um hendur hennar, snúið upp á þær og slegið hana í rassinn. Síðan hafi hann hótað henni. „Þegiðu og hlustaðu. Þú ert fífl. Ég slæ þig fokking fast utan undir ef þú fokking heldur ekki kjafti. Er þetta þakklætið fyrir að, horfðu á mig, horfðu á mig. Er þetta þakklætið fyrir það að ég sit fyrir framan dómstóla og játa milljón króna bótakröfu,“ er haft eftir manninum og líka: „Á ég ekki bara að kýla þig einu sinni og þá erum við kvitt, ha?“ Dómurinn féll Héraðsdómi norðurlands eystra. Vísir/Kolbeinn Maðurinn játaði sök í þeim ákærulið að því undanskildu að hann hefði farið á heimili í heimildarleysi og ákæruvaldið féll frá þeim hluta ákærunnar. Daginn eftir það atvik, þann þrettánda janúar, sneri maðurinn aftur á heimili konunnar. Honum var gefið að sök að hafa slegið konuna utanundir með flötum lófa. Og að fyrir vikið hafi hún hlotið roða í andliti. Aftur kemur fram að konan hafi þrábeðið manninn um að fara af heimili hennar. Ógnaði lífi og heilsu konunnar Maðurinn játaði sök, að því undanskildu að hafa slegið konuna. Dómurinn taldi þó gögn málsins sýna fram á að hann hefði gert það og sakfelldi hann fyrir háttsemina. Líkt og áður segir hlaut maðurinn fimm ára fangelsisdóm. Við ákvörðun refsingar leit dómurinn til þess að maðurinn hefði í raun einungis ekki brotið á konunni þegar hann sat inni og gat ekki nálgast konuna. Því lítur dómurinn á að um óslitið framhald af fyrri brotum mannsins sé að ræða. Háttsemi hans hafi augljóslega verið til þess fallin að ógna heilsu og velferð konunnar. Þá er honum gert að greiða konunni tvær milljónir króna í miskabætur og 2,7 milljónir í sakarkostnað. Dómsmál Akureyri Kynferðisofbeldi Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fleiri fréttir Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Sjá meira
Málið varðar þrjú atvik sem áttu sér stað í janúarmánuði 2022. Fyrst á nýársdag og svo tólfta og þrettánda janúar. Maðurinn hafði áður hlotið dóm fyrir gróf ofbeldisbrot gagnvart konunni, en í því máli var hann sakfelldur í fimm ákæruliðum fyrir brot sem áttu sér stað 2019 og 2020. Í einum ákærulið þess máls var manninum gefið að sök að ráðast á konuna á veitingastað, slá hana ítrekað í andlitið, skvetta kjúklingasúpu yfir höfuð hennar og hella matarolíu í hár hennar. Síðan hrint henni, troðið pappír í kok hennar svo hún gat varla andað og þar á eftir dregið hana í gestaherbergi hússins og neytt hana í kalda sturtu. Upptaka úr öryggismyndavél lykilsönnunargagn Hann sat í fangelsi vegna þessara ofbeldisbrota frá október 2020 til 29. desember 2021, en þá var hann frjáls ferða sinna með ákveðnum skilyrðum og í rafrænu eftirliti. Í dómi héraðsdóms kemur fram að á nýársdag 2022, þremur dögum eftir að hann losnaði, hafi hann komið á heimili konunnar og nauðgað henni. Konan hafði fengið sér öryggismyndavél vegna þess að hún átti von á því að maðurinn myndi koma og í málinu lá fyrir mynd- og hljóðupptaka úr myndavélinni. „Ég hef ekkert að tala við þig“ heyrist konan segja í upptökunni og maðurinn svarar: „Ég hef mikið að tala við þig, af hverju í fokkanum læturðu svona við mig?“ „Ef það væri einhver ástæða til þess að lemja þig [nafn konunnar] þá væri það virkilega núna,“ heyrist hann líka segja á upptökunni. Þá kemur fram að konan hafi ítrekað beðið manninn um að fara. Þá heyrist hún biðja hann um að fara af sér. „Ég fer ekkert af þér, ég á þig, þú veist alveg [nafn konunnar] að ég á þig. Það er enginn að fara að taka þig frá mér […] ég er ekki að fara að beita þig ofbeldi, aldrei aftur, ég sver það, aldrei,“ svarar hann. Fram kemur að nokkrum mínútum síðar heyrist konan enn biðja hann um að hætta. Síðar í upptökunni segir að heyra megi hljóð sem ætla megi að séu stunur og samfarahljóð í örstutta stund. Eftir það hafi þau farið aftur að rífast og maðurinn spurt hvort hann væri of ágengur og hún svarað játandi. Maðurinn neitaði því að hann hafi nauðgað konunni og í málsvörn sinni vísaði hann til fyrri kynferðissamskipta sinna og konunnar. Þau hafi áður verið í sambandi og hún hafi gefið honum undir fótinn með frekara samband og kynlíf í símtali 2021. „Slík samskipti geta engin áhrif haft hér enda er fólki frjálst að skipta um skoðun hvenær sem er og þarf samþykki fyrir þátttöku í kynferðismökum í hvert skipti,“ segir í dómnum. Þá vísaði maðurinn til þess að konan hafi ekki litið á atvikið sem nauðgun þar sem hún teldi það vera ofbeldi. Að hennar mati væri nauðgun „eitthvað brútal sjitt“ og virtist ekki telja að atvikið hafi fallið undir það. Dómurinn sagði „villu“ konunnar um hugtakið nauðgun ekki hafa áhrif á refsinæmi háttseminnar. Kom aftur tæpum tveimur vikum seinna Í öðrum ákæruliðnum var manninum gefið að sök að hafa farið í heimildarleysi á heimili konunnar þann tólfta janúar 2022 og ekki farið þaðan þrátt fyrir ítrekaðar beiðnir konunnar um það. Þá hafi hann tekið í hár hennar og gripið um hendur hennar, snúið upp á þær og slegið hana í rassinn. Síðan hafi hann hótað henni. „Þegiðu og hlustaðu. Þú ert fífl. Ég slæ þig fokking fast utan undir ef þú fokking heldur ekki kjafti. Er þetta þakklætið fyrir að, horfðu á mig, horfðu á mig. Er þetta þakklætið fyrir það að ég sit fyrir framan dómstóla og játa milljón króna bótakröfu,“ er haft eftir manninum og líka: „Á ég ekki bara að kýla þig einu sinni og þá erum við kvitt, ha?“ Dómurinn féll Héraðsdómi norðurlands eystra. Vísir/Kolbeinn Maðurinn játaði sök í þeim ákærulið að því undanskildu að hann hefði farið á heimili í heimildarleysi og ákæruvaldið féll frá þeim hluta ákærunnar. Daginn eftir það atvik, þann þrettánda janúar, sneri maðurinn aftur á heimili konunnar. Honum var gefið að sök að hafa slegið konuna utanundir með flötum lófa. Og að fyrir vikið hafi hún hlotið roða í andliti. Aftur kemur fram að konan hafi þrábeðið manninn um að fara af heimili hennar. Ógnaði lífi og heilsu konunnar Maðurinn játaði sök, að því undanskildu að hafa slegið konuna. Dómurinn taldi þó gögn málsins sýna fram á að hann hefði gert það og sakfelldi hann fyrir háttsemina. Líkt og áður segir hlaut maðurinn fimm ára fangelsisdóm. Við ákvörðun refsingar leit dómurinn til þess að maðurinn hefði í raun einungis ekki brotið á konunni þegar hann sat inni og gat ekki nálgast konuna. Því lítur dómurinn á að um óslitið framhald af fyrri brotum mannsins sé að ræða. Háttsemi hans hafi augljóslega verið til þess fallin að ógna heilsu og velferð konunnar. Þá er honum gert að greiða konunni tvær milljónir króna í miskabætur og 2,7 milljónir í sakarkostnað.
Dómsmál Akureyri Kynferðisofbeldi Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fleiri fréttir Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Sjá meira