Á­fram bjart suð­vestan­til á landinu

Á vef Veðurstofunnar segir að seint í kvöld sé síðan búist við snjókomu eða slyddu á Austfjörðum og Suðausturlandi.

Hiti verður á bilinu núll til sjö stig, en kringum frostmark fyrir norðan og austan.

„Á morgun er svo áfram útlit fyrir norðaustanátt með svipuðu hitistig og í dag en líklega verður ekki alveg þurrt á suðvestanverðu landinu eins og í dag, en slydda, snjókoma eða rigning, allt eftir hitastigi. 

Eftir það fer verður kólnandi og verður kalt í það minnsta út vikuna og líkur á að úrkoma verði af og til í öllum landshlutum þótt áveðurs þ.e. norðan- og austantil megi búast við að verði einna mest úrkoma,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Norðaustan 8-15 m/s, en hægari norðaustanlands. Víða él, en úrkomulítið suðvestantil. Hiti 1 til 5 stig að deginum syðra, annars um eða undir frostmarki.

Á miðvikudag: Norðaustan 8-15 og él, en þurrt og bjart suðvestanlands. Hiti breytist lítið.

Á fimmtudag og föstudag: Norðaustlæg átt og fremur kalt. Dálítil él um mest allt land, en líkur á snjókomu um tíma suðvestanlands.

Á laugardag: Austanátt og dálítil él. Frost um allt land.

Á sunnudag: Útlit fyrir norðaustanátt, frost um allt land og úrkomu í öllum landshlutum.