Höfnum hernaðarbandalaginu!

Hópur íslenskra friðarsinna skrifar 30. mars 2024 11:51

Þann 30. mars árið 1949, fyrir 75 árum, samþykkti Alþingi þingsályktunartillögu um inngöngu í Atlantshafsbandalagið. Með því voru háværar kröfur um að bera Nató-aðildina undir þjóðaratkvæði að engu hafðar og mörg þeirra sem tóku þátt í mótmælum þennan örlagaríka dag máttu þola harða dóma og miklar refsingar. Inngangan í Nató var óheillaspor.

Með þessari ákvörðun urðu Íslendingar eina herlausa ríkið í veröldinni sem er meðlimur í hernaðarbandalagi. Á grunni aðildarinnar voru opnaðar herstöðvar í landinu og vegna hennar eru enn í dag talsverð hernaðarumsvif í og við landið, s.s. heræfingar, flug orrustuþotna og kafbátaleit.

Nató er bandalag margra stærstu vopnaframleiðsluríkja heims, sem mörg hver eiga blóði drifna sögu stríðsrekstrar og hernaðaríhlutana um víða veröld. Bandalagið hefur átt beinan og óbeinan þátt í fjölda styrjalda, einkum eftir að Kalda stríðinu lauk. Þar gafst gott tækifæri til að leggja bandalagið niður, en því miður var í staðinn ákveðið að færa út kvíar þess, líkt og stríð á Balkanskaga, Afganistan og Líbýu sanna. Að auki hefur Nató átt í nánu hernaðarsamstarfi við ríki á borð við Ísrael og Sádi Arabíu.

Kjarnorkuvopn eru grundvöllur hernaðarstefnu Nató og hefur bandalagið ekki útilokað beitingu þeirra að fyrra bragði. Vegna þessa hefur Ísland, líkt og önnur Nató-ríki, staðið gegn sáttmála Sameinuðu þjóðanna um bann við kjarnorkuvopnum. Bandalagið gerir einnig kröfur um að aðildarríkin eyði svimandi háum fjárhæðum í hernaðarmál, sem tryggir vopnaframleiðendum stórgróða en kemur um leið í veg fyrir að sömu fjármunum sé varið til uppbyggilegra verkefna.

Í stað þess að leggja Atlantshafsbandalaginu lið sitt og verða þar með ábyrgt fyrir verkum þess og stefnu teljum við undirrituð að Íslendingar ættu fremur að standa utan allra hernaðarbandalaga og leggja ætíð lóð sín á vogarskálar friðar og réttlætis í veröldinni. Ísland úr Nató!

Andrea Helgadóttir	Varaborgarfulltrúi	Reykjavík
Anna Ragna Fossberg Jóhönnudóttir	Næringarfræðingur og rithöfundur	Reykjavík
Arnaldur Grétarsson	Sviðsstjóri	Reykjavík
Auðna Ágústsdóttir	Hjúkrunarfræðingur	Reykjavík
Auður Lilja Erlingsdóttir	Deildarstjóri	Reykjavík
Bergljót Kristjándsdóttir	fv. prófessor	Reykjavík
Birna Gunnarsdóttir	Verkefnastjóri	Reykjavík
Bjarni Harðarson	Bóksali	Selfossi
Björk Vilhelmsdóttir	Félagsráðgjafi	Reykjavík
Bogi Reynisson	Tæknimaður	Reykjavík
Davíð Hörgdal Stefánsson	Rithöfundur	Reykjavík
Drífa Snædal	Talskona Stígamóta	Reykjavík
Einar Bergmundur	Forstöðumaður	Reykjavík
Einar Ólafsson	Rithöfundur	Kópavogi
Elín Oddný Sigurðardóttir	Teymisstjóri	Reykjavík
Eygló Jónsdóttir	Rithöfundur	Hafnarfirði
Eyrún Ósk Jónsdóttir	Rithöfundur	Hafnarfirði
Friðfinnur Örn Hagalín	Kerfisstjór	Reykjavík
Friðrik Atlason	Tónlistarmaður	Reykjavík
Gestur Ásólfsson	Rafvirki	Reykjavík
Guðbjörg Þ. Örlygsdóttir	Líffræðingur	Reykjavík
Guðjón Ragnar Jónasson	Kennari og rithöfundur	Reykjavík
Guðrún Þórs	Verkefnastjóri	Akureyri
Gunna Lára Elsu Pálmadóttir	Sérfræðingur	Snæfellsbæ
Gunnar Smári Egilsson	Blaðamaður	Reykjavík
Gunnar Þór Jónsson	Vélvirkja- og bifvélavirkjameistari á eftirlaunum	Skeiða- og Gnúpverjahreppi
Guttormur Þorsteinsson	Formaður Samtaka hernaðarandstæðinga	Reykjavík
Hafdís Erla Hafsteinsdóttir	Doktorsnemi í sagnfræði	Arnarvatni
Harpa Kristbergsdóttir	Aðgerðarsinni	Reykjavík
Haukur Már Haraldsson	Setjari og framhaldsskólakennari á eftirlaunum	Reykjavík
Helgi M. Sigurðsson	Sagnfræðingur	Kópavogi
Héðinn Björnsson	Menntaskólakennari	Kaupmannahöfn
Hrafnkell Lárusson	Sagnfræðingur	Reykjavík
Ingibjörg Haraldsdóttir	Kennari	Reykjavík
Ingibjörg Stefánsdóttir	Leiðsögumaður	Reykjavík
Ingibjörg Þórðardóttir	Framhaldsskólakennari	Neskaupstað
Ingunn Snædal	Þýðandi, skáld og kennari	Reykjavík
Jovana Pavlović	Mannfræðingur	Borgarnesi
Jóhann Geirdal	fv. skólastjóri	Suðurnesjabæ
Jón Jónsson	Þjóðfræðingur	Ströndum
Jóna Benediktsdóttir	Skólastjóri Varmárskóla	Reykjavík
Kari Ósk Grétudóttir	Myndlistarkennari og ljóðskáld	Osló
Karl Héðinn Kristjánsson	Fjölmiðlamaður	Reykjavík
Katrín Pálmad. Þorgerðardóttir	Doktorsnemi í heimspeki	Reykjavík
Lea María Lemarquis	Eðlisfræðikennari	Reykjavík
Lowana Veal	Aðgerðarsinni og líffræðingur	Reykjavík
Lóa Hjálmtýsdóttir	Myndlistarkona og rithöfundur	Reykjavík
Magnea J. Matthíasdóttir	Þýðandi	Reykjavík
Níels Alvin Níelsson	Sjómaður	Árborg
Sanna Magdalena Mörtudóttir	Borgarfulltrúi	Reykjavík
Sigríður Gísladóttir	Dýralæknir	Ísafirði
Sigurbjörg Gísladóttir	Efnafræðingur	Reykjavík
Sigurður Erlingsson	Landvörður	Mývatnssveit
Sigurður Flosason	Bifreiðastjóri	Kópavogi
Sigurlaug Gunnlaugsdóttir	Sagnfræðingur	Reykjavík
Sigvarður Ari Huldarsson	Framkvæmdastjóri og tæknimaður	Reykjavík
Snæbjörn Guðmundsson	Jarðfræðingur	Reykjavík
Soffía Sigurðardóttir	Friðarsinni	Selfossi
Sólveig Anna Jónsdóttir	Formaður Eflingar	Reykjavík
Stefán Pálsson	Sagnfræðingur	Reykjavík
Steinar Harðarson	Vinnuverndarráðgjafi og athafnastjóri	Reykjavík
Steinunn Þóra Árnadóttir	Alþingismaður	Reykjavík
Steinunn Sigþrúðardóttir Jónsdóttir	Lagerstarfsmaður	Reykjavík
Steinunn Rögnvaldsdóttir	Mannauðsráðgjafi	Reykjavík
Steinþór Heiðarsson	Bóndi	Tjörnesi
Steinþór Steingrímsson	Verkefnisstjóri	Reykjavík
Sunna Björk Þórarinsdóttir	Bókasafns- og upplýsingafræðingur	Reykjavík
Sveinn Kristinsson	fv. kennari	Akranesi
Sverrir Jakobsson	Prófessor í sagnfræði	Reykjavík
Tinna Þorvalds Önnudóttir	Leikkona, söngkona og myndhöfundur	Reykjavík
Torfi Stefán Jónsson	Sagnfræðingur	Reykjavík
Unnur Tryggvadóttir Flóvenz	Verkefnastjóri	Kópavogi
Þorvaldur Þorvaldsson	Trésmiður	Reykjavík
Þrándur Þórarinsson	Listmálari	101
Ögmundur Jónasson	fv. Alþingismaður	Reykjavík