Katrín Jakobsdóttir, forsetaframbjóðandi, veitir fjölmiðlum viðtöl í Hörpu klukkan 14.
Katrín hefur tilkynnt að hún muni biðjast lausnar úr forsætisráðherrastól og bjóða sig fram til forseta Íslands.
Í framhaldi af tilkynningu þess efnis á samfélagsmiðlum mun hún svara spurningum fjölmiðla í Hörpu klukkan 14. Útsendingu frá Hörpu má sjá í spilaranum hér að neðan.
Uppfært: Útsendingu er lokið. Upptaka af svörum Katrínar verður aðgengileg innan skamms.
Katrín Jakobsdóttir forsætisráðherra yfirgaf ríkistjórnarfund morgunsins án þess að gefa sér tíma til að svara spurningum fjölmiðla varðandi líklegt forsetaframboð sitt. Hún sagðist vera á leið í stjórnarráðið og myndi ræða við fjölmiðla síðar í dag.
Bjarni Benediktsson, utanríkisráðherra og formaður Sjálfstæðisflokksins, segir að möguleg ákvörðun Katrínar Jakobsdóttur, forsætisráðherra, um að bjóða sig fram til embættis forseta Íslands, hafi ekki verið til formlegrar umræðu á ríkisstjórnarfundi í morgun.
Þórdís Kolbrún R. Gylfadóttir fjármála- og efnahags segir ríkisstjórnarfundinn sem var að ljúka hafa verið nokkuð hefðbundinn. Það hafi verið farið yfir mörg mál.
