Páll segir dóminn efla sig frekar en hitt Jakob Bjarnar skrifar 12. apríl 2024 14:50 Páll segir dóminn engin áhrif hafa á sig, hann mun herða tökin ef eitthvað er. vísir/vilhelm Páll Vilhjálmsson framhaldsskólakennari og bloggari var í dag sakfelldur í Héraðsdómi Reykjavíkur fyrir ærumeiðingar um Aðalstein Kjartansson, blaðamann Heimildarinnar. Hann ætlar að áfrýja málinu. Páll var dæmdur til að greiða Aðalsteini 450.000 krónur í miskabætur og 1,4 milljón króna í málskostnað. Honum er gert að fjarlægja af vefsíðu sinni þau ummæli sem ómerkt eru innan 15 daga frá dómsuppsögu, að viðlögðum dagsektum að fjárhæð 30.000 krónur á dag uns ummælin hafa verið fjarlægð. Þá er honum gert að birta dóminn á vef sínum. „Já, ég var dæmdur fyrir átta ummæli,“ segir Páll í samtali við Vísi. Sem eru öll ummæli sem kvartað var undan í málinu. Vísir greindi ítarlega frá réttarhöldum málsins. Ekki er úr vegi að spyrja hvort dómurinn verði ekki til þess að hann hemji sig og skrifin en hann segir svo ekki vera. Þvert á móti. En þetta hlýtur að vera biti fyrir mann sem er á kennaralaunum? „Jú, þetta er það. En, nei, ég ætla að áfrýja þessu. Þetta er þöggunarmálsókn af hálfu varaformanns Blaðamannafélagsins og ástæða til að óska honum til hamingju með að þagga niður eðlilega umræðu,“ segir Páll. Hann segir tvo félaga Aðalsteins af Heimildinni, þá Þórð Snæ Júlíusson og Arnar Þór Ingólfsson, áður hafa sótt í „djúpa vasa“ framhaldsskólakennarans. Páll hélt því fram að blaðamennirnir hefðu átt þátt í byrlun og þjófnaði í tengslum við umfjöllun um leynilega áhrifaherferð sjávarútvegsfyrirtækisins Samherja. Héraðsdómur ómerkti þau ummæli Páls. „Það er ágætt að einhvers staðar eru djúpir vasar en að blaðamenn stundi svona þöggunarmálsókn er umhugunarefni. En í fyrra málinu, sem þeir Þórður Snær og Arnar Þór unnu í héraðsdómi, því var áfrýjað og verður tekið fyrir í byrjun maí, eða næsta mánuði.“ Tíminn er ekki að vinna með Páli því málin eru af svipuðum meiði. Hann verður að áfrýja máli Aðalsteins áður en niðurstaðan liggur fyrir í hinu málinu. Páll segir ekkert við því að gera, um sé að ræða tvö sjálfstæð dómsstig og dómarar bundir af því. En Sigurður G. Guðjónsson lögmaður Páls hafði orð á því við málflutninginn að það gæti verið ráð fyrir dómara að bíða með að fella dóm þar til niðurstaða lægi fyrir í Landsrétti. Meiðyrðamál skrítin lögfræði En þetta mun ekkert slá á þína putta, eða hvað? „Nei, tvíefla þá, hugsa ég,“ segir Páll. „Ólíkt ýmsum öðrum hef ég stundað heiðarlegt starf um ævina, lagt fyrir sparifé, þannig að ég tel mig hafa efni á þessu og svo fékk ég góðan stuðning lesenda Tilfallandi athugasemda þegar ég var dæmdur í máli Þórðar Snæs og Arnars, þannig að ég er ekki með bogið eða brotið bak.“ Aðalsteinn Kjartansson hafði fullan sigur í máli sínu á hendur Páli, sem ætlar að áfrýja málinu til Landsréttar. Þar er Páll með annað mál í áfrýjun af svipuðum toga.vísir/vilhelm Páll segist viss í sinni sök, hann sé að fara með rétt mál. Hann segist ekki ætla að vera með nein svigurmæli í garð dómarans, hann dæmi eflaust samkvæmt gildandi lögum. En það breyti ekki því að meiðyrðamál eigi til að vera sérstök. „Ég held að það hafi verið í þínum miðli en þar var greint frá því að manneskja hafi verið sýknuð fyrir að hafa kallað einhverja aðra manneskju nauðgara að ósekju, af því að sú sem hafði þau frammi gerði það í góðri trú. Meiðyrðamál eru mjög skrítin lögfræði.“ Fjölmiðlar Samfélagsmiðlar Dómsmál Dómstólar Tjáningarfrelsi Mest lesið Brennur fyrir borgarhönnun og sárnaði að vera kölluð hræsnari Innlent Verkfall flugumferðarstjóra hafið Innlent Samkomulag við Þjóðverja eigi að tryggja varnir og öryggi Íslendinga Innlent Nemendur gangi ítrekað í skrokk á kennurum Innlent Rödd Íslendinga í hinsegin baráttu hafi aldrei verið mikilvægari Innlent 105 ára boccia meistari í vesturbæ Reykjavíkur Innlent Tveggja barna foreldrar verða undanþegnir tekjuskatti Erlent Lögregla aðstoðaði við að vísa gestum út af hóteli í 105 Innlent „Barnið mitt dó á ykkar vakt“ Innlent Trump birti gervigreindarmyndband: Með krúnu á höfði að henda hægðum á mótmælendur Erlent Fleiri fréttir Brennur fyrir borgarhönnun og sárnaði að vera kölluð hræsnari Verkfall flugumferðarstjóra hafið Samkomulag við Þjóðverja eigi að tryggja varnir og öryggi Íslendinga Rödd Íslendinga í hinsegin baráttu hafi aldrei verið mikilvægari 105 ára boccia meistari í vesturbæ Reykjavíkur Nemendur gangi ítrekað í skrokk á kennurum Nemendur ganga í skrokk á kennurum og kjaradeila enn í hnút Lögregla aðstoðaði við að vísa gestum út af hóteli í 105 Þáttur Trumps gífurlega mikilvægur „Barnið mitt dó á ykkar vakt“ „Málið er fast“ Byggja þarf 5.500 íbúðir á Suðurlandi á næstu 10 árum „Stutt síðan að þeir voru í aðgerðum og ollu þar miklu tjóni“ Verkfallið vonbrigði og grímuklæddir glæpamenn í Louvre Eitt flug á áætlun á verkfallstíma Sprengisandur: Sigurður Ingi hættir, gervigreindarkapphlaup og vaxtamálið Sundabrú minnir á helsta kennileiti Norður-Noregs Kallar eftir handleiðslu og sálgæslu fyrir viðbragðsaðila Verulega áhyggjufull og þorir ekki heim til Bandaríkjanna Breytingar á forystu Framsóknar og fjöldamótmæli vestanhafs Lilja Rannveig nýr ritari Framsóknarflokksins Aðgerðir flugumferðarstjóra muni bitna á fjölda fólks „Það er óákveðið“ „Ég hef aldrei skorast undan ábyrgð“ Býður sig ekki fram til áframhaldandi formennsku Allt bendir til verkfalls Bein útsending: Haustfundur miðstjórnar Framsóknarflokksins Julian Assange í heimsókn á Íslandi Varað við hálku á Hellisheiði Jákvætt að rafvarnarvopn hafi fælingarmátt Sjá meira
Páll var dæmdur til að greiða Aðalsteini 450.000 krónur í miskabætur og 1,4 milljón króna í málskostnað. Honum er gert að fjarlægja af vefsíðu sinni þau ummæli sem ómerkt eru innan 15 daga frá dómsuppsögu, að viðlögðum dagsektum að fjárhæð 30.000 krónur á dag uns ummælin hafa verið fjarlægð. Þá er honum gert að birta dóminn á vef sínum. „Já, ég var dæmdur fyrir átta ummæli,“ segir Páll í samtali við Vísi. Sem eru öll ummæli sem kvartað var undan í málinu. Vísir greindi ítarlega frá réttarhöldum málsins. Ekki er úr vegi að spyrja hvort dómurinn verði ekki til þess að hann hemji sig og skrifin en hann segir svo ekki vera. Þvert á móti. En þetta hlýtur að vera biti fyrir mann sem er á kennaralaunum? „Jú, þetta er það. En, nei, ég ætla að áfrýja þessu. Þetta er þöggunarmálsókn af hálfu varaformanns Blaðamannafélagsins og ástæða til að óska honum til hamingju með að þagga niður eðlilega umræðu,“ segir Páll. Hann segir tvo félaga Aðalsteins af Heimildinni, þá Þórð Snæ Júlíusson og Arnar Þór Ingólfsson, áður hafa sótt í „djúpa vasa“ framhaldsskólakennarans. Páll hélt því fram að blaðamennirnir hefðu átt þátt í byrlun og þjófnaði í tengslum við umfjöllun um leynilega áhrifaherferð sjávarútvegsfyrirtækisins Samherja. Héraðsdómur ómerkti þau ummæli Páls. „Það er ágætt að einhvers staðar eru djúpir vasar en að blaðamenn stundi svona þöggunarmálsókn er umhugunarefni. En í fyrra málinu, sem þeir Þórður Snær og Arnar Þór unnu í héraðsdómi, því var áfrýjað og verður tekið fyrir í byrjun maí, eða næsta mánuði.“ Tíminn er ekki að vinna með Páli því málin eru af svipuðum meiði. Hann verður að áfrýja máli Aðalsteins áður en niðurstaðan liggur fyrir í hinu málinu. Páll segir ekkert við því að gera, um sé að ræða tvö sjálfstæð dómsstig og dómarar bundir af því. En Sigurður G. Guðjónsson lögmaður Páls hafði orð á því við málflutninginn að það gæti verið ráð fyrir dómara að bíða með að fella dóm þar til niðurstaða lægi fyrir í Landsrétti. Meiðyrðamál skrítin lögfræði En þetta mun ekkert slá á þína putta, eða hvað? „Nei, tvíefla þá, hugsa ég,“ segir Páll. „Ólíkt ýmsum öðrum hef ég stundað heiðarlegt starf um ævina, lagt fyrir sparifé, þannig að ég tel mig hafa efni á þessu og svo fékk ég góðan stuðning lesenda Tilfallandi athugasemda þegar ég var dæmdur í máli Þórðar Snæs og Arnars, þannig að ég er ekki með bogið eða brotið bak.“ Aðalsteinn Kjartansson hafði fullan sigur í máli sínu á hendur Páli, sem ætlar að áfrýja málinu til Landsréttar. Þar er Páll með annað mál í áfrýjun af svipuðum toga.vísir/vilhelm Páll segist viss í sinni sök, hann sé að fara með rétt mál. Hann segist ekki ætla að vera með nein svigurmæli í garð dómarans, hann dæmi eflaust samkvæmt gildandi lögum. En það breyti ekki því að meiðyrðamál eigi til að vera sérstök. „Ég held að það hafi verið í þínum miðli en þar var greint frá því að manneskja hafi verið sýknuð fyrir að hafa kallað einhverja aðra manneskju nauðgara að ósekju, af því að sú sem hafði þau frammi gerði það í góðri trú. Meiðyrðamál eru mjög skrítin lögfræði.“
Fjölmiðlar Samfélagsmiðlar Dómsmál Dómstólar Tjáningarfrelsi Mest lesið Brennur fyrir borgarhönnun og sárnaði að vera kölluð hræsnari Innlent Verkfall flugumferðarstjóra hafið Innlent Samkomulag við Þjóðverja eigi að tryggja varnir og öryggi Íslendinga Innlent Nemendur gangi ítrekað í skrokk á kennurum Innlent Rödd Íslendinga í hinsegin baráttu hafi aldrei verið mikilvægari Innlent 105 ára boccia meistari í vesturbæ Reykjavíkur Innlent Tveggja barna foreldrar verða undanþegnir tekjuskatti Erlent Lögregla aðstoðaði við að vísa gestum út af hóteli í 105 Innlent „Barnið mitt dó á ykkar vakt“ Innlent Trump birti gervigreindarmyndband: Með krúnu á höfði að henda hægðum á mótmælendur Erlent Fleiri fréttir Brennur fyrir borgarhönnun og sárnaði að vera kölluð hræsnari Verkfall flugumferðarstjóra hafið Samkomulag við Þjóðverja eigi að tryggja varnir og öryggi Íslendinga Rödd Íslendinga í hinsegin baráttu hafi aldrei verið mikilvægari 105 ára boccia meistari í vesturbæ Reykjavíkur Nemendur gangi ítrekað í skrokk á kennurum Nemendur ganga í skrokk á kennurum og kjaradeila enn í hnút Lögregla aðstoðaði við að vísa gestum út af hóteli í 105 Þáttur Trumps gífurlega mikilvægur „Barnið mitt dó á ykkar vakt“ „Málið er fast“ Byggja þarf 5.500 íbúðir á Suðurlandi á næstu 10 árum „Stutt síðan að þeir voru í aðgerðum og ollu þar miklu tjóni“ Verkfallið vonbrigði og grímuklæddir glæpamenn í Louvre Eitt flug á áætlun á verkfallstíma Sprengisandur: Sigurður Ingi hættir, gervigreindarkapphlaup og vaxtamálið Sundabrú minnir á helsta kennileiti Norður-Noregs Kallar eftir handleiðslu og sálgæslu fyrir viðbragðsaðila Verulega áhyggjufull og þorir ekki heim til Bandaríkjanna Breytingar á forystu Framsóknar og fjöldamótmæli vestanhafs Lilja Rannveig nýr ritari Framsóknarflokksins Aðgerðir flugumferðarstjóra muni bitna á fjölda fólks „Það er óákveðið“ „Ég hef aldrei skorast undan ábyrgð“ Býður sig ekki fram til áframhaldandi formennsku Allt bendir til verkfalls Bein útsending: Haustfundur miðstjórnar Framsóknarflokksins Julian Assange í heimsókn á Íslandi Varað við hálku á Hellisheiði Jákvætt að rafvarnarvopn hafi fælingarmátt Sjá meira