Rúmlega sjö hundruð Grindvíkingar vilja selja Jakob Bjarnar skrifar 18. apríl 2024 12:06 Örn Viðar, framkvæmdastjóri Þórkötlu, segir allt gert sem í mannlegu valdi stendur til að mæta kröfum Grindvíkinga. vísir/vilhelm/stjr Búið er að samþykkja kaup á 126 eignum Grindvíkinga en Þórkötlu, fasteignafélagsins sem stofnað var til að annast kaup á þessum eignum, hefur borist 711 umsóknir. Eigendur 711 fasteigna hafa sótt um að Þórkatla kaupi íbúðir þeirra eða íbúðarhús í Grindavík. Stjórn Þórkötlu hóf afgreiðslu umsókna í lok síðustu viku og hefur nú þegar samþykkt kaup á 126 eignum fyrir alls um 9,2 milljarða króna. Frágangur og afgreiðsla einstakra viðskipta mun taka mislangan tíma en stefnt er að því að samþykkja um 150 umsóknir til viðbótar í næstu viku. Þetta kemur fram í tilkynningu frá Þórkötlu eftir fyrirspurn. Þar segir jafnframt að vonast sé til að kaupin gangi hraðar fyrir sig eftir að reynsla er komin á ferlið. Þegar hafi verið gengið frá kaupsamningum við 11 umsækjendur en 115 umsækjendur fá í dag tilkynningu um að umsókn þeirra hafi verið samþykkt í stjórn Þórkötlu. Athygli vekja ummæli Arnar Viðars Skúlasonar framkvæmdastjóra Þórkötlu frá 9. apríl að lögð verði áhersla á að „eiga samstarf um mögulega leigu og eftir atvikum afnot eða aðgengi að húsnæðinu eftir að kaupin ganga í gegn.“ Semja þarf við 18 ólíka lánveitendur Frágangur er að hefjast vegna kaupsamninga við áðurnefndan hóp og ætti greiðsla sem nemur 95 prósentum af kaupverði að berast seljendum innan fimm virkra daga frá undirritun og þinglýsingu kaupsamnings. Nokkrir umsækjendur hafa þegar fengið kaupsamningsgreiðsluna millifærða á reikninga sína. Örn Viðar segir: „Við vitum að þorri Grindvíkinga er í þröngri stöðu í sínum húsnæðismálum. Margir eru búnir að reyna að festa sér eignir annar staðar og bíða eftir að geta selt. Það er skiljanlegt að þolinmæði þeirra sé lítil og að þau hafi vonast eftir hraðari afgreiðslu sinna umsókna.“ Hann segir jafnframt að fasteignaviðskipti séu í eðli sínu flókið ferli og það er margt að mörgu að huga. „Verkefnið í Grindavík er enn flóknara en hefðbundin fasteignaviðskipti þar sem Þórkatla annast yfirtöku og uppgjör lána fyrir hönd seljenda og þarf að útfæra það vinnulag í samráði við 18 ólíka lánveitendur. Það er afar mikilvægt að það ríki jafnræði meðal Grindvíkinga gagnvart þessari björgunaraðgerð stjórnvalda og mörg hundruð einstök fasteignaviðskipti, þar sem málin eru oft mjög ólík, fela í sér áskoranir að þessu leyti.“ Allt gert til að koma til móts við Grindvíkinga Að sögn Arnars Viðars er unnið þétt að þessu en rétt eins og í fasteignaviðskiptum almennt þá getur sitthvað komið upp sem tefur. „Við viljum forðast í lengstu lög að eitthvað fari úrskeiðis við kaup þessara fasteigna sem leiða kann til eftirmála síðar. Algeng spurning sem við höfum fengið er hvort fólk muni fá afgreiðslu sinna mála í sömu röð og það sótti um. Svarið við því er að við erum almennt að taka umsóknir til skoðunar í þeirri röð sem þær bárust, en þar sem málin eru misflókin, þá er ekki hægt að ábyrgjast að afgreiðsla þeirra verði í sömu röð.“ Nokkurrar óánægju hefur gætt meðal Grindvíkinga með ganginn í sölumálum. En í tilkynningunni segir að passað sé vel upp á að lögunum sé fylgt og að þessir tugum milljarða sem Þórkatla hefur til ráðstöfunar verði varið á þann hátt sem Alþingi ákvað. „Við virðum rétt Grindvíkinga til að láta í sér heyra og við heyrum svo sannarlega í þeim. Við tökum skilaboðunum sem frá þeim berast sem hvatningu til að vinna verkið hratt, en við vitum líka að bæði Grindvíkingar og aðrir landsmenn vilja að við vinnum það vel.“ Tölvupóstur til Grindvíkinga Þeir umsækjendur hjá Þórkötlu sem hafa fengið kaup á eign sinni samþykkt munu fá eftirfarandi tölvupóst núna í hádeginu: Kæri umsækjandi, Umsókn þín um sölu á fasteign til Fasteignafélagsins Þórkötlu hefur verið samþykkt. Unnið er að uppsetningu kaupsamnings og stefnt að frágangi á honum með undirritun og þinglýsingu í næstu viku. Eftir því sem við á, mun félagið kalla eftir stöðu áhvílandi lána hjá viðkomandi lánastofnun. Staða mála hjá Náttúruhamfaratryggingum Íslands verður könnuð. Ef um er að ræða fjöleignarhús, þ.e. hefðbundið fjölbýlishús, raðhús eða parhús þarf seljandi að skila inn yfirlýsingu húsfélags eða staðfesta að ekki sé starfandi húsfélag. Nánari upplýsingar um yfirlýsingu húsfélags má finna á síðu Þórkötlu hjá island.is Fasteignafélagið Þórkatla | Ísland.is (island.is) Þegar kaupsamningurinn er tilbúinn færð þú SMS-skilaboð í símann þinn og tölvupóst. Þar getur þú lesið kaupsamninginn og í kjölfarið undirritað hann rafrænt. Þegar undirritun og þinglýsingu er lokið fer fram uppgjör og ætti greiðsla að berast fimm (virkum) dögum síðar. Með kveðju, Fasteignafélagið Þórkatla Grindavík Eldgos á Reykjanesskaga Eldgos og jarðhræringar Rekstur hins opinbera Fasteignamarkaður Húsnæðismál Tengdar fréttir Byrja að kaupa fasteignir Grindvíkinga í vikunni Fasteignafélagið Þórkatlar byrjar að kaupa íbúðarhúsnæði í Grindavík í þessari viku. Stefnt er að því að klára afgreiðslu þorra á sjöunda hundrað umsókna sem hafa borist í þessum mánuði. 9. apríl 2024 14:01 Fyrstu kaup Þórkötlu í Grindavík gengin í gegn Fasteignafélagið Þórkatla gekk í dag frá fyrstu kaupsamningunum um kaup íbúðarhúsnæðis í Grindavík. Viðkomandi fasteignareigendur munu fá greitt út 95 prósent af kaupverði eigna þeirra í næstu viku. 12. apríl 2024 15:15 Mest lesið Kosningavaktin: Íslendingar ganga að kjörborðinu Innlent Bjartsýn eftir fund í Virginíu vegna Söndru sem afplánar 37 ára dóm Innlent Missti stjórn á bílnum þegar klæðingin umvafði dekkin Innlent Lögreglan bannaði bjór á B5 Innlent Kallar eftir sams konar úrræði og Breivik og árásarmaður hennar sæta Innlent „Ég bjóst aldrei við að þetta myndi gerast“ Erlent Öryrkjar fá 1,7 skattfrjálsa milljarða Innlent Yazan og fjölskylda leita að nýju húsnæði Innlent Mansalsmál Gríska hússins: Vann sjö daga í viku hverri og svaf í kjallaranum Innlent Sakar Snorra um að tendra bál fordóma Innlent Fleiri fréttir Ætlar 1750 kílómetra á þrektækjum á einni viku í minningu vina Baráttan hafin á TikTok: Traktor í skeifunni, kaldar kveðjur og endurkoma Engin miðlæg skráning slysa í ferðaþjónustu Yazan og fjölskylda leita að nýju húsnæði Úrbætur í kjölfar slyss á Breiðamerkurjökli og vikulöng þrekraun Grunaður um sölu fíkniefna og brot á útlendingalögum Missti stjórn á bílnum þegar klæðingin umvafði dekkin Lögreglan bannaði bjór á B5 Leikskólastarfsmenn í Hafnarfirði greiða atkvæði um verkfall Um 60 kennarar hjá Fræðsluneti Suðurlands Bein útsending: Sigmundur kynnir innihaldið Öryrkjar fá 1,7 skattfrjálsa milljarða Ætla ekki að slíta viðræðum Engin ákvörðun um hvalveiðar og maurasýrumengun á Bíldudal Kallar eftir sams konar úrræði og Breivik og árásarmaður hennar sæta Bjartsýn eftir fund í Virginíu vegna Söndru sem afplánar 37 ára dóm Helmingi þætti óeðlilegt ef Bjarni gæfi út hvalveiðileyfi Þúsund lítrar af sýru láku á Bíldudal Ríkisstjórnin bjó sjálf til flóttamannavandamál Tveir handteknir eftir hópslagsmál Mansalsmál Gríska hússins: Vann sjö daga í viku hverri og svaf í kjallaranum Sakar Snorra um að tendra bál fordóma Nýju húsnæði Myndlistaskólans lokað Ísland meðal Evrópulanda þar sem lyfjatengd andlát eru hlutfallslega flest Nánast engin læknisþjónusta ef til verkfalls kemur Mikill eldur í iðnaðarhúsnæði á Akureyri Lyfjatengd andlát, rauð Bandaríki og glimmerveisla í Eldborg Tóku fyrstu skóflustunguna að nýjum skóla Óvíst hvort umsókn um hvalveiðileyfi verði afgreidd fyrir kosningar Fóru í óboðað eftirlit vegna ábendinga um slæman aðbúnað leikskólabarna Sjá meira
Eigendur 711 fasteigna hafa sótt um að Þórkatla kaupi íbúðir þeirra eða íbúðarhús í Grindavík. Stjórn Þórkötlu hóf afgreiðslu umsókna í lok síðustu viku og hefur nú þegar samþykkt kaup á 126 eignum fyrir alls um 9,2 milljarða króna. Frágangur og afgreiðsla einstakra viðskipta mun taka mislangan tíma en stefnt er að því að samþykkja um 150 umsóknir til viðbótar í næstu viku. Þetta kemur fram í tilkynningu frá Þórkötlu eftir fyrirspurn. Þar segir jafnframt að vonast sé til að kaupin gangi hraðar fyrir sig eftir að reynsla er komin á ferlið. Þegar hafi verið gengið frá kaupsamningum við 11 umsækjendur en 115 umsækjendur fá í dag tilkynningu um að umsókn þeirra hafi verið samþykkt í stjórn Þórkötlu. Athygli vekja ummæli Arnar Viðars Skúlasonar framkvæmdastjóra Þórkötlu frá 9. apríl að lögð verði áhersla á að „eiga samstarf um mögulega leigu og eftir atvikum afnot eða aðgengi að húsnæðinu eftir að kaupin ganga í gegn.“ Semja þarf við 18 ólíka lánveitendur Frágangur er að hefjast vegna kaupsamninga við áðurnefndan hóp og ætti greiðsla sem nemur 95 prósentum af kaupverði að berast seljendum innan fimm virkra daga frá undirritun og þinglýsingu kaupsamnings. Nokkrir umsækjendur hafa þegar fengið kaupsamningsgreiðsluna millifærða á reikninga sína. Örn Viðar segir: „Við vitum að þorri Grindvíkinga er í þröngri stöðu í sínum húsnæðismálum. Margir eru búnir að reyna að festa sér eignir annar staðar og bíða eftir að geta selt. Það er skiljanlegt að þolinmæði þeirra sé lítil og að þau hafi vonast eftir hraðari afgreiðslu sinna umsókna.“ Hann segir jafnframt að fasteignaviðskipti séu í eðli sínu flókið ferli og það er margt að mörgu að huga. „Verkefnið í Grindavík er enn flóknara en hefðbundin fasteignaviðskipti þar sem Þórkatla annast yfirtöku og uppgjör lána fyrir hönd seljenda og þarf að útfæra það vinnulag í samráði við 18 ólíka lánveitendur. Það er afar mikilvægt að það ríki jafnræði meðal Grindvíkinga gagnvart þessari björgunaraðgerð stjórnvalda og mörg hundruð einstök fasteignaviðskipti, þar sem málin eru oft mjög ólík, fela í sér áskoranir að þessu leyti.“ Allt gert til að koma til móts við Grindvíkinga Að sögn Arnars Viðars er unnið þétt að þessu en rétt eins og í fasteignaviðskiptum almennt þá getur sitthvað komið upp sem tefur. „Við viljum forðast í lengstu lög að eitthvað fari úrskeiðis við kaup þessara fasteigna sem leiða kann til eftirmála síðar. Algeng spurning sem við höfum fengið er hvort fólk muni fá afgreiðslu sinna mála í sömu röð og það sótti um. Svarið við því er að við erum almennt að taka umsóknir til skoðunar í þeirri röð sem þær bárust, en þar sem málin eru misflókin, þá er ekki hægt að ábyrgjast að afgreiðsla þeirra verði í sömu röð.“ Nokkurrar óánægju hefur gætt meðal Grindvíkinga með ganginn í sölumálum. En í tilkynningunni segir að passað sé vel upp á að lögunum sé fylgt og að þessir tugum milljarða sem Þórkatla hefur til ráðstöfunar verði varið á þann hátt sem Alþingi ákvað. „Við virðum rétt Grindvíkinga til að láta í sér heyra og við heyrum svo sannarlega í þeim. Við tökum skilaboðunum sem frá þeim berast sem hvatningu til að vinna verkið hratt, en við vitum líka að bæði Grindvíkingar og aðrir landsmenn vilja að við vinnum það vel.“ Tölvupóstur til Grindvíkinga Þeir umsækjendur hjá Þórkötlu sem hafa fengið kaup á eign sinni samþykkt munu fá eftirfarandi tölvupóst núna í hádeginu: Kæri umsækjandi, Umsókn þín um sölu á fasteign til Fasteignafélagsins Þórkötlu hefur verið samþykkt. Unnið er að uppsetningu kaupsamnings og stefnt að frágangi á honum með undirritun og þinglýsingu í næstu viku. Eftir því sem við á, mun félagið kalla eftir stöðu áhvílandi lána hjá viðkomandi lánastofnun. Staða mála hjá Náttúruhamfaratryggingum Íslands verður könnuð. Ef um er að ræða fjöleignarhús, þ.e. hefðbundið fjölbýlishús, raðhús eða parhús þarf seljandi að skila inn yfirlýsingu húsfélags eða staðfesta að ekki sé starfandi húsfélag. Nánari upplýsingar um yfirlýsingu húsfélags má finna á síðu Þórkötlu hjá island.is Fasteignafélagið Þórkatla | Ísland.is (island.is) Þegar kaupsamningurinn er tilbúinn færð þú SMS-skilaboð í símann þinn og tölvupóst. Þar getur þú lesið kaupsamninginn og í kjölfarið undirritað hann rafrænt. Þegar undirritun og þinglýsingu er lokið fer fram uppgjör og ætti greiðsla að berast fimm (virkum) dögum síðar. Með kveðju, Fasteignafélagið Þórkatla
Grindavík Eldgos á Reykjanesskaga Eldgos og jarðhræringar Rekstur hins opinbera Fasteignamarkaður Húsnæðismál Tengdar fréttir Byrja að kaupa fasteignir Grindvíkinga í vikunni Fasteignafélagið Þórkatlar byrjar að kaupa íbúðarhúsnæði í Grindavík í þessari viku. Stefnt er að því að klára afgreiðslu þorra á sjöunda hundrað umsókna sem hafa borist í þessum mánuði. 9. apríl 2024 14:01 Fyrstu kaup Þórkötlu í Grindavík gengin í gegn Fasteignafélagið Þórkatla gekk í dag frá fyrstu kaupsamningunum um kaup íbúðarhúsnæðis í Grindavík. Viðkomandi fasteignareigendur munu fá greitt út 95 prósent af kaupverði eigna þeirra í næstu viku. 12. apríl 2024 15:15 Mest lesið Kosningavaktin: Íslendingar ganga að kjörborðinu Innlent Bjartsýn eftir fund í Virginíu vegna Söndru sem afplánar 37 ára dóm Innlent Missti stjórn á bílnum þegar klæðingin umvafði dekkin Innlent Lögreglan bannaði bjór á B5 Innlent Kallar eftir sams konar úrræði og Breivik og árásarmaður hennar sæta Innlent „Ég bjóst aldrei við að þetta myndi gerast“ Erlent Öryrkjar fá 1,7 skattfrjálsa milljarða Innlent Yazan og fjölskylda leita að nýju húsnæði Innlent Mansalsmál Gríska hússins: Vann sjö daga í viku hverri og svaf í kjallaranum Innlent Sakar Snorra um að tendra bál fordóma Innlent Fleiri fréttir Ætlar 1750 kílómetra á þrektækjum á einni viku í minningu vina Baráttan hafin á TikTok: Traktor í skeifunni, kaldar kveðjur og endurkoma Engin miðlæg skráning slysa í ferðaþjónustu Yazan og fjölskylda leita að nýju húsnæði Úrbætur í kjölfar slyss á Breiðamerkurjökli og vikulöng þrekraun Grunaður um sölu fíkniefna og brot á útlendingalögum Missti stjórn á bílnum þegar klæðingin umvafði dekkin Lögreglan bannaði bjór á B5 Leikskólastarfsmenn í Hafnarfirði greiða atkvæði um verkfall Um 60 kennarar hjá Fræðsluneti Suðurlands Bein útsending: Sigmundur kynnir innihaldið Öryrkjar fá 1,7 skattfrjálsa milljarða Ætla ekki að slíta viðræðum Engin ákvörðun um hvalveiðar og maurasýrumengun á Bíldudal Kallar eftir sams konar úrræði og Breivik og árásarmaður hennar sæta Bjartsýn eftir fund í Virginíu vegna Söndru sem afplánar 37 ára dóm Helmingi þætti óeðlilegt ef Bjarni gæfi út hvalveiðileyfi Þúsund lítrar af sýru láku á Bíldudal Ríkisstjórnin bjó sjálf til flóttamannavandamál Tveir handteknir eftir hópslagsmál Mansalsmál Gríska hússins: Vann sjö daga í viku hverri og svaf í kjallaranum Sakar Snorra um að tendra bál fordóma Nýju húsnæði Myndlistaskólans lokað Ísland meðal Evrópulanda þar sem lyfjatengd andlát eru hlutfallslega flest Nánast engin læknisþjónusta ef til verkfalls kemur Mikill eldur í iðnaðarhúsnæði á Akureyri Lyfjatengd andlát, rauð Bandaríki og glimmerveisla í Eldborg Tóku fyrstu skóflustunguna að nýjum skóla Óvíst hvort umsókn um hvalveiðileyfi verði afgreidd fyrir kosningar Fóru í óboðað eftirlit vegna ábendinga um slæman aðbúnað leikskólabarna Sjá meira
Byrja að kaupa fasteignir Grindvíkinga í vikunni Fasteignafélagið Þórkatlar byrjar að kaupa íbúðarhúsnæði í Grindavík í þessari viku. Stefnt er að því að klára afgreiðslu þorra á sjöunda hundrað umsókna sem hafa borist í þessum mánuði. 9. apríl 2024 14:01
Fyrstu kaup Þórkötlu í Grindavík gengin í gegn Fasteignafélagið Þórkatla gekk í dag frá fyrstu kaupsamningunum um kaup íbúðarhúsnæðis í Grindavík. Viðkomandi fasteignareigendur munu fá greitt út 95 prósent af kaupverði eigna þeirra í næstu viku. 12. apríl 2024 15:15