Al­gjör mar­tröð eins manns þegar Celtic vann erkióvininn

Sigurinn þýðir að Celtic heldur toppsætinu og er með 87 stig, sex stigum meira en Rangers þegar aðeins tvær umferðir eru eftir. Eitt stig í viðbót dugar því Celtic til að landa titlinum endanlega, í stað þess að Rangers næði að jafna Celtic að stigum.

Það gerði Rangers sérstaklega erfitt fyrir að missa John Lundstram af velli með rautt spjald fyrir slæma tæklingu í uppbótartíma fyrri hálfleiks. Enski miðjumaðurinn átti hreint skelfilegan dag því þegar hann fékk rauða spjaldið var staðan þegar orðin 2-1, og hann búinn að skora slysalegt sjálfsmark.

Matthew O‘Riley hafði komið Celtic yfir á 35. mínútu og Lundstram skoraði sjálfsmarkið skömmu síðar, áður en Cyril Dessers kom boltanum framhjá Joe Hart og minnkaði muninn fyrir Rangers á 40. mínútu.

Liðin mætast aftur í úrslitaleik skoska bikarsins 25. maí.