Stöðvaði inn­brots­þjóf sem var hálfur inni í bílnum

Tilkynning um innbrotið barst lögreglunni á höfuðborgarsvæðinu í morgun. Umráðamaður bílsins kom að manni sem var kominn hálfur inn í bílinn en náði að sporna við því að þjófurinn yfirgæfi vettvang á meðan beðið var eftir lögreglu. Í dagbók lögreglunnar segir að rituð hafi verið skýrsla um málið.

Tveir menn voru síðar handteknir vegna gruns um vopnalagabrot og vörslu fíkniefna. Lögreglumenn fundu bæði vopn og fíkniefni í bifreið eftir að umráðamaður hennar skrifaði undir leitarheimild. Mönnunum var sleppt að loknum skýrslutökum.