Tiger sagður hafa af­þakkað fyrirliðastöðuna

The Telegraph segir frá því Tiger hafi sagt nei takk þegar honum var boðið að vera fyrirliði liðsins á árinu 2025. Bandaríkjamenn voru að leita að eftirmanni Zach Johnson sem lét af störfum eftir síðasta Ryder bikar sem bandaríska liðið tapaði.

Tiger hafnaði þessu tilboði af því að hann taldi sig ekki hafa tíma til að sinna því. The Telegraph segir hins vegar að Woods sé tilbúinn að taka að sér starfið ef að skyldur fyrirliðans yrðu minnkaðar. Það er því ekki útilokað að Tiger verði fyrirliði liðsins árið 2027 en mikið á auðvitað eftir að gerast þangað til.

Hin 38 ára gamli Keegan Bradley verður kynntur sem fyrirliði bandaríska liðsins í dag en hann er yngsti fyrirliðinn síðan að Arnold Palmer var spilandi fyrirliði árið 1963.

Tiger Woods hefur sjálfur spilað átta sinnum í Ryder bikarnum og hann var síðast með árið 2018. Hann fagnaði bara einu sinni sigri í þessum átta skiptum og það var árið 1999.

Ryder bikarinn fór síðast fram í fyrra og þá vann Evrópa. Keppnin fer fram í New York fylki í Bandaríkjunum á næsta ári.