Félagaskipti Sverris stað­fest

Félagaskiptin voru staðfest í kvöld. Sverrir skrifaði undir fjögurra ára samning við Panathinaikos sem varð bikarmeistari í Grikklandi á síðasta tímabili.

Sverrir kannast vel við sig í Grikklandi en hann lék með PAOK á árunum 2019-23. Hann varð einu sinni Grikklandsmeistari og tvisvar sinnum bikarmeistari með liðinu.

Miðvörðurinn var seldur til Midtjylland í fyrra og varð danskur meistari með liðinu á síðasta tímabili.

Hjá Panathinaikos hittir Sverrir fyrir félaga sinn og jafnaldra úr íslenska landsliðinu, Hörð Björgvin Magnússon.