Siggi Kristins gítarleikari og bílaspekúlant er allur Jakob Bjarnar skrifar 24. júlí 2024 11:02 Sigurður Kristinsson virðir fyrir sér vélknúið farartæki en þau léku í höndum hans. Facebook Sigurður Kristinsson, sem var meðal stofnmeðlima hinnar fornfrægu hljómsveitar Sniglabandsins, er allur. Hann átti við vanheilsu að stríða síðustu árin. Sigurður var fæddur 7. desember 1964 og því 59 ára gamall. Hann lætur eftir sig eiginkonuna Ting Zhou og tvö börn en úr fyrra sambandi átti hann þrjár dætur. Samúðarkveðjur hrannast inn á Facebook-vegg hans þar sem kostir hans eru tíundaðir en hann þótti einstaklega flinkur að eiga við bíla og svo var gítarleikurinn honum opin bók. Sigurður er upphaflega úr Eyjum, ólst upp í Mosfellsbæ en bjó undir það síðasta á Eyrarbakka. Stór og litríkur karakter Skúli Gautason skrifar fyrir hönd Sniglabandsins sérlega góð eftirmæli um þennan félaga sinn þar sem hann segir að Siggi Kristins, einn stofnfélagi Sniglabandsins hafi dáið í gær. Skúli Gautason segir að Sigurður hafi verið gríðarlega hæfileikaríkur á mörgum sviðum. Hann lék með hljómsveitinni í upphafi, fyrst á trommur og þá á gítar. Skúli segir, í samtali við Vísi, hljóðheiminn hafa verið honum opin bók. „Siggi var stór og litríkur karakter. Sum uppátæki hans voru með algjörum ólíkindum og sögurnar ótrúlegar. Hann var gríðarlega hæfileikaríkur á mörgum sviðum, það var nánast sama hvað hann tók sér fyrir hendur. Innan skamms var hann búinn að afla sér allrar þekkingar og kominn í fremstu röð á viðkomandi sviði.“ Skúli nefnir að Siggi hafi verið ótrúlegur ökumaður og leikið listir sem enginn gat leikið eftir. „Hann var jákvæður og úrræðagóður. Einhverju sinni tók hann þátt í nokkurs konar útileikhússýningu sem var við hliðina á Skúlagötu 4. Þar var sett upp sena eins og úr amerískri glæpamynd, glæsipíur og einhverjir kallar með byssur – og þar var Siggi á Camaronum sínum spólandi í hringi. Nema hvað, þegar mest á reyndi slitnaði bensínbarkinn í bílnum. Nú voru góð ráð dýr en Siggi dó ekki ráðalaus. Kærastan hans var með eitthvert prjónadót í framsætinu, Siggi tók garnhnykil og festi í blöndunginn á bílnum, þræddi garnið inn um framrúðuna, batt um fingur sér og stjórnaði þannig bensíngjöfinni. The show must go on!“ Orðstír deyr aldreigi Í eftirmælunum kemur Skúli einnig inn á fræga för Sniglabandsins til Sovétríkjanna sálugu. „Þar átti hann hvern stórleikinn á fætur öðrum. Stundum kom fyrir að einhverjir heimamenn vildu etja kappi við hann í gítarleik og skoruðu hann á hólm í gítareinvígi, en því fór fjarri að nokkur hefði roð við honum. Andstæðingarnir voru bókstaflega jarðaðir svo jaðraði við niðurlægingu. Það var þó ekki í lundarfari Sigga að reyna að niðurlægja nokkurn mann, hann var alltaf jákvæður, hjálplegur og greiðvikinn.“ Sniglabandið í upphafi síns ferils. Að blanda saman tónlist og mótorhjólum var nokkuð sem hentaði Sigurði vel. Þá segir Skúli að Siggi hafi eitt sinn fengið vinnu við að aka steypubíl. „Hann linnti ekki látum fyrr en hann hafði náð tökum á þeirri list að taka handbremsubeygju á steypubílnum og spóla síðan afturábak inn í stæðið. Svo óheppilega vildi til að þegar Siggi hafði fullkomnað þessa íþrótt og sýndi hana á planinu hjá steypufyrirtækinu, var forstjórinn að horfa á bílaplanið út um gluggann og sá aðfarirnar. Þar með var ferli Sigga lokið sem steypubílstjóri, en orðstír deyr aldreigi, hveim es sér góðan getr.“ Slingur á gítarinn svo af bar Í lagi sem hér fylgir má glöggt sjá hvers Sigurður var megnugur á gítarinn en lagið heitir „Járnið er kalt“. Það er eftir Valdimar Örn Flygenring, en textinn er eftir Kristínu Ómarsdóttur. Þarna er það Stefán Hilmarsson sem syngur, Bjarni Bragi Kjartansson leikur á bassa, Björgvin Ploder á trommur, Einar Rúnarsson á hljómborð og Skúli Gautason á gítar auk Sigga. Á Facebook-vegg Sigurðar kemur fram að efnt hafi verið til söfnunar vegna veikinda hans og nú þyngist róðurinn vegna fyrirséðra útgjalda vegna útfarar. Sædís Ósk Harðardóttir minnir á þetta og segir að ef allir leggjast á eitt sé hægt að hjálpa, en margt smátt gerir eitt stórt: „Hægt er að styrkja þau með því að leggja inn á þennan reikning hjá Ting Zhou: Kt 190788-4749 0189-26-008891” Andlát Tónlist Bílar Mest lesið Prestur sakar oddvita um ólýðræðislega hallarbyltingu í veiðifélagi Innlent Enn skjálftahrina við Trölladyngju Innlent Sólrún fundin á Spáni Innlent Stoppaður af vegfaranda sem spurði: „Hvað er þetta?“ Innlent Dregur úr skjálftavirkni í kvikugangi en hrina í Trölladyngju fannst víða Innlent Segir borgstjórn ekki bjóða neinar lausnir - bara óvissu Innlent Tólf mánaða fangelsi fyrir að bera sig og áreita börn Innlent Fresta umræðu um fjármálaáætlun eftir athugasemdir stjórnarandstöðunnar Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira
Sigurður var fæddur 7. desember 1964 og því 59 ára gamall. Hann lætur eftir sig eiginkonuna Ting Zhou og tvö börn en úr fyrra sambandi átti hann þrjár dætur. Samúðarkveðjur hrannast inn á Facebook-vegg hans þar sem kostir hans eru tíundaðir en hann þótti einstaklega flinkur að eiga við bíla og svo var gítarleikurinn honum opin bók. Sigurður er upphaflega úr Eyjum, ólst upp í Mosfellsbæ en bjó undir það síðasta á Eyrarbakka. Stór og litríkur karakter Skúli Gautason skrifar fyrir hönd Sniglabandsins sérlega góð eftirmæli um þennan félaga sinn þar sem hann segir að Siggi Kristins, einn stofnfélagi Sniglabandsins hafi dáið í gær. Skúli Gautason segir að Sigurður hafi verið gríðarlega hæfileikaríkur á mörgum sviðum. Hann lék með hljómsveitinni í upphafi, fyrst á trommur og þá á gítar. Skúli segir, í samtali við Vísi, hljóðheiminn hafa verið honum opin bók. „Siggi var stór og litríkur karakter. Sum uppátæki hans voru með algjörum ólíkindum og sögurnar ótrúlegar. Hann var gríðarlega hæfileikaríkur á mörgum sviðum, það var nánast sama hvað hann tók sér fyrir hendur. Innan skamms var hann búinn að afla sér allrar þekkingar og kominn í fremstu röð á viðkomandi sviði.“ Skúli nefnir að Siggi hafi verið ótrúlegur ökumaður og leikið listir sem enginn gat leikið eftir. „Hann var jákvæður og úrræðagóður. Einhverju sinni tók hann þátt í nokkurs konar útileikhússýningu sem var við hliðina á Skúlagötu 4. Þar var sett upp sena eins og úr amerískri glæpamynd, glæsipíur og einhverjir kallar með byssur – og þar var Siggi á Camaronum sínum spólandi í hringi. Nema hvað, þegar mest á reyndi slitnaði bensínbarkinn í bílnum. Nú voru góð ráð dýr en Siggi dó ekki ráðalaus. Kærastan hans var með eitthvert prjónadót í framsætinu, Siggi tók garnhnykil og festi í blöndunginn á bílnum, þræddi garnið inn um framrúðuna, batt um fingur sér og stjórnaði þannig bensíngjöfinni. The show must go on!“ Orðstír deyr aldreigi Í eftirmælunum kemur Skúli einnig inn á fræga för Sniglabandsins til Sovétríkjanna sálugu. „Þar átti hann hvern stórleikinn á fætur öðrum. Stundum kom fyrir að einhverjir heimamenn vildu etja kappi við hann í gítarleik og skoruðu hann á hólm í gítareinvígi, en því fór fjarri að nokkur hefði roð við honum. Andstæðingarnir voru bókstaflega jarðaðir svo jaðraði við niðurlægingu. Það var þó ekki í lundarfari Sigga að reyna að niðurlægja nokkurn mann, hann var alltaf jákvæður, hjálplegur og greiðvikinn.“ Sniglabandið í upphafi síns ferils. Að blanda saman tónlist og mótorhjólum var nokkuð sem hentaði Sigurði vel. Þá segir Skúli að Siggi hafi eitt sinn fengið vinnu við að aka steypubíl. „Hann linnti ekki látum fyrr en hann hafði náð tökum á þeirri list að taka handbremsubeygju á steypubílnum og spóla síðan afturábak inn í stæðið. Svo óheppilega vildi til að þegar Siggi hafði fullkomnað þessa íþrótt og sýndi hana á planinu hjá steypufyrirtækinu, var forstjórinn að horfa á bílaplanið út um gluggann og sá aðfarirnar. Þar með var ferli Sigga lokið sem steypubílstjóri, en orðstír deyr aldreigi, hveim es sér góðan getr.“ Slingur á gítarinn svo af bar Í lagi sem hér fylgir má glöggt sjá hvers Sigurður var megnugur á gítarinn en lagið heitir „Járnið er kalt“. Það er eftir Valdimar Örn Flygenring, en textinn er eftir Kristínu Ómarsdóttur. Þarna er það Stefán Hilmarsson sem syngur, Bjarni Bragi Kjartansson leikur á bassa, Björgvin Ploder á trommur, Einar Rúnarsson á hljómborð og Skúli Gautason á gítar auk Sigga. Á Facebook-vegg Sigurðar kemur fram að efnt hafi verið til söfnunar vegna veikinda hans og nú þyngist róðurinn vegna fyrirséðra útgjalda vegna útfarar. Sædís Ósk Harðardóttir minnir á þetta og segir að ef allir leggjast á eitt sé hægt að hjálpa, en margt smátt gerir eitt stórt: „Hægt er að styrkja þau með því að leggja inn á þennan reikning hjá Ting Zhou: Kt 190788-4749 0189-26-008891”
Andlát Tónlist Bílar Mest lesið Prestur sakar oddvita um ólýðræðislega hallarbyltingu í veiðifélagi Innlent Enn skjálftahrina við Trölladyngju Innlent Sólrún fundin á Spáni Innlent Stoppaður af vegfaranda sem spurði: „Hvað er þetta?“ Innlent Dregur úr skjálftavirkni í kvikugangi en hrina í Trölladyngju fannst víða Innlent Segir borgstjórn ekki bjóða neinar lausnir - bara óvissu Innlent Tólf mánaða fangelsi fyrir að bera sig og áreita börn Innlent Fresta umræðu um fjármálaáætlun eftir athugasemdir stjórnarandstöðunnar Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira