Arnar Þór íhugar að stofna stjórnmálaflokk Rafn Ágúst Ragnarsson skrifar 24. júlí 2024 12:09 Arnar segir þörf á heilindum í íslenskum stjórnmálum. Aðsend Arnar Þór Jónsson, lögmaður og forsetaframbjóðandi, íhugar að stofna stjórnmálaflokk. Hann segir stjórnarflokkana orðna viðskila við hugsjónir sínar og að þörf sé á heilindum í íslenskum stjórnmálum. Arnar segist nýverið hafa rætt við fjölda fólks úr ýmsum áttum um stofnun nýs flokks. Flokks sem að hans sögn stæði vörð um góðar hugsjónir um lýðræði og frelsi og seldi ekki sálina í sér fyrir völd, sem hann vænir stjórnarflokkana um. Heimilin grilluð á teini „Ég held að þessir flokkar, og því miður þingmennirnir okkar, séu upp til hópa búnir að tapa áttum. Það er hver og einn að verja sig, trana sér áfram í þessari pólitík, búa sér til pólitískan feril og tryggja sína hagsmuni. Vandamálið er að það virðist vera á kostnað okkar sem búum í þessu landi,“ segir hann í samtali við fréttastofu. „Það er ekkert eðlilegt við það að bankarnir hérlendis fitni um þúsundir milljóna á ári á meðan heimili landsins og fyrirtæki eru grilluð á teini í verðbólgu- og vaxtaokri,“ segir Arnar. Ákvörðun liggi fyrir í ágúst Aðspurður gefur Arnar lítið fyrir þá hugmynd að með stofnun nýs flokks dreifi hann atkvæðum skoðanabræðra sinna. „Ég á skoðanabræður í mörgum flokkum. Ég veit það því þeir hafa komið og rætt við mig. Þetta snýst í mínum huga um að verja okkur og verja landið okkar fyrir ásælni risafyrirtækja og risastórra hagsmunaaðila,“ segir Arnar. Hann segir að ákvörðun liggi fyrir í síðasta lagi um miðjan ágúst en hann fer erlendis að njóta sumarfrísins í millitíðinni. Hann kveðst ætla að nota þann tíma til að komast að niðurstöðu um hvort verði af stofnun flokksins. Arnar vill fara hina leiðina Arnar segist sjá tækifæri. Hann skynji að fólk vilji alvöru breytingar. Hann sparar ekki orðin. „Það er ögurstund að renna upp á heimsvísu. Við erum mögulega á bjargbrún þriðju heimsstyrjaldarinnar. Við erum týnd. Ekki bara Íslendingar, heldur aðrar þjóðir. Við erum villuráfandi og siðferðilega gjaldþrota,“ segir Arnar. Hann heldur áfram. „Við búum í sálarlausu samfélagi. Það er allt tignað í hinum vestræna heimi sem heitir efni og peningar. Andinn er algjörlega vanræktur. Fólk er þunglynt, kvíðið, félagslega einangrað. Stór hluti fólks glímir við alls konar andleg vandamál. Ég ætla að fara hina leiðina. Ég ætla ekki að selja sálu mína fyrir völd,“ segir Arnar. Stormurinn fari að bresta á Arnar vænir ráðandi öfl í íslenskum stjórnmálum um að fórna hugsjónum sínum fyrir aðgang að valdastólum. Íslendingar séu að verða afhuga af hefðbundinni stjórnmálaumræðu og Arnar kveðst hafa misst trúna á stjórnarflokkunum. Vert er að taka fram að Arnar var varaþingmaður Sjálfstæðisflokksins. „Þessir flokkar hafa höggvið sjálfan sig af rótinni. Tré sem búið er að höggva á rótinni getur staðið í einhvern tíma en það fellur í næsta stormi og stormurinn er að fara að bresta á,“ segir Arnar. „Ég skora á alla sem vilja taka þátt í pólitísku starfi af heilindum og án þess að þurfa að selja samvisku sína og sannfæringu að hafa samband við mig og ræða þá möguleika sem eru í stöðunni með opnum huga,“ segir Arnar að lokum. Nokkur nöfn komi til greina Arnar segir nokkur nöfn vera á flugi á flokkinn nýja. Meðal þeirra sé Auðlindaflokkurinn. „Það nafn skírskotar til þess að við þurfum að standa vörð um auðlindir til lands og sjávar en líka auðlindirnar sem eru í fólkinu í landinu. Við megum ekki láta gerast að börnin læri ekki lesa og komist ekki inn á vinnumarkað. Það þarf að rækta fólkið í landinu. Það er okkar dýrmætasta auðlind,“ segir Arnar. Alþingi Lýðræðisflokkurinn Sjálfstæðisflokkurinn Mest lesið Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Innlent Segir vopnahlé í höfn Erlent Ísland muni ekki verja fimm prósentum til varnarmála Innlent Flaug í einkaflugi með Støre Innlent Trump þakkar Írönum fyrir að láta vita af sér Erlent Sextán ár fyrir að bana dóttur sinni Innlent Fleiri handteknir í Borgarnesi Innlent Telja einhvern hér á landi búa yfir vitneskju um hvað kom fyrir Jón Þröst Innlent Engar stórvirkjanir í Skagafirði en opið að fara í Kjalölduveitu Innlent Lætur reyna á hvort samræði við þrettán ára sé nauðgun Innlent Fleiri fréttir Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Lúsmý um allt land en bitmýið einnig árásargjarnt Kona féll í Svöðufoss „Það gengur ekki að þingið sé tekið í gíslingu“ „Landslið barna“ tekið til starfa á Suðurnesjum Grunar að fjárheimildir ætlaðar þjónustu hafi farið í launakostnað „Annars værum við ekki að leggja í þessar miklu aðgerðir“ Flaug í einkaflugi með Støre Réðst á einstakling á sjötugsaldri með hníf Lætur reyna á hvort samræði við þrettán ára sé nauðgun Biðla til foreldra: Barn einungis þrjátíu sekúndur að drukkna Árásum á Íran haldið áfram og enn þráttað um veiðigjöld Neita öll sök í Gufunessmálinu Váleg þróun að ríki telji sig ekki þurfa að færa rök fyrir því að beita hervaldi Hyggst setja RÚV „talsverðar skorður“ í þágu einkarekinna fjölmiðla Handtekinn fyrir að sveifla hamri Sjálfboðaliðar að bugast: Mikil örvænting meðal gæludýraeigenda Kjarnavopnvædd klerkastjórn sé ógn við Norðurlönd Álftapar með fjóra unga við Hótel Rangá vekur athygli Sagt að hann gæti ekki klárað námið en gerði það samt Sjá meira
Arnar segist nýverið hafa rætt við fjölda fólks úr ýmsum áttum um stofnun nýs flokks. Flokks sem að hans sögn stæði vörð um góðar hugsjónir um lýðræði og frelsi og seldi ekki sálina í sér fyrir völd, sem hann vænir stjórnarflokkana um. Heimilin grilluð á teini „Ég held að þessir flokkar, og því miður þingmennirnir okkar, séu upp til hópa búnir að tapa áttum. Það er hver og einn að verja sig, trana sér áfram í þessari pólitík, búa sér til pólitískan feril og tryggja sína hagsmuni. Vandamálið er að það virðist vera á kostnað okkar sem búum í þessu landi,“ segir hann í samtali við fréttastofu. „Það er ekkert eðlilegt við það að bankarnir hérlendis fitni um þúsundir milljóna á ári á meðan heimili landsins og fyrirtæki eru grilluð á teini í verðbólgu- og vaxtaokri,“ segir Arnar. Ákvörðun liggi fyrir í ágúst Aðspurður gefur Arnar lítið fyrir þá hugmynd að með stofnun nýs flokks dreifi hann atkvæðum skoðanabræðra sinna. „Ég á skoðanabræður í mörgum flokkum. Ég veit það því þeir hafa komið og rætt við mig. Þetta snýst í mínum huga um að verja okkur og verja landið okkar fyrir ásælni risafyrirtækja og risastórra hagsmunaaðila,“ segir Arnar. Hann segir að ákvörðun liggi fyrir í síðasta lagi um miðjan ágúst en hann fer erlendis að njóta sumarfrísins í millitíðinni. Hann kveðst ætla að nota þann tíma til að komast að niðurstöðu um hvort verði af stofnun flokksins. Arnar vill fara hina leiðina Arnar segist sjá tækifæri. Hann skynji að fólk vilji alvöru breytingar. Hann sparar ekki orðin. „Það er ögurstund að renna upp á heimsvísu. Við erum mögulega á bjargbrún þriðju heimsstyrjaldarinnar. Við erum týnd. Ekki bara Íslendingar, heldur aðrar þjóðir. Við erum villuráfandi og siðferðilega gjaldþrota,“ segir Arnar. Hann heldur áfram. „Við búum í sálarlausu samfélagi. Það er allt tignað í hinum vestræna heimi sem heitir efni og peningar. Andinn er algjörlega vanræktur. Fólk er þunglynt, kvíðið, félagslega einangrað. Stór hluti fólks glímir við alls konar andleg vandamál. Ég ætla að fara hina leiðina. Ég ætla ekki að selja sálu mína fyrir völd,“ segir Arnar. Stormurinn fari að bresta á Arnar vænir ráðandi öfl í íslenskum stjórnmálum um að fórna hugsjónum sínum fyrir aðgang að valdastólum. Íslendingar séu að verða afhuga af hefðbundinni stjórnmálaumræðu og Arnar kveðst hafa misst trúna á stjórnarflokkunum. Vert er að taka fram að Arnar var varaþingmaður Sjálfstæðisflokksins. „Þessir flokkar hafa höggvið sjálfan sig af rótinni. Tré sem búið er að höggva á rótinni getur staðið í einhvern tíma en það fellur í næsta stormi og stormurinn er að fara að bresta á,“ segir Arnar. „Ég skora á alla sem vilja taka þátt í pólitísku starfi af heilindum og án þess að þurfa að selja samvisku sína og sannfæringu að hafa samband við mig og ræða þá möguleika sem eru í stöðunni með opnum huga,“ segir Arnar að lokum. Nokkur nöfn komi til greina Arnar segir nokkur nöfn vera á flugi á flokkinn nýja. Meðal þeirra sé Auðlindaflokkurinn. „Það nafn skírskotar til þess að við þurfum að standa vörð um auðlindir til lands og sjávar en líka auðlindirnar sem eru í fólkinu í landinu. Við megum ekki láta gerast að börnin læri ekki lesa og komist ekki inn á vinnumarkað. Það þarf að rækta fólkið í landinu. Það er okkar dýrmætasta auðlind,“ segir Arnar.
Alþingi Lýðræðisflokkurinn Sjálfstæðisflokkurinn Mest lesið Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Innlent Segir vopnahlé í höfn Erlent Ísland muni ekki verja fimm prósentum til varnarmála Innlent Flaug í einkaflugi með Støre Innlent Trump þakkar Írönum fyrir að láta vita af sér Erlent Sextán ár fyrir að bana dóttur sinni Innlent Fleiri handteknir í Borgarnesi Innlent Telja einhvern hér á landi búa yfir vitneskju um hvað kom fyrir Jón Þröst Innlent Engar stórvirkjanir í Skagafirði en opið að fara í Kjalölduveitu Innlent Lætur reyna á hvort samræði við þrettán ára sé nauðgun Innlent Fleiri fréttir Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Lúsmý um allt land en bitmýið einnig árásargjarnt Kona féll í Svöðufoss „Það gengur ekki að þingið sé tekið í gíslingu“ „Landslið barna“ tekið til starfa á Suðurnesjum Grunar að fjárheimildir ætlaðar þjónustu hafi farið í launakostnað „Annars værum við ekki að leggja í þessar miklu aðgerðir“ Flaug í einkaflugi með Støre Réðst á einstakling á sjötugsaldri með hníf Lætur reyna á hvort samræði við þrettán ára sé nauðgun Biðla til foreldra: Barn einungis þrjátíu sekúndur að drukkna Árásum á Íran haldið áfram og enn þráttað um veiðigjöld Neita öll sök í Gufunessmálinu Váleg þróun að ríki telji sig ekki þurfa að færa rök fyrir því að beita hervaldi Hyggst setja RÚV „talsverðar skorður“ í þágu einkarekinna fjölmiðla Handtekinn fyrir að sveifla hamri Sjálfboðaliðar að bugast: Mikil örvænting meðal gæludýraeigenda Kjarnavopnvædd klerkastjórn sé ógn við Norðurlönd Álftapar með fjóra unga við Hótel Rangá vekur athygli Sagt að hann gæti ekki klárað námið en gerði það samt Sjá meira