Hand­teknir við að stela dósum úr gám

Var hún meðal annars kölluð til vegna nokkurra einstaklingar sem voru sagðir vera að stela dósum úr dósagám og voru þeir handteknir þar sem grunur leikur á um að um skipulagða brotastarfsemi hafi verið að ræða.

Lögreglu barst einnig tilkynning um konu sem var sögð ölvuð og búin að brjóta rúðu á stigagangi. Neitaði hún að yfirgefa vettvang þegar lögreglu bar að og var áfram til ama þannig að ákveðið var að vista hana í fangaklefa.

Þá var tikynnt um innbrot í geymslur í fjölbýli og er það mál í rannsókn.

Lögreglu barst einnig tilkynning um hnupl í verslun og var framburður tekinn af sakborningi á vettvangi.

Eitt umferðarslys barst inn á borð lögreglu en þar reyndist bifreið hafa oltið og var á hvolfi þegar lögreglu bar að. Ökumaðurinn hafði komið sér undan en fannst á göngu og reyndist ölvaður. Var hann handtekinn og vistaður í fangagklefa í þágu rannsóknar málsins.