Uppákoman átti sér stað í póstnúmeri 104 og var lögregla send með forgangi á staðinn, að því er kemur fram í dagbók lögreglunnar á höfuðborgarsvæðinu. Bíllinn sem fór fram af kantinum endaði á hliðinni eftir að hann lenti á þakinu á bílnum fyrir neðan. Ekki eru frekari upplýsingar um hvernig slysið bar að í dagbókinni.
Annars staðar í borginni var ökumaður tekinn tvisvar fyrir ölvunakstur með nokkurra klukkutíma millibili. Fyrst var maðurinn stöðvaður við almennt umferðareftirlit og reyndist ölvaður. Honum var á endanum sleppt en nokkrum klukkutímum seinna reyndist hann undir stýri í öðru sveitarfélagi.
