„Djúpir dalir en þú kemst upp úr þeim“ Sindri Sverrisson skrifar 19. september 2024 09:01 Elísa Kristinsdóttir og Mari Järsk hlupu saman heila 56 hringi í bakgarðshlaupinu í Öskjuhlíð í vor. VÍSIR/VILHELM „Þetta verður vont á einhverju tímabili. Þá má ekki hætta,“ segir Elísa Kristinsdóttir, hin óvænta stjarna í bakgarðshlaupinu í Öskjuhlíð síðasta vor, þegar hún ráðleggur keppendum fyrir Bakgarðshlaup Náttúruhlaupa sem hefst í Heiðmörk á laugardaginn. Elísa varð í 2. sæti í hlaupinu í Öskjuhlíð í vor eftir að hafa bætt sig afar hratt síðustu misseri. Þær Mari Järsk, sem vann keppnina, hlupu saman heila 56 hringi áður en Elísa rétt féll á tíma í 57. hring. Í bakgarðshlaupi þurfa keppendur að fara 6,7 kílómetra á klukkustund og endurtaka það svo eins oft og þeir geta, svo Elísa hljóp 382 kílómetra og var við keppni í tvo sólarhringa og níu klukkustundir. „Þetta verður vont á einhverju tímabili. Þá má ekki hætta. Þetta eru djúpir dalir en þú kemst upp úr þeim. Það tekur kannski 6-7 hringi, en maður verður bara að hlaupa sig í gegnum það. Þú munt finna verki en þeir munu líka fara,“ segir Elísa í viðtali við Garp Elísabetarson sem sjá má hér að neðan. Elísa einbeitir sér nú að landsliðskeppni í bakgarðshlaupi í október, þar sem 15 íslenskri hlauparar keppa í Elliðaárdalnum, og verður því ekki með í Heiðmörk um helgina. Hún hefur náð afar langt eftir að hafa fyrst keppt í bakgarðshlaupi fyrir tveimur árum, og þá farið níu hringi eða um 60 kílómetra, sem sagt sex sinnum styttra en síðasta vor. Hún segist ekki hafa verið lengi að jafna sig eftir síðustu keppni: „Þremur vikum eftir Bakgarðshlaupið hljóp ég hálft Esjumaraþon og hef nánast verið að keppa hverja helgi síðan. Mér hefur liðið mjög vel. Þetta hafa verið ótrúlega skemmtileg verkefni. Til dæmis þrjú últra-hlaup í sumar. Við fórum sem sagt æfingaferð þar sem við fórum 250 kílómetra og 15.000 hæðarmetra. Skrokkurinn er heldur betur búinn að vera með mér í liði,“ segir Elísa. Keppendur í bakgarðshlaupi reyna að halda í góða skapið en dalirnir geta verið djúpir, eins og Elísa Kristinsdóttir bendir á.VÍSIR/VILHELM Hún lendir ítrekað í því að fólk reyni að ráðleggja henni varðandi hvíld: „Ég heyri það endalaust: „Nú ertu orðinn þreytt, ég sé það á þér.“ Fólk er endalaust að spyrja hvort þetta sé ekki of mikið. En ég er með geggjaða þjálfara sem halda utan um mig og fólk þarf ekki að hafa áhyggjur. Þau passa að ég fari ekki fram úr mér,“ segir Elísa. Í sínu fyrsta bakgarðshlaupi árið 2022 vissi hún í raun ekkert hvað hún var að fara út í: „Ég var ekkert að hlaupa. Ég var í MGT á þessum tíma, svona „high intensity“ þjálfun, hafði séð Mari í þessu og langaði að prófa þetta. Svo fór ég níu hringi, og leið mjög vel í skrokknum en var öll úti í blöðrum á fótunum. Svo áttu allir að setja upp höfuðljós fyrir næsta hring [vegna myrkurs] og ég var ekkert með höfuðljós. Vissi ekkert hvað ég ætti að gera við tærnar á mér og var alveg að drepast. Ég ákvað því að kalla þetta gott og koma aftur seinna, þegar ég væri búin að afla mér aðeins meiri upplýsinga um þetta hlaup,“ segir Elísa. Elísa veit hve mikilvægt er að nýta mínúturnar vel á milli hringja í bakgarðshlaupi.VÍSIR/VILHELM Það gerði hún svo sannarlega og hljóp 37 hringi í hlaupinu í Heiðmörk fyrir ári síðan, og endaði í 2. sæti eftir 37 hringi. Þar villtist hún í lokahringnum: „Ég var orðin frekar rugluð þarna, þegar ég hætti. Ég fór í raun upp vitlausa brekku, var farin að sjá eitthvað rugl og sá eitthvað hús sem ég hafði aldrei séð áður, en taldi mér trú um að þetta væri bara rugl í mér og það væri ekkert hús þarna. En þá vorum við að fara ranga leið og þurftum að snúa við, og ég var alveg búin.“ Hún fór svo heila 56 hringi í Öskjuhlíðinni í vor í hlaupi sem vakti gríðarlega athygli. „Undirbúningurinn var mjög góður. Ég vissi að ég myndi fara í djúpa dali og var búin að undirbúa hvernig ég kæmist upp úr þeim. Ef ég hefði getað gert eitthvað betur þá hefði ég mögulega getað „pushað crewið“ mitt betur. Það eru nokkrir hlutir þar sem ég vil fínpússa núna fyrir október,“ segir Elísa. Þrátt fyrir að hún verði ekki meðal keppenda um helgina, vegna komandi landsliðsverkefnis í október, þá verður hún í Heiðmörk því hún mun þar styðja við Ósk Gunnarsdóttur í hlaupinu. Bakgarðshlaupið í Heiðmörk hefst klukkan 9 á laugardaginn og verður í beinni útsendingu á Vísi. Bakgarðshlaup Mest lesið „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Sir Jim Ratcliffe: Amorim þarf þrjú ár til að sanna sig Enski boltinn Ísak lofar að hlaupa mest: „Mjög gaman að sjá fólkið bakka okkur upp“ Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Birta Georgs: Skrítinn leikur og veðrið átti stóran þátt í því Fótbolti Fleiri fréttir Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Dagskráin: HM-leikir og spennandi kvöld í Bónus-deildinni Anton og Jónas áfram fastagestir á EM Skilur ekki hvernig var hægt að breyta víti í markmannskast Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Uppgjörið: Tindastóll - Stjarnan 95-92 | Mikil spenna í Síkinu Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn „Særði fólk mikið með því að fara til Sádi-Arabíu“ Sjá meira
Elísa varð í 2. sæti í hlaupinu í Öskjuhlíð í vor eftir að hafa bætt sig afar hratt síðustu misseri. Þær Mari Järsk, sem vann keppnina, hlupu saman heila 56 hringi áður en Elísa rétt féll á tíma í 57. hring. Í bakgarðshlaupi þurfa keppendur að fara 6,7 kílómetra á klukkustund og endurtaka það svo eins oft og þeir geta, svo Elísa hljóp 382 kílómetra og var við keppni í tvo sólarhringa og níu klukkustundir. „Þetta verður vont á einhverju tímabili. Þá má ekki hætta. Þetta eru djúpir dalir en þú kemst upp úr þeim. Það tekur kannski 6-7 hringi, en maður verður bara að hlaupa sig í gegnum það. Þú munt finna verki en þeir munu líka fara,“ segir Elísa í viðtali við Garp Elísabetarson sem sjá má hér að neðan. Elísa einbeitir sér nú að landsliðskeppni í bakgarðshlaupi í október, þar sem 15 íslenskri hlauparar keppa í Elliðaárdalnum, og verður því ekki með í Heiðmörk um helgina. Hún hefur náð afar langt eftir að hafa fyrst keppt í bakgarðshlaupi fyrir tveimur árum, og þá farið níu hringi eða um 60 kílómetra, sem sagt sex sinnum styttra en síðasta vor. Hún segist ekki hafa verið lengi að jafna sig eftir síðustu keppni: „Þremur vikum eftir Bakgarðshlaupið hljóp ég hálft Esjumaraþon og hef nánast verið að keppa hverja helgi síðan. Mér hefur liðið mjög vel. Þetta hafa verið ótrúlega skemmtileg verkefni. Til dæmis þrjú últra-hlaup í sumar. Við fórum sem sagt æfingaferð þar sem við fórum 250 kílómetra og 15.000 hæðarmetra. Skrokkurinn er heldur betur búinn að vera með mér í liði,“ segir Elísa. Keppendur í bakgarðshlaupi reyna að halda í góða skapið en dalirnir geta verið djúpir, eins og Elísa Kristinsdóttir bendir á.VÍSIR/VILHELM Hún lendir ítrekað í því að fólk reyni að ráðleggja henni varðandi hvíld: „Ég heyri það endalaust: „Nú ertu orðinn þreytt, ég sé það á þér.“ Fólk er endalaust að spyrja hvort þetta sé ekki of mikið. En ég er með geggjaða þjálfara sem halda utan um mig og fólk þarf ekki að hafa áhyggjur. Þau passa að ég fari ekki fram úr mér,“ segir Elísa. Í sínu fyrsta bakgarðshlaupi árið 2022 vissi hún í raun ekkert hvað hún var að fara út í: „Ég var ekkert að hlaupa. Ég var í MGT á þessum tíma, svona „high intensity“ þjálfun, hafði séð Mari í þessu og langaði að prófa þetta. Svo fór ég níu hringi, og leið mjög vel í skrokknum en var öll úti í blöðrum á fótunum. Svo áttu allir að setja upp höfuðljós fyrir næsta hring [vegna myrkurs] og ég var ekkert með höfuðljós. Vissi ekkert hvað ég ætti að gera við tærnar á mér og var alveg að drepast. Ég ákvað því að kalla þetta gott og koma aftur seinna, þegar ég væri búin að afla mér aðeins meiri upplýsinga um þetta hlaup,“ segir Elísa. Elísa veit hve mikilvægt er að nýta mínúturnar vel á milli hringja í bakgarðshlaupi.VÍSIR/VILHELM Það gerði hún svo sannarlega og hljóp 37 hringi í hlaupinu í Heiðmörk fyrir ári síðan, og endaði í 2. sæti eftir 37 hringi. Þar villtist hún í lokahringnum: „Ég var orðin frekar rugluð þarna, þegar ég hætti. Ég fór í raun upp vitlausa brekku, var farin að sjá eitthvað rugl og sá eitthvað hús sem ég hafði aldrei séð áður, en taldi mér trú um að þetta væri bara rugl í mér og það væri ekkert hús þarna. En þá vorum við að fara ranga leið og þurftum að snúa við, og ég var alveg búin.“ Hún fór svo heila 56 hringi í Öskjuhlíðinni í vor í hlaupi sem vakti gríðarlega athygli. „Undirbúningurinn var mjög góður. Ég vissi að ég myndi fara í djúpa dali og var búin að undirbúa hvernig ég kæmist upp úr þeim. Ef ég hefði getað gert eitthvað betur þá hefði ég mögulega getað „pushað crewið“ mitt betur. Það eru nokkrir hlutir þar sem ég vil fínpússa núna fyrir október,“ segir Elísa. Þrátt fyrir að hún verði ekki meðal keppenda um helgina, vegna komandi landsliðsverkefnis í október, þá verður hún í Heiðmörk því hún mun þar styðja við Ósk Gunnarsdóttur í hlaupinu. Bakgarðshlaupið í Heiðmörk hefst klukkan 9 á laugardaginn og verður í beinni útsendingu á Vísi.
Bakgarðshlaup Mest lesið „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Sir Jim Ratcliffe: Amorim þarf þrjú ár til að sanna sig Enski boltinn Ísak lofar að hlaupa mest: „Mjög gaman að sjá fólkið bakka okkur upp“ Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Birta Georgs: Skrítinn leikur og veðrið átti stóran þátt í því Fótbolti Fleiri fréttir Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Dagskráin: HM-leikir og spennandi kvöld í Bónus-deildinni Anton og Jónas áfram fastagestir á EM Skilur ekki hvernig var hægt að breyta víti í markmannskast Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Uppgjörið: Tindastóll - Stjarnan 95-92 | Mikil spenna í Síkinu Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn „Særði fólk mikið með því að fara til Sádi-Arabíu“ Sjá meira