Chiesa ekki með gegn Ítölunum

Báðir tveir hafa þeir verið tæpir vegna meiðsla í vikunni. Arne Slot, þjálfari Liverpool, sat fyrir svörum á blaðamannafundi í dag og segir Jota á réttri leið.

„Diogo missti af tveimur æfingum eftir leikinn við Wolves. Hann fék smá högg en ég býst við því að hann verði með okkur á morgun,“ segir Slot á fundinum. Chiesa nái ekki að taka þátt gegn Bologna á morgun eftir að hafa orðið fyrir hnjaski á æfingu í gær.

„Þetta er eitthvað smávægilegt og ætti hann ekki að vera lengi frá. Hann gæti mögulega verið með okkur um helgina,“ segir Slot.

Liverpool og Bologna mætast klukkan 19:00 annað kvöld og verður leikurinn sýndur beint á Stöð 2 Sport 3. Nóg er um að vera á Meistaradeildinni í kvöld á rásum Stöðvar 2 Sport.