Hinn langi USArmur Ísraels Ingólfur Steinsson skrifar 3. október 2024 13:33 Atburðarásin í stuttu máli Að þessu sinni hófst ófriðurinn með innrás Hamas í Ísrael 7. okt.´23. Þeir drepa þar meira en 1200 manns og taka yfir 200 gísla, segjast vera að minna á mál Palestínu sem þeim virtust gleymd. Hefnd Ísraels fljótlega og næstu tólf mánuði leggja þeir Gaza í rúst, drepa meira en 41þús. (eru enn að) og særa yfir 100 þúsund með vestrænum þungavopnum, allt sagt með það að markmiði útrýma Hamas sem hefur enn ekki tekist. Hezbollah gerir stakar árásir á Ísrael til stuðnings Palestínu allan tímann, ásamt Hútum í Jemen, sem veldur því að flytja þarf tugi þúsunda frá norðurhéruðum Ísraels í öryggisskyni. Járnhvelfing Bandaríkjanna yfir Ísrael eyðir flestum sendingum og kemur í veg fyrir mannfall. Ísrael gerir síðan stórfellda árás í Líbanon, drepur yfirmann Hezbollah og er þegar búið að drepa flesta yfirmenn þeirra. Hálf til ein milljón Líbana er á flótta. Arabar segja enn einu sinni að þeir hætti ekki fyrr en árásum síonista á Gaza linni. Þeir vilja ekki frið Nú hefur það komið vel í ljós að síonistar í Ísrael vilja ekki frið. Þeir leika fórnarlambið en hafa þó öll ráð svæðisins í hendi sér; geta ekki um frjálst höfuð strokið. Fyrst voru þeir fórnarlamb Hamas, réttilega í byrjun, en 12 mánaða „vörn“ þeirra var súrrealísk manndrápsorgía. Þeir lögðu svæðið í rúst og Alþjóðadómstóllinn í Haag er að fjalla um hugsanlega tilraun þeirra til þjóðarmorðs á Gaza. Nú eru þeir byrjaðir að leggja Líbanon í rúst. Allt er þetta nánast í beinni útsendingu. Þeir eru búnir að senda Írönum þau skilaboð að hinn langi armur Ísraels muni ná til allra sem reyni að gera þeim skráveifu. Tilfellið er að með vopnasendingum Bandaríkjanna er Ísrael langt á undan þessum svokölluðu hryðuverkasamtökum í hernaðargetu. Enda er það Ísrael sem fremur mestu hryðjuverkin. Lítum á skilgreiningu á hryðjuverki: ódæðisverk, manndráp, limlesting. Og þegar við bætist þessi skilningur: ódæðisverk sem beinist gegn almennum borgurum, þá er það nokkuð borðleggjandi hverjir fremja mestu hryðjuverkin. Hefnd út yfir gröf og dauða Ísrael hefur drepið tugi þúsunda á Gaza, 1000 manns á Vesturbakkanum og hundruð, bráðum þúsundir í Líbanon. Alltaf segjast þeir vera að skjóta á Hamas og Hezbollah. En að drepa öll þessi börn og konur og almenning getur ekki talist annað en hryðjuverk, stríðsglæpur. Svo eyðileggja þeir heilu göturnar á Vesturbakkanum með jarðýtum, drepa þar og handtaka fólk að næturþeli, fara jafnvel með skurðgröfur á grafreiti fólksins og róta moldinni ofan af hinum látnu. Það lærðu þeir af nazistum eins og fleira. Meira en 10 þúsund Palestínumenn sitja nú í fangelsum síonista. Og Biden sem er með frið á vörum í hverri ræðu, er eini Bandaríkjaforsetinn fram að þessu, sem hefur ekki sett síonistum nein mörk. Nú gleðjast þeir allir yfir morðinu á Hassan Nasrallah og fleiri leiðtogum Hezbollah. Það er ekkert minnst á að það er alþjóðlegt bann við að nota svona öflugar djúpsprengjur inni í íbúðahverfum. Nú er Kaninn ekkert lengur að tala um allan þann almenning sem fellur í slíkri árás. Nei, ekkert er minnst á það lengur að fara þurfi varlega, drepa færri konur og börn. Ísrael gerir ekkert rangt, hefur aldrei gert og mun aldrei gera neitt rangt, að mati Kanans. Síonistar vilja stríð Það hefur margsinnis komið fram að þjóðarmorðið á Gaza er undirrót hinna tiltölulega máttlausu árása araba á fullkomið varnarkerfið sem Kaninn hefur komið upp yfir Ísrael, járnhvelfinguna, „The Iron dome“, eins og þeir kalla það. Nú síðast gerðu Íranir mikla árás á Ísrael en öll skeyti þeirra voru skotin niður. Íranir áttu harma að hefna eftir röð árása síonista innan og utan Írans. Þyngst vegur þó morðið á Nasralla og Hanyieh sem var pólitískur leiðtogi Hamas og aðalsamningamaður. Hann skutu þeir niður innan Írans! Þegar allt kemur til alls er málið þó svo einfalt að ef síonistar hættu að drepa börn konur og almenning á Gaza, myndi árásum araba á Ísrael linna. Arabar þurfa að vísu tryggingu fyrir því að komið verði á sjálfstæðu ríki Palestínumanna. Hana vilja síonistar ekki gefa. Þeir vilja ekkert slíkt ríki. Það átti að verða til með samningunum sem kenndir eru við Osló. Ofstækismaðurinn sem drap Rabín forsætisráðherra Ísraels er af sama meiði og þeir sem nú fara með stjórn Ísraels, menn eins og Smotrich og Ben-Gvir: Allt hægri sinnaðir trúarofstækismenn. Enda eru þetta ráðherrarnir sem ásamt Bíbí sjálfum vilja ekki semja um frið. Þessir menn halda að hægt sé að slökkva frelsisneistann með sprengjum. Þeir vilja vera í stríði við nágranna sína. Útrýma Hamas, útrýma Hezbollah. En þar sem báðar þessar hreyfingar tengjast trú araba, verður þeim ekki útrýmt. Ekki er hægt að útrýma hugmyndafræði, hún mun alltaf skjóta upp kollinum, sama hvursu marga fylgismenn hennar þú drepur. Og allir vita hvað verður um Bíbí ef samið verður um frið. Þessir menn vilja halda áfram stríðinu. Þeir trúa því að hægt sé að koma á friði með sprengjum. Að hafa friðinn Eina leiðin fyrir þetta fólk er að semja um frið. Þarna verður óbyggilegt meðan stríð geisar. Nú hafa tugir þúsunda Ísraelsmanna flúið heimili sín vegna ótta við Hezbollah og hálf til ein milljón Líbana er á flótta og hrakhólum. Að ekki sé talað um ástandið á Gaza þar sem allt er í rúst. Síonistar eru nú að uppskera ávexti áratuga hernáms, morða og innrása. Hezbollah samtökin voru stofnuð í kjölfar innrásar Ísraels í Líbanon 1982 og Hamas í fyrstu Intifada uppreisn Palestínumanna sem hófst í desember 1987. Þannig eru síonistar nú að glíma við samtök sem voru beinlínis stofnuð þeim til höfuðs vegna hernaðar þeirra og áratuga hernáms Palestínu. Þeir segjast vilja frið, því laug Bíbí að Sameinuðu þjóðunum um daginn. Hann vill ekki frið, hefur staðið gegn friði frá upphafi þjóðarmorðsins á Gaza. Þessir menn og ísraelska þjóðin mun ekki upplifa frið fyrr en hernáminu lýkur og Palestína verður sjálfstætt ríki. Núna eru þeir með sprengingum og morðum að efla þau samtök sem þeir berjast gegn og framleiða ný sem munu berjast gegn síonistum með kjafti og klóm þar til frelsi Palestínu verður að veruleika. Þessar endurteknu árásir með bandarískum þungavopnum eru eins og olía á eldinn sem logar í brjósti hinna kúguðu. Því munu sprengjur ekki breyta, hversu djúpt sem þær grafa sig. Eftirmáli Samkvæmt fréttum í dag (2.10.) eru síonistar að íhuga árásir á kjarnorkuver í Íran eftir stórfellda árás Írana í gær. Allar þeirra hátt í 200 flaugar voru að vísu skotnar niður af hinum langa USArmi Ísraels. Morð þeirra á Gaza hafa aukist. Um 100 féllu í dag. Heilu fjölskyldurnar eru þurrkaðar út sem fyrr. Við spyrjum að leikslokum. Höfundur er tónlistarmaður. Viltu birta grein á Vísi? Sendu okkur póst. Senda grein Ingólfur Steinsson Átök í Ísrael og Palestínu Ísrael Bandaríkin Mest lesið „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Vér erum úr sömu sveit Steinþór Logi Arnarsson Skoðun Heiðmörk: Gaddavír og girðingar Auður Kjartansdóttir Skoðun Réttlát leiðrétting veiðigjalda Elín Íris Fanndal Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Stéttarkerfi Halldóra Lillý Jóhannsdóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Sósíalistaflokkurinn kaus breytingar Karl Héðinn Kristjánsson Skoðun Halldór 24.05.2025 Halldór Skoðun Skoðun Sósíalistaflokkurinn kaus breytingar Karl Héðinn Kristjánsson skrifar Skoðun Vér erum úr sömu sveit Steinþór Logi Arnarsson skrifar Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar Skoðun Réttlát leiðrétting veiðigjalda Elín Íris Fanndal skrifar Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar Skoðun Heiðmörk: Gaddavír og girðingar Auður Kjartansdóttir skrifar Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Sjá meira
Atburðarásin í stuttu máli Að þessu sinni hófst ófriðurinn með innrás Hamas í Ísrael 7. okt.´23. Þeir drepa þar meira en 1200 manns og taka yfir 200 gísla, segjast vera að minna á mál Palestínu sem þeim virtust gleymd. Hefnd Ísraels fljótlega og næstu tólf mánuði leggja þeir Gaza í rúst, drepa meira en 41þús. (eru enn að) og særa yfir 100 þúsund með vestrænum þungavopnum, allt sagt með það að markmiði útrýma Hamas sem hefur enn ekki tekist. Hezbollah gerir stakar árásir á Ísrael til stuðnings Palestínu allan tímann, ásamt Hútum í Jemen, sem veldur því að flytja þarf tugi þúsunda frá norðurhéruðum Ísraels í öryggisskyni. Járnhvelfing Bandaríkjanna yfir Ísrael eyðir flestum sendingum og kemur í veg fyrir mannfall. Ísrael gerir síðan stórfellda árás í Líbanon, drepur yfirmann Hezbollah og er þegar búið að drepa flesta yfirmenn þeirra. Hálf til ein milljón Líbana er á flótta. Arabar segja enn einu sinni að þeir hætti ekki fyrr en árásum síonista á Gaza linni. Þeir vilja ekki frið Nú hefur það komið vel í ljós að síonistar í Ísrael vilja ekki frið. Þeir leika fórnarlambið en hafa þó öll ráð svæðisins í hendi sér; geta ekki um frjálst höfuð strokið. Fyrst voru þeir fórnarlamb Hamas, réttilega í byrjun, en 12 mánaða „vörn“ þeirra var súrrealísk manndrápsorgía. Þeir lögðu svæðið í rúst og Alþjóðadómstóllinn í Haag er að fjalla um hugsanlega tilraun þeirra til þjóðarmorðs á Gaza. Nú eru þeir byrjaðir að leggja Líbanon í rúst. Allt er þetta nánast í beinni útsendingu. Þeir eru búnir að senda Írönum þau skilaboð að hinn langi armur Ísraels muni ná til allra sem reyni að gera þeim skráveifu. Tilfellið er að með vopnasendingum Bandaríkjanna er Ísrael langt á undan þessum svokölluðu hryðuverkasamtökum í hernaðargetu. Enda er það Ísrael sem fremur mestu hryðjuverkin. Lítum á skilgreiningu á hryðjuverki: ódæðisverk, manndráp, limlesting. Og þegar við bætist þessi skilningur: ódæðisverk sem beinist gegn almennum borgurum, þá er það nokkuð borðleggjandi hverjir fremja mestu hryðjuverkin. Hefnd út yfir gröf og dauða Ísrael hefur drepið tugi þúsunda á Gaza, 1000 manns á Vesturbakkanum og hundruð, bráðum þúsundir í Líbanon. Alltaf segjast þeir vera að skjóta á Hamas og Hezbollah. En að drepa öll þessi börn og konur og almenning getur ekki talist annað en hryðjuverk, stríðsglæpur. Svo eyðileggja þeir heilu göturnar á Vesturbakkanum með jarðýtum, drepa þar og handtaka fólk að næturþeli, fara jafnvel með skurðgröfur á grafreiti fólksins og róta moldinni ofan af hinum látnu. Það lærðu þeir af nazistum eins og fleira. Meira en 10 þúsund Palestínumenn sitja nú í fangelsum síonista. Og Biden sem er með frið á vörum í hverri ræðu, er eini Bandaríkjaforsetinn fram að þessu, sem hefur ekki sett síonistum nein mörk. Nú gleðjast þeir allir yfir morðinu á Hassan Nasrallah og fleiri leiðtogum Hezbollah. Það er ekkert minnst á að það er alþjóðlegt bann við að nota svona öflugar djúpsprengjur inni í íbúðahverfum. Nú er Kaninn ekkert lengur að tala um allan þann almenning sem fellur í slíkri árás. Nei, ekkert er minnst á það lengur að fara þurfi varlega, drepa færri konur og börn. Ísrael gerir ekkert rangt, hefur aldrei gert og mun aldrei gera neitt rangt, að mati Kanans. Síonistar vilja stríð Það hefur margsinnis komið fram að þjóðarmorðið á Gaza er undirrót hinna tiltölulega máttlausu árása araba á fullkomið varnarkerfið sem Kaninn hefur komið upp yfir Ísrael, járnhvelfinguna, „The Iron dome“, eins og þeir kalla það. Nú síðast gerðu Íranir mikla árás á Ísrael en öll skeyti þeirra voru skotin niður. Íranir áttu harma að hefna eftir röð árása síonista innan og utan Írans. Þyngst vegur þó morðið á Nasralla og Hanyieh sem var pólitískur leiðtogi Hamas og aðalsamningamaður. Hann skutu þeir niður innan Írans! Þegar allt kemur til alls er málið þó svo einfalt að ef síonistar hættu að drepa börn konur og almenning á Gaza, myndi árásum araba á Ísrael linna. Arabar þurfa að vísu tryggingu fyrir því að komið verði á sjálfstæðu ríki Palestínumanna. Hana vilja síonistar ekki gefa. Þeir vilja ekkert slíkt ríki. Það átti að verða til með samningunum sem kenndir eru við Osló. Ofstækismaðurinn sem drap Rabín forsætisráðherra Ísraels er af sama meiði og þeir sem nú fara með stjórn Ísraels, menn eins og Smotrich og Ben-Gvir: Allt hægri sinnaðir trúarofstækismenn. Enda eru þetta ráðherrarnir sem ásamt Bíbí sjálfum vilja ekki semja um frið. Þessir menn halda að hægt sé að slökkva frelsisneistann með sprengjum. Þeir vilja vera í stríði við nágranna sína. Útrýma Hamas, útrýma Hezbollah. En þar sem báðar þessar hreyfingar tengjast trú araba, verður þeim ekki útrýmt. Ekki er hægt að útrýma hugmyndafræði, hún mun alltaf skjóta upp kollinum, sama hvursu marga fylgismenn hennar þú drepur. Og allir vita hvað verður um Bíbí ef samið verður um frið. Þessir menn vilja halda áfram stríðinu. Þeir trúa því að hægt sé að koma á friði með sprengjum. Að hafa friðinn Eina leiðin fyrir þetta fólk er að semja um frið. Þarna verður óbyggilegt meðan stríð geisar. Nú hafa tugir þúsunda Ísraelsmanna flúið heimili sín vegna ótta við Hezbollah og hálf til ein milljón Líbana er á flótta og hrakhólum. Að ekki sé talað um ástandið á Gaza þar sem allt er í rúst. Síonistar eru nú að uppskera ávexti áratuga hernáms, morða og innrása. Hezbollah samtökin voru stofnuð í kjölfar innrásar Ísraels í Líbanon 1982 og Hamas í fyrstu Intifada uppreisn Palestínumanna sem hófst í desember 1987. Þannig eru síonistar nú að glíma við samtök sem voru beinlínis stofnuð þeim til höfuðs vegna hernaðar þeirra og áratuga hernáms Palestínu. Þeir segjast vilja frið, því laug Bíbí að Sameinuðu þjóðunum um daginn. Hann vill ekki frið, hefur staðið gegn friði frá upphafi þjóðarmorðsins á Gaza. Þessir menn og ísraelska þjóðin mun ekki upplifa frið fyrr en hernáminu lýkur og Palestína verður sjálfstætt ríki. Núna eru þeir með sprengingum og morðum að efla þau samtök sem þeir berjast gegn og framleiða ný sem munu berjast gegn síonistum með kjafti og klóm þar til frelsi Palestínu verður að veruleika. Þessar endurteknu árásir með bandarískum þungavopnum eru eins og olía á eldinn sem logar í brjósti hinna kúguðu. Því munu sprengjur ekki breyta, hversu djúpt sem þær grafa sig. Eftirmáli Samkvæmt fréttum í dag (2.10.) eru síonistar að íhuga árásir á kjarnorkuver í Íran eftir stórfellda árás Írana í gær. Allar þeirra hátt í 200 flaugar voru að vísu skotnar niður af hinum langa USArmi Ísraels. Morð þeirra á Gaza hafa aukist. Um 100 féllu í dag. Heilu fjölskyldurnar eru þurrkaðar út sem fyrr. Við spyrjum að leikslokum. Höfundur er tónlistarmaður.
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar
Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar
Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun