Ýmir dýr­mætur í fyrsta sigrinum

Ýmir og félagar unnu Bietigheim, 30-25, eftir að hafa verið 19-15 yfir í hálfleik. Þeir David Schmidt og Ludvig Hallbäck voru markahæstir í Göppingen en Ýmir og Victor Klöve komu þar næstir á eftir.

Þetta var sjöundi leikur Göppingen á tímabilinu og hafði liðið tapað fjórum en gert tvö jafntefli, og er því með fjögur stig í 13.-15. sæti af átján liðum.

Fyrr í kvöld unnu lærisveinar Guðjóns Vals Sigurðssonar í Gummersbach tveggja marka sigur á Eisenach, 34-32, í þýsku 1. deildinni í handbolta í kvöld.

Elliði Snær Viðarsson skoraði tvö af mörkum Gummersbach í leiknum en Teitur Örn Einarsson var sem fyrr frá keppni vegna meiðsla.

Gummersbach heldur því áfram að gera góða hluti í þýsku deildinni en liðið er með tíu stig eftir átta leiki, og situr sem stendur í 5. sæti. Eisenach er í 13. sæti.

Guðmundur Bragi fagnaði sætum sigri í Danmörku

Í dönsku úrvalsdeildinni skoraði Guðmundur Bragi Ástþórsson þrjú mörk í 29-28 heimasigri Bjerringbro/Silkeborg gegn Nordsjælland.

Nordsjælland var þremur mörkum yfir í hálfleik, 15-12, en heimamenn komust yfir þegar ein og hálf mínúta var eftir, 28-27.

Rasmus Lauge var markahæstur hjá Bjerringbro/Silkeborg með átta mörk og Patrick Boldsen skoraði fimm, en Guðmundur Bragi var þriðji markahæstur í liðinu með sín þrjú mörk.