Fótbolti

Sjáðu ó­trú­lega markið hans Haaland og þrennuna hans Raphinha

Óskar Ófeigur Jónsson skrifar
Erling Haaland skorar hér þetta ótrúlega mark sitt fyrir Manchester City.
Erling Haaland skorar hér þetta ótrúlega mark sitt fyrir Manchester City. Getty/Richard Sellers

Manchester City og Barcelona voru bæði í miklu stuði í Meistaradeildinni í fótbolta á miðvikudagskvöldið þar sem City vann 5-0 sigur á Sparta Prag og Barcelona vann 4-1 sigur á Bayern München.

Erling Braut Haaland skoraði tvö mörk fyrir City í leiknum þar af annað þeirra með ótrúlegri hálofta hælspyrnu. Það er ekkert skrýtið að Pep Guardiola og fleiri hafi velt því fyrir sér hvernig þetta sé hreinlega hægt.

Hin mörkin skoruðu Phil Foden, John Stones og Matheus Nunes.

Haaland hefur raðað inn mörkum í Meistaradeildinni en þetta mark er örugglega ofarlega á listanum yfir þau glæsilegustu.

Raphinha skoraði þrennu fyrir Barcelona á móti Bayern. Harry Kane jafnaði metin í 1-1 en Bæjarar komust ekki nær. Robert Lewandowski skoraði líka á móti sínum gömlu félögum.

Hér fyrir neðan má sjá mörkin úr þessum leikjum og nokkrum öðrum.

Klippa: Mörkin úr leik Man. City og Sparta Prag
Klippa: Mörkin úr leik Barcelona og Bayern
Klippa: Mörkin úr leik Salzburg og Zagreb
Klippa: Leipzig 0-1 Liverpool
Klippa: Mörkin úr leik Atletico Madrid og Lille
Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið