Dag­skráin í dag: Heimir mætir Eng­lendingum á Wembl­ey

Stöð 2 Sport

Klukkan 15:55 verður leikur U21-árs liðs Íslands og Póllands sýndur beint en þessi vináttuleikur fer fram á Spáni. Klukkan 19:05 er svo komið að leik Vals og Aþenu í Bónus-deild kvenna en þar verður þjálfari Vals Jamils Abiad ekki á hliðarlínunni en hann þurfti að fara úr landi þar sem það gleymdist að sækja um atvinnuleyfi fyrir hann.

Klukkan 21:10 verður Bónus Körfuboltakvöld sýnt beint en þar verður farið yfir alla leiki umferðinnar í Bónus-deild kvenna.

Stöð 2 Sport 2

NFL verður í aðahlutverki á Stöð 2 Sport 2 líkt og alltaf á sunnudögum. Klukkan 17:55 verður leikur Pittsburgh Steelers og Baltimore Ravens sýndur beint og klukkan 21:20 mætast lið Buffalo Bills og Kansas City Chiefs. Tveir alvöru leikir á dagskránni.

Stöð 2 Sport 3

NFL Red Zone verður í beinni útsendingu frá klukkan 17:55 en þar verður sýnt frá öllum leikjum umferðarinnar í NFL-deildinni.

Stöð 2 Sport 4

The ANNIKA-mótið á LPGA mótaröðinni í golfi verður í beinni útsendingu frá 18:30.

Stöð 2 Sport 6

NBA-deildin er komin á fullt. Lið Minnesota Timberwolves og Phoenix Suns verða í eldlínunni klukkan 20:30.

Vodafone Sport

Þjóðadeildin verður á dagskrá í allan dag á Vodafone Sport. Klukkan 13:50 verður leikur Norður-Makedóníu og Færeyja í beinni útsendingu og klukkan 16:50 er komið að lærisveinum Heimis Hallgrímssonar en þeir mæta nágrönnum sínum frá Englandi á Wembley.

Klukkan 19:35 er síðan komið að stórleik Ítalíu og Frakklands í A-deild.