Ævintýralegar eftiráskýringar Hildur Sverrisdóttir skrifar 21. nóvember 2024 07:45 Vextir lækkuðu aftur í gær. Það eru gleðitíðindi fyrir heimilin í landinu. Vaxtalækkunin skilar dæmigerðu heimili nærri 190 þúsund krónum í auknar ráðstöfunartekjur á ári. Það munar sannarlega um minna. Lækki vextir enn frekar má vænta þess að ráðrúm heimila aukist enn frekar. Árangurinn sem náðst hefur, m.a. með festu og ábyrgð í ríkisrekstri þrátt fyrir hin ýmsu áföll, er brothættur og langt því frá að vera gefins. Alltaf eru þó einhverjir sem keppast við að halda öðru fram. Fólk sem keppist við að líta einungis á punktstöðu dagsins í dag, eins og ekkert hafi í skorist á leiðinni. Síðustu ár hafa þvert á móti vægast sagt verið viðburðarík, svo ekki sé meira sagt. Það eru ekki nema rúm fimm ár síðan eitt stykki WOW Air varð gjaldþrota. Í framhaldinu brast á með heimsfaraldri sem einn og sér setti hlutina í nýtt og áður óþekkt samhengi. Í kjölfar hans sigldu svo jarðeldar á Reykjanesi og stríðsátök sem sér ekki fyrir endann á. Það er því bæði auðvelt og ódýrt að einbeita sér að punktstöðu dagsins í dag og fullyrða að hér hafi menn misst tök á ríkisfjármálunum án alls samhengis þar um. Sérstaklega þegar sömu flokkar höfðu uppi akkúrat engin varnaðarorð um að verið væri að ganga of langt í stuðningi vegna umræddra áfalla heldur þvert á móti var gagnrýnt að ekki væri enn meira gert. Ítrekuð áföll kostnaðarsöm Aðgerðirnar sem gripið var til í kjölfar þessara áfalla voru kostnaðarsamar sem eðlilega tekur tíma að vinda ofan af. Engum hefði verið greiði gerður með því að grípa í handbremsuna og snúa við á punktinum. Því fer þó fjarri að útgjöld ríkisins hafi vaxið úr hófi fram. Ekki er síður langsótt að halda því fram að skattar hafi verið hækkaðir. Lífskjarasókn án skattahækkana Á meðan Sjálfstæðisflokkurinn var ekki einn í ríkisstjórn varð ávallt að miðla málum. Undanfarin ár höfum við verið í samstarfi við flokka sem er ekkert launungarmál að vilja frekar hækka skatta en lækka þá. Út á við sáust ekki allar þær skattahækkanatillögur sem Sjálfstæðisflokkurinn ýtti reglulega út af borðunum. En það er ekki nóg að spyrna við skattahækkunum, við viljum líka lækka þá. Skattalækkanir hafa verið forsenda fyrir þeirri ótrúlegu lífskjarasókn sem hefur átt sér stað á Íslandi undanfarinn áratug og verkefnið okkar verður að svo megi áfram verða. Sjálfbær ríkisrekstur Okkur Sjálfstæðismönnum er tíðrætt um, og erum jafnan ein um hituna, að tryggja þurfi að ríkisrekstur sé sjálfbær. Það er að segja, að útgjöld vaxi ekki hömlulaust og tekjurnar standi undir þeim. Víst er að ekki er hægt að seilast endalaust ofan í vasa fólks eftir meira fé. Umfang hins opinbera er þeim náttúrulegu takmörkunum háð. Útgjaldaregla Skattar á Íslandi eru með því hæsta sem þekkist á byggðu bóli. Það er staðreynd. Þegar tekjur hins opinbera standa ekki undir útgjöldum má fullyrða að vandamálið sé ekki skortur á fjármagni, heldur forgangsröðun. Sjálfstæðisflokkurinn hefur t.d. lagt til endurmat á útgjöldum til helstu málaflokka og að tekin verði upp regla sem setur útgjaldavexti skorður, við litlar undirtektir annarra flokka. Það er því ánægjulegt að sjá aðra flokka loksins vera komna á vagninn. Það er enda alveg ljóst að eina leiðin til að minnka álögur á heimilin og fyrirtækin í landinu er með því að halda aftur af vaxandi útgjöldum. Þegar litið er á stöðuna í sanngjörnu og málefnalegu samhengi er því ljóst að allt tal um ævintýralegan halla sem byggi á engu öðru en fullkominni óráðsíu liðinna ára er ekkert annað en ævintýraleg eftiráskýring. En burtséð frá öllum sanngjörnum eða ósanngjörnum baksýnisspeglum er það eina sem skiptir máli að hér er allt á réttri leið og mikilvægt að halda áfram að stíga örugg skref í sömu átt en ekki einhverja allt aðra. Höfundur er þingflokksformaður Sjálfstæðisflokksins og skipar 2. sæti á framboðslista flokksins í Reykjavík suður. Viltu birta grein á Vísi? Sendu okkur póst. Senda grein Hildur Sverrisdóttir Skoðun: Alþingiskosningar 2024 Sjálfstæðisflokkurinn Mest lesið „Eruð þið sammála lausagöngu katta?“ Sighvatur Björgvinsson Skoðun Hverjir borga leikskólann í Kópavogi? Örn Arnarson Skoðun Hvernig meðhöndlum við vanda sem ekki má tala um? Skaðaminnkandi nálgun í fangelsum Margrét Dís Yeoman Skoðun Tökum samtalið Gunnþór Ingvason Skoðun Á flandri í klandri Jens Garðar Helgason Skoðun „Skömmin þín“ Jokka G. Birnudóttir Skoðun Þegar illfygli leiðir stórmennskubrjálæðing Ole Anton Bieltvedt Skoðun Fimm staðreyndir fyrir Gunnþór Ingvason Arnar Þór Ingólfsson Skoðun Ferðaleiðsögn í skjóli ábyrgðar – tími til kominn að endurhugsa nálgunina Guðmundur Björnsson Skoðun Réttlæti fyrir þjóðina, framfarir fyrir landsbyggðina Guðmundur Ari Sigurjónson Skoðun Skoðun Skoðun Fimm staðreyndir fyrir Gunnþór Ingvason Arnar Þór Ingólfsson skrifar Skoðun Réttlæti byggir ekki á rangfærslum – svar við málflutningi þingflokksformanns Samfylkingar um veiðigjaldafrumvarpið Kristinn Karl Brynjarsson skrifar Skoðun Björgun hvala og orðræðan sem máli skiptir Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar Skoðun Ferðaleiðsögn í skjóli ábyrgðar – tími til kominn að endurhugsa nálgunina Guðmundur Björnsson skrifar Skoðun Á flandri í klandri Jens Garðar Helgason skrifar Skoðun Átak til að stytta biðlista barna eftir sérfræðiaðstoð Helga Þórðardóttir skrifar Skoðun Hverjir borga leikskólann í Kópavogi? Örn Arnarson skrifar Skoðun Tölvupóstar fjórðu iðnbyltingarinnar Sigurjón Njarðarson skrifar Skoðun „Skömmin þín“ Jokka G. Birnudóttir skrifar Skoðun Tökum samtalið Gunnþór Ingvason skrifar Skoðun „Eruð þið sammála lausagöngu katta?“ Sighvatur Björgvinsson skrifar Skoðun Réttlæti fyrir þjóðina, framfarir fyrir landsbyggðina Guðmundur Ari Sigurjónson skrifar Skoðun Hvernig meðhöndlum við vanda sem ekki má tala um? Skaðaminnkandi nálgun í fangelsum Margrét Dís Yeoman skrifar Skoðun Stuðningur við nýsköpun í menntun: Leið að betra mati Bogi Ragnarsson skrifar Skoðun Þegar illfygli leiðir stórmennskubrjálæðing Ole Anton Bieltvedt skrifar Skoðun Afruglari Þórður Björn Sigurðsson skrifar Skoðun Þjóðkirkja á réttri leið Þórður Guðmundsson skrifar Skoðun Staðreyndir um einfaldara regluverk Guðlaugur Þór Þórðarson skrifar Skoðun Við þurfum hagkvæmu virkjunarkostina Gunnar Guðni Tómasson skrifar Skoðun Falin tækifæri til náms Heiða Ingimarsdóttir skrifar Skoðun Gervigreind í námi: 5 lykilskref fyrir öryggi nemenda Björgmundur Guðmundsson skrifar Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar Skoðun „Jákvæð viðbrögð“ um veiðigjaldið? Heimir Örn Árnason skrifar Skoðun Skattgreiðendur látnir borga brúsann Hjörtur J. Guðmundsson skrifar Skoðun Nokkur orð um Kúbudeiluna og viðskiptabannið Gylfi Páll Hersir skrifar Skoðun Ráðherrar með reiknivél og leyndarhyggju Kristinn Karl Brynjarsson skrifar Skoðun Gróf misbeiting illa fengins valds Örn Sigurðsson skrifar Skoðun Að sækja gullið (okkar) grein 2 Þröstur Friðfinnsson skrifar Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar Skoðun Pólítískt hugrekki Unnur Hrefna Jóhannsdóttir skrifar Sjá meira
Vextir lækkuðu aftur í gær. Það eru gleðitíðindi fyrir heimilin í landinu. Vaxtalækkunin skilar dæmigerðu heimili nærri 190 þúsund krónum í auknar ráðstöfunartekjur á ári. Það munar sannarlega um minna. Lækki vextir enn frekar má vænta þess að ráðrúm heimila aukist enn frekar. Árangurinn sem náðst hefur, m.a. með festu og ábyrgð í ríkisrekstri þrátt fyrir hin ýmsu áföll, er brothættur og langt því frá að vera gefins. Alltaf eru þó einhverjir sem keppast við að halda öðru fram. Fólk sem keppist við að líta einungis á punktstöðu dagsins í dag, eins og ekkert hafi í skorist á leiðinni. Síðustu ár hafa þvert á móti vægast sagt verið viðburðarík, svo ekki sé meira sagt. Það eru ekki nema rúm fimm ár síðan eitt stykki WOW Air varð gjaldþrota. Í framhaldinu brast á með heimsfaraldri sem einn og sér setti hlutina í nýtt og áður óþekkt samhengi. Í kjölfar hans sigldu svo jarðeldar á Reykjanesi og stríðsátök sem sér ekki fyrir endann á. Það er því bæði auðvelt og ódýrt að einbeita sér að punktstöðu dagsins í dag og fullyrða að hér hafi menn misst tök á ríkisfjármálunum án alls samhengis þar um. Sérstaklega þegar sömu flokkar höfðu uppi akkúrat engin varnaðarorð um að verið væri að ganga of langt í stuðningi vegna umræddra áfalla heldur þvert á móti var gagnrýnt að ekki væri enn meira gert. Ítrekuð áföll kostnaðarsöm Aðgerðirnar sem gripið var til í kjölfar þessara áfalla voru kostnaðarsamar sem eðlilega tekur tíma að vinda ofan af. Engum hefði verið greiði gerður með því að grípa í handbremsuna og snúa við á punktinum. Því fer þó fjarri að útgjöld ríkisins hafi vaxið úr hófi fram. Ekki er síður langsótt að halda því fram að skattar hafi verið hækkaðir. Lífskjarasókn án skattahækkana Á meðan Sjálfstæðisflokkurinn var ekki einn í ríkisstjórn varð ávallt að miðla málum. Undanfarin ár höfum við verið í samstarfi við flokka sem er ekkert launungarmál að vilja frekar hækka skatta en lækka þá. Út á við sáust ekki allar þær skattahækkanatillögur sem Sjálfstæðisflokkurinn ýtti reglulega út af borðunum. En það er ekki nóg að spyrna við skattahækkunum, við viljum líka lækka þá. Skattalækkanir hafa verið forsenda fyrir þeirri ótrúlegu lífskjarasókn sem hefur átt sér stað á Íslandi undanfarinn áratug og verkefnið okkar verður að svo megi áfram verða. Sjálfbær ríkisrekstur Okkur Sjálfstæðismönnum er tíðrætt um, og erum jafnan ein um hituna, að tryggja þurfi að ríkisrekstur sé sjálfbær. Það er að segja, að útgjöld vaxi ekki hömlulaust og tekjurnar standi undir þeim. Víst er að ekki er hægt að seilast endalaust ofan í vasa fólks eftir meira fé. Umfang hins opinbera er þeim náttúrulegu takmörkunum háð. Útgjaldaregla Skattar á Íslandi eru með því hæsta sem þekkist á byggðu bóli. Það er staðreynd. Þegar tekjur hins opinbera standa ekki undir útgjöldum má fullyrða að vandamálið sé ekki skortur á fjármagni, heldur forgangsröðun. Sjálfstæðisflokkurinn hefur t.d. lagt til endurmat á útgjöldum til helstu málaflokka og að tekin verði upp regla sem setur útgjaldavexti skorður, við litlar undirtektir annarra flokka. Það er því ánægjulegt að sjá aðra flokka loksins vera komna á vagninn. Það er enda alveg ljóst að eina leiðin til að minnka álögur á heimilin og fyrirtækin í landinu er með því að halda aftur af vaxandi útgjöldum. Þegar litið er á stöðuna í sanngjörnu og málefnalegu samhengi er því ljóst að allt tal um ævintýralegan halla sem byggi á engu öðru en fullkominni óráðsíu liðinna ára er ekkert annað en ævintýraleg eftiráskýring. En burtséð frá öllum sanngjörnum eða ósanngjörnum baksýnisspeglum er það eina sem skiptir máli að hér er allt á réttri leið og mikilvægt að halda áfram að stíga örugg skref í sömu átt en ekki einhverja allt aðra. Höfundur er þingflokksformaður Sjálfstæðisflokksins og skipar 2. sæti á framboðslista flokksins í Reykjavík suður.
Hvernig meðhöndlum við vanda sem ekki má tala um? Skaðaminnkandi nálgun í fangelsum Margrét Dís Yeoman Skoðun
Ferðaleiðsögn í skjóli ábyrgðar – tími til kominn að endurhugsa nálgunina Guðmundur Björnsson Skoðun
Skoðun Réttlæti byggir ekki á rangfærslum – svar við málflutningi þingflokksformanns Samfylkingar um veiðigjaldafrumvarpið Kristinn Karl Brynjarsson skrifar
Skoðun Björgun hvala og orðræðan sem máli skiptir Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar
Skoðun Ferðaleiðsögn í skjóli ábyrgðar – tími til kominn að endurhugsa nálgunina Guðmundur Björnsson skrifar
Skoðun Hvernig meðhöndlum við vanda sem ekki má tala um? Skaðaminnkandi nálgun í fangelsum Margrét Dís Yeoman skrifar
Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar
Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar
Hvernig meðhöndlum við vanda sem ekki má tala um? Skaðaminnkandi nálgun í fangelsum Margrét Dís Yeoman Skoðun
Ferðaleiðsögn í skjóli ábyrgðar – tími til kominn að endurhugsa nálgunina Guðmundur Björnsson Skoðun