Jóla­gjöfin sem kemur sér alltaf vel

Einfalt og aðgengilegt

Hægt er að kaupa inneignar- og gjafakortin á afgreiðslukössum allra Bónusbúða landsins. Kortið sjálft kostar ekkert, einungis er greitt fyrir þá upphæð sem á að fara inn á kortið og fæst það afhent í gjafaumbúðum. Kortið virkar eins og debetkort, eigandinn þarf ekki að nota alla upphæðina í einu og kortið rennur ekki út. Ekkert árgjald er á inneignar- og gjafakorti Bónus og engin færslugjöld. Hægt er að fylla aftur inn á kortið þegar inneignin er búin.

Betri yfirsýn yfir heimilisbókhaldið

„Margir nota kortin til að halda utan um matarinnkaupin og leggja til dæmis inn á það um hver mánaðamót ákveðna upphæð sem á að nota til heimilisins. Svo er auðvelt að fylgjast með stöðunni með því að skanna kóða á kortinu eða slá inn númeri kortsins inni á Bonus.is,“ útskýrir Kristín.

Veist til hvers kortið er notað

Bónus er ein stærsta matvörukeðja landsins með yfir þrjátíu verslanir um allt land. Bónus hefur ávallt lagt áherslu á lágt vöruverð og sama verð allsstaðar og því er kortið hagnýt jólagjöf sem nýtist hverjum sem er. Kortið gildir að sjálfsögðu í öllum verslunum Bónus.

„Við erum með gjafavöru eins og kerti og fleira og auðvitað árstíðabundnar vörur, eins og bækur fyrir jólin og páskavörurnar. Þá er ein stór ástæða þess að fólk gefur kort frá okkur í jólagjafir að við seljum ekki tóbak,“ segir Kristín. „Ömmur og afar kaupa gjarnan Bónus-gjafakort handa unglingunum sem þau vita ekkert hvað þau eiga að gefa og foreldrar úti á landi sem eru með ungt fólk í skóla fjarri heimilinu gefa þeim Bónus-kort til að kaupa í matinn. Fylla svo reglulega á þau. Þá vita þau í hvað peningarnir fara,“ segir Kristín sposk.

Gleður fjölbreyttan hóp

Inneignar- og gjafakortin hafa notið mikilla vinsælda gegnum árin í jólagjafir fyrirtækja til starfsmanna. Kristín er ekki hissa á því. Það geti verið snúið að finna eitthvað eitt sem henti ólíkum einstaklingum en inneign í Bónus komi sér alltaf vel.

„Til að þakka fólkinu þínu vel unnin störf og þá viltu að gefa eitthvað sem nýtist hverjum og einum og kortið gerir það svo sannarlega.“