Að­ventan með Lindu Ben: Kalkúna­bringa með öllu til­heyrandi

Í þessum lokaþætti undirbýr Linda hátíðlegt jólakvöld. Kalkúnabringa með öllu tilheyrandi og guðdómlegur jólaís. Lokaþáttinn í heild má sjá hér 

Sinnepsmarineruð kalkúnabringa

• 1 kalkúnabringa
• 2 msk Dijon sinnep
• 1 msk balsamikedik
• 1 msk rifsberjahlaup
• 1 msk ólífuolía
• 2 msk ferst timjan, smátt skorið
• 1 tsk ferskt oregano
• ½ tsk salt
• ½ tsk pipar

Aðferð

Þerrið kalkúnabringuna með eldhúspappír og setjið hana í fat.

Blandið saman Dijon sinnepi, balsamikediki og rifsberjahlaupi.

Setjið timían og oregano í mortel og hellið olíunni út á, merjið kryddjurtirnar vel í mortelnum og hellið kryddolíunni út í sinnepsblönduna. Hrærið saman.

Kryddið með salti og pipar.

Smyrjið marineringunni jafn yfir alla kalkúnabringuna, setjið matarfilmu yfir fatið og látið marinerast í minnst klukkutíma eða yfir nótt.

Stillið ofninn á 165ºC. Setjið kjöthitamæli inn í miðja bringuna og bakið bringuna þangað til kjarnhitastig mælist 72ºC.

Besta kalkúnasósan

• 1/2 rauðlaukur
• 2 msk Filippo Berio ólífu olía
• 50 g smjör
• 150 g sveppir
• 2 dl vatn
• 1 dl hvítvín
• Soð af kalkúninum
• 1 – 2 msk fljótandi kjúklingakraftur frá Oscar
• 500 ml rjómi frá Örnu Mjólkurvörum
• 1 msk rifsberjahlaup
• Salt og pipar

Aðferð

Skerið rauðlaukinn fínt niður. Steikið laukinn upp úr olíu og smjöri þar til hann verður mjúkur.

Skerið sveppina frekar gróft niður og bætið þeim út á pönnuna og steikið þar til þeir verða mjúkir. Bætið vatni og hvítvíni út á sveppina og sjóðið í 1-2 mín.

Bætið því næst 1 msk af kjúklingakraftinum út í og soðinu af kalkúninum.

Bætið því næst rjómanum út á og náið upp suðunni.

Bragðbætið með rifsberjahlaupi, meiri kjúklingakrafti og salt og pipar eftir þörfum. Sjóðið saman í nokkrar mín þar til sósan hefur þykknað.

Sætkartöflumús

• 2 sætar kartöflur
• 1 tsk vanillusykur
• 1 egg
• 100 gr smjör
• 1 msk púðursykur - til að setja ofan á músina
• 1 dl kasjúhnetur

Brokkolísalat

• Brokkolíhaus smátt skorinn
• 1 dl grískt jógúrt frá Örnu mjólkurvörum
• 1 dl mæjónes
• 1 msk hunangs Dijon sinnep
• 7 döðlur
• Granateplakjarnar
• Lime safi

Klassíski ísinn með Eitt sett súkkulaði og Nóa pralín súkkulaði

• 6 eggjarauður
• 170 g púðursykur
• 500 ml rjómi
• 150 g Eitt sett súkkulaði
• 150 g Nóa pralín súkkulaði

Aðferð

Þeytið rjómann.

Þeytið eggjarauðurnar og púðursykurinn mjög vel saman í annari skál þar til létt, ljóst og blandan myndar borða ef þeytarinn er tekinn upp og deigið lekur aftur í skálina.

Blandið rjómanum varlega saman við eggjarauðu blönduna með sleikju.

Skerið hinberjatromps súkkulaðið niður og blandið því saman við.

Hellið ísnum í form, lokið því t.d. Með plastfilmu og frystið yfir nótt (eða lengur).