Fótbolti

Úlfur metinn besti fram­herjinn í nýliðavali MLS

Ingvi Þór Sæmundsson skrifar
Úlfur Ágúst Björnsson í leik með FH síðasta sumar.
Úlfur Ágúst Björnsson í leik með FH síðasta sumar. vísir/diego

Nýliðaval MLS-deildarinnar í fótbolta í Bandaríkjunum fer fram á morgun. Búist er við því að Úlfur Ágúst Björnsson verði valinn snemma í nýliðavalinu.

Úlfur skoraði þrettán mörk í nítján leikjum með Duke háskólanum 2024 og tíu mörk í átján leikjum í fyrra.

Framherjinn freistar nú gæfunnar í nýliðavali MLS og samkvæmt úttekt á heimasíðu deildarinnar er hann talinn vera besti framherjinn í nýliðavalinu.

Í ársbyrjun 2022 var annar íslenskur framherji sem lék með Duke, Þorleifur Úlfarsson, valinn númer fjögur af Houston Dynamo í nýliðavali MLS. Þorleifur leikur nú með Debrecen í Ungverjalandi.

Úlfur hefur leikið 43 leiki fyrir FH í Bestu deildinni og skorað sextán mörk. Þá skoraði hann tíu mörk í tólf leikjum með Njarðvík í 2. deildinni 2022. Úlfur hefur leikið fjóra leiki fyrir yngri landslið Íslands.

Auk Úlfs verður Eyjamaðurinn Sigurður Arnar Magnússon með í nýliðvali MLS að þessu sinni.

Bandaríski fótboltinn

Mest lesið


Fleiri fréttir

Sjá meira


×

Mest lesið