Deilur á þingi gætu komið niður á áherslum Trumps Samúel Karl Ólason skrifar 17. janúar 2025 13:19 Donald Trump, sem tekur við embætti á mánudaginn, hefur sett stefnuna hátt á fyrstu dögum sínum í embætti. AP/Matt Rourke Donald Trump, sem tekur aftur við embætti forseta Bandaríkjanna á mánudaginn, hefur heitið umfangsmiklum aðgerðum á sínum fyrsta degi í embætti. Sjálfur sagðist hann hafa undirbúið um hundrað forsetatilskipanir sem hann mun geta skrifað undir þegar hann tekur embætti. Meðal þess sem Trump hefur sagst vilja gera snemma á kjörtímabilinu er að fara í umfangsmesta brottflutning í sögu Bandaríkjanna. Elta uppi og vísa úr landi öllum þeim sem eru í Bandaríkjunum ólöglega. Hann vill loka landamærunum og binda enda á það að börn sem fæðast í Bandaríkjunum fái bandarískan ríkisborgararétt. Trump vill einnig náða fólk sem tók þátt í árásinni á þinghús Bandaríkjanna þann 6. janúar 2021. Hversu marga hann vill náða er óljóst en Trump-liðar hafa verið margsaga um ætlanir Trumps varðandi náðanir og hvort hann ætli að náða fólk sem dæmt var fyrir að ráðast á lögregluþjóna eða ekki. Hann hefur einnig sagst ætla að leggja 25 prósenta toll á vörur frá Mexíkó og Kanada og bæta tíu prósentustigum við tolla á vörur frá Kína, sem þegar hafa verið beittar tollum. Þá vill hann lýsa yfir neyðarástandi og auðvelda þannig leyfisveitingar fyrir nýjum olíulindum, vinnslum, verksmiðjum og orkuverum, svo eitthvað sé nefnt. Trump hefur einnig lýst því yfir að hann vilji skera á fjárveitingar til bandarískra skóla þar sem fjallað er um jafnréttismál, kerfisbundna kynþáttafordóma í Bandaríkjunum, „trans-geðveiki“ og önnur mál. Auk hefur hann sagst vilja stöðva fjárveitingar til skóla sem hafa bólusetningarskyldu, eins og fram kemur í frétt AP fréttaveitunnar. Forsetinn verðandi segist þar að auki ætla að uppræta „djúpríkið“ svokallaða og þetta allt vill hann gera á fyrsta degi, eða í það minnsta mjög fljótt. Snýr aftur með mun hlýðnari flokk Trump snýr aftur í Hvíta húsið með stærri kosningasigur en árið 2017, með meiri reynslu af beitingu valds og með gjörbreyttan Repúblikanaflokk. Hann hefur á undanförnum árum bolað flestum andstæðingum sínum úr flokknum og ólíklegt er að hans eigin ráðgjafar og starfsmenn muni reyna að standa í hárinu á honum eða koma í veg fyrir að hann geri það sem hann vilji gera, eins og nokkrir gerðu á fyrsta kjörtímabili hans. Þar að auki eru dómarar skipaðir af forseta úr Repúblikanaflokknum í miklum meirihluta í Hæstarétti Bandaríkjanna, sex gegn þremur, og þar af skipaði Trump þrjá. Mögulegt er að þingið gæti þó valdið Trump vanda á næstu árum. Þó þingmenn virðist langflestir hliðhollir honum eru þó enn deilur innan flokksins þingmanna á milli og milli þingdeilda. Sjá einnig: Rak formann mikilvægrar nefndar að beiðni Trumps Mike Johnson, forseti fulltrúadeildarinnar, og John Thune, leiðtogi Repúblikana í öldungadeildinni, eru til að mynda sagðir verulega ósammála um það hvernig koma á baráttumálum Trumps gegnum þingið. Í greiningu Politico frá því gær segir að deilur þeirra geti hæglega leitt til tafa þegar kemur að samþykktum frumvarpa Repúblikana og Trumps. Bæði Johnson og Thune hafa sagt að Repúblikanar þurfi að samstilla strengi sína mun betur til að tryggja samhljóm milli fulltrúadeildarinnar og öldungadeildarinnar. Deila um hverjir eiga að leiða Þá hefur einnig komið í ljós að þeir eru ósammála um það hvor þingdeildin eigi að leiða þennan lagasetningardans þeirra á kjörtímabilinu. Thune sagði í nýlegu viðtali við NBC News að öldungadeildin þyrfti að leiða starfið, vega lítillar samstöðu í þingflokki Repúblikana í fulltrúadeildinni. Þar á bæ þyrftu menn að vinna sem ein heild. Johnson sagði þó í viðtali við Politico að fulltrúadeildin ætti að leiða. Stjórnsýsla Bandaríkjanna hefði verið hönnuð með þeim hætti. Meirihluti Repúblikana í fulltrúadeildinni er mjög lítill. Repúblikanar eru 219 og Demókratar eru 215 en eitt sæti situr autt. Johnson stendur því frammi fyrir erfiðu verkefni þegar kemur að því að halda samstöðu innan þingflokksins. Það sást glögglega í lok síðasta árs þegar óljóst var hvort Johnson hefði nægan stuðning til að tryggja sér embætti þingforseta, í kjölfar mikillar óreiðu vegna samþykktar bráðabirgðafjárlaga. Meðal þess sem deilur Johnson og Thune snúast um eru kröfur Trumps um að helstu baráttumál hans verði lögð fram í „einum stórum, fallegum“ pakka. Einu frumvarpi þar sem málefni innflytjenda, orkumála og skattalækkanir verða tækluð, auk þess að hækka skuldaþakið svokallaða. Þessu mótmælti Thune í samtali við Johnson og sagði að ólíklegt væri að slíkt frumvarpi færi gegnum þingið. Það væri aðallega vegna þess hve margir íhaldssamir Repúblikanar væru mótfallnir því að hækka skuldaþakið. Þrátt fyrir mótbárur Thune opinberaði Johnson ætlanir sínar og steig Thune þá fram í kjölfarið og lýsti því yfir að ekki stæði til að hækka skuldaþakið. Ljóst er að Repúblikanar á þingi eru ekki með skýra áætlun um hvernig þeir ætla að koma málum sínum gegnum þingið en eins og fram kemur í grein Politico hefur staðan oftar en ekki verið allt önnur á þessum tíma eftir fyrri kosningar. Það á bæði við hjá meirihlutum Demókrata og Repúblikana og undanförnum árum að búið var að leggja línurnar mun betur en gert hefur verið nú. John Thune, leiðtogi Repúblikana í öldungadeildinni.AP/J. Scott Applewhite Margt á lista erfitt án þings Margt af því sem Trump segist vilja gera er þó þess eðlis að honum er ómögulegt að gera það mjög fljótt. Í mörgum tilfellum þarf aðkomu þingsins og jafnvel dómstóla. Þegar kemur að því að binda enda á að börn sem fæðist í Bandaríkjunum fái sjálfkrafa ríkisborgararétt, þarf Trump að breyta stjórnarskrá Bandaríkjanna. Hann getur þó beint forsetatilskipunum, eins og bandarískir forsetar geta reglulega, en slíkar tilskipanir enda oft á borðum dómara. Wall Street Journal sagði frá því í gær að Trump hefði nýverið fundað með öldungadeildarþingmönnum Repúblikanaflokksins, þar sem hann mun hafa gert þeim ljóst að hann myndi ekki bíða eftir þeim til að ná fram baráttumálum sínum. Trump sagði þingmönnunum að hann hefði þegar undirbúið um hundrað forsetatilskipanir til að skrifa undir um leið og hann tekur við embætti og sagðist hann ætla að láta reyna á takmarkanir á valdi sínu, ef hann þyrfti að ná þessum málum fram einn. Þá mun hann hafa sagt þingmönnunum að hann ætlaði sér að leggja mesta áherslu á málefni innflytjenda og breytingar á viðskiptum við önnur ríki. Einn þingmaður í salnum sagði Trump hafa sagt að markmið Trumps væri ekki að leggja skatta á fólk heldur breyta hegðun þeirra með tollum. Með því að gera erlendar vörur dýrari með tollum vill Trump auka innlenda framleiðslu og í senn refsa viðskiptafélögum Bandaríkjanna, sem hann hefur ítrekað haldið fram að hafi svindlað á Bandaríkjunum um árabil. Bandaríkin Donald Trump Tengdar fréttir Ræddu í 45 mínútur um Grænland og dönsk fyrirtæki Mette Frederiksen, forsætisráðherra Danmerkur, ræddi við Donald Trump, fyrrverandi og verðandi forseta Bandaríkjanna, í 45 mínútur á miðvikudag og sagði meðal annars að framtíð Grænlands væri í höndum Grænlendinga. 17. janúar 2025 07:08 Biden varar við fáveldi í Bandaríkjunum Joe Biden Bandaríkjaforseti kvaddi Bandaríkjamenn í síðasta ávarpi sínu til þjóðarinnar í gær og varaði meðal annars við því að fáveldi (e. oligarchy) væri í uppsiglingu. 16. janúar 2025 06:47 Óttast áhrif orðræðu Trumps á fjárfesta Námumálaráðherra Grænlands segir að orðræða Donalds Trump, forseta Bandaríkjanna, um kaup eða yfirtöku á Grænlandi gæti haft hræðileg áhrif á fjárfestingar á Grænlandi. Naaja Nathanielsen segir Trump geta skaðað ímynd Grænlands sem stöðugt og auðlindaríkt lýðræðisríki. 15. janúar 2025 13:37 Segir að Trump hefði verið sakfelldur Jack Smith, fyrrverandi sérstakur saksóknari dómsmálaráðuneytis Bandaríkjanna, segir teymi sitt hafi safnað nægum vísbendingum til að sakfella Trump vegna tilrauna hans til að snúa úrslitum forsetakosninganna 2020. Ekki væri hins vegar hægt að rétta yfir Trump vegna kosningasigurs hans og væntanlegrar embættistöku. 14. janúar 2025 09:57 Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Eygir vonarneista í fyrsta sinn í marga mánuði Innlent Lögregla kölluð til eftir að bremsuvírar voru klipptir á reiðhjólum barna Innlent Segir dregið úr veiðum á grundvelli „Walt Disneylíffræði“ Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Langflestir lögreglumenn á Suðurnesjum Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira
Meðal þess sem Trump hefur sagst vilja gera snemma á kjörtímabilinu er að fara í umfangsmesta brottflutning í sögu Bandaríkjanna. Elta uppi og vísa úr landi öllum þeim sem eru í Bandaríkjunum ólöglega. Hann vill loka landamærunum og binda enda á það að börn sem fæðast í Bandaríkjunum fái bandarískan ríkisborgararétt. Trump vill einnig náða fólk sem tók þátt í árásinni á þinghús Bandaríkjanna þann 6. janúar 2021. Hversu marga hann vill náða er óljóst en Trump-liðar hafa verið margsaga um ætlanir Trumps varðandi náðanir og hvort hann ætli að náða fólk sem dæmt var fyrir að ráðast á lögregluþjóna eða ekki. Hann hefur einnig sagst ætla að leggja 25 prósenta toll á vörur frá Mexíkó og Kanada og bæta tíu prósentustigum við tolla á vörur frá Kína, sem þegar hafa verið beittar tollum. Þá vill hann lýsa yfir neyðarástandi og auðvelda þannig leyfisveitingar fyrir nýjum olíulindum, vinnslum, verksmiðjum og orkuverum, svo eitthvað sé nefnt. Trump hefur einnig lýst því yfir að hann vilji skera á fjárveitingar til bandarískra skóla þar sem fjallað er um jafnréttismál, kerfisbundna kynþáttafordóma í Bandaríkjunum, „trans-geðveiki“ og önnur mál. Auk hefur hann sagst vilja stöðva fjárveitingar til skóla sem hafa bólusetningarskyldu, eins og fram kemur í frétt AP fréttaveitunnar. Forsetinn verðandi segist þar að auki ætla að uppræta „djúpríkið“ svokallaða og þetta allt vill hann gera á fyrsta degi, eða í það minnsta mjög fljótt. Snýr aftur með mun hlýðnari flokk Trump snýr aftur í Hvíta húsið með stærri kosningasigur en árið 2017, með meiri reynslu af beitingu valds og með gjörbreyttan Repúblikanaflokk. Hann hefur á undanförnum árum bolað flestum andstæðingum sínum úr flokknum og ólíklegt er að hans eigin ráðgjafar og starfsmenn muni reyna að standa í hárinu á honum eða koma í veg fyrir að hann geri það sem hann vilji gera, eins og nokkrir gerðu á fyrsta kjörtímabili hans. Þar að auki eru dómarar skipaðir af forseta úr Repúblikanaflokknum í miklum meirihluta í Hæstarétti Bandaríkjanna, sex gegn þremur, og þar af skipaði Trump þrjá. Mögulegt er að þingið gæti þó valdið Trump vanda á næstu árum. Þó þingmenn virðist langflestir hliðhollir honum eru þó enn deilur innan flokksins þingmanna á milli og milli þingdeilda. Sjá einnig: Rak formann mikilvægrar nefndar að beiðni Trumps Mike Johnson, forseti fulltrúadeildarinnar, og John Thune, leiðtogi Repúblikana í öldungadeildinni, eru til að mynda sagðir verulega ósammála um það hvernig koma á baráttumálum Trumps gegnum þingið. Í greiningu Politico frá því gær segir að deilur þeirra geti hæglega leitt til tafa þegar kemur að samþykktum frumvarpa Repúblikana og Trumps. Bæði Johnson og Thune hafa sagt að Repúblikanar þurfi að samstilla strengi sína mun betur til að tryggja samhljóm milli fulltrúadeildarinnar og öldungadeildarinnar. Deila um hverjir eiga að leiða Þá hefur einnig komið í ljós að þeir eru ósammála um það hvor þingdeildin eigi að leiða þennan lagasetningardans þeirra á kjörtímabilinu. Thune sagði í nýlegu viðtali við NBC News að öldungadeildin þyrfti að leiða starfið, vega lítillar samstöðu í þingflokki Repúblikana í fulltrúadeildinni. Þar á bæ þyrftu menn að vinna sem ein heild. Johnson sagði þó í viðtali við Politico að fulltrúadeildin ætti að leiða. Stjórnsýsla Bandaríkjanna hefði verið hönnuð með þeim hætti. Meirihluti Repúblikana í fulltrúadeildinni er mjög lítill. Repúblikanar eru 219 og Demókratar eru 215 en eitt sæti situr autt. Johnson stendur því frammi fyrir erfiðu verkefni þegar kemur að því að halda samstöðu innan þingflokksins. Það sást glögglega í lok síðasta árs þegar óljóst var hvort Johnson hefði nægan stuðning til að tryggja sér embætti þingforseta, í kjölfar mikillar óreiðu vegna samþykktar bráðabirgðafjárlaga. Meðal þess sem deilur Johnson og Thune snúast um eru kröfur Trumps um að helstu baráttumál hans verði lögð fram í „einum stórum, fallegum“ pakka. Einu frumvarpi þar sem málefni innflytjenda, orkumála og skattalækkanir verða tækluð, auk þess að hækka skuldaþakið svokallaða. Þessu mótmælti Thune í samtali við Johnson og sagði að ólíklegt væri að slíkt frumvarpi færi gegnum þingið. Það væri aðallega vegna þess hve margir íhaldssamir Repúblikanar væru mótfallnir því að hækka skuldaþakið. Þrátt fyrir mótbárur Thune opinberaði Johnson ætlanir sínar og steig Thune þá fram í kjölfarið og lýsti því yfir að ekki stæði til að hækka skuldaþakið. Ljóst er að Repúblikanar á þingi eru ekki með skýra áætlun um hvernig þeir ætla að koma málum sínum gegnum þingið en eins og fram kemur í grein Politico hefur staðan oftar en ekki verið allt önnur á þessum tíma eftir fyrri kosningar. Það á bæði við hjá meirihlutum Demókrata og Repúblikana og undanförnum árum að búið var að leggja línurnar mun betur en gert hefur verið nú. John Thune, leiðtogi Repúblikana í öldungadeildinni.AP/J. Scott Applewhite Margt á lista erfitt án þings Margt af því sem Trump segist vilja gera er þó þess eðlis að honum er ómögulegt að gera það mjög fljótt. Í mörgum tilfellum þarf aðkomu þingsins og jafnvel dómstóla. Þegar kemur að því að binda enda á að börn sem fæðist í Bandaríkjunum fái sjálfkrafa ríkisborgararétt, þarf Trump að breyta stjórnarskrá Bandaríkjanna. Hann getur þó beint forsetatilskipunum, eins og bandarískir forsetar geta reglulega, en slíkar tilskipanir enda oft á borðum dómara. Wall Street Journal sagði frá því í gær að Trump hefði nýverið fundað með öldungadeildarþingmönnum Repúblikanaflokksins, þar sem hann mun hafa gert þeim ljóst að hann myndi ekki bíða eftir þeim til að ná fram baráttumálum sínum. Trump sagði þingmönnunum að hann hefði þegar undirbúið um hundrað forsetatilskipanir til að skrifa undir um leið og hann tekur við embætti og sagðist hann ætla að láta reyna á takmarkanir á valdi sínu, ef hann þyrfti að ná þessum málum fram einn. Þá mun hann hafa sagt þingmönnunum að hann ætlaði sér að leggja mesta áherslu á málefni innflytjenda og breytingar á viðskiptum við önnur ríki. Einn þingmaður í salnum sagði Trump hafa sagt að markmið Trumps væri ekki að leggja skatta á fólk heldur breyta hegðun þeirra með tollum. Með því að gera erlendar vörur dýrari með tollum vill Trump auka innlenda framleiðslu og í senn refsa viðskiptafélögum Bandaríkjanna, sem hann hefur ítrekað haldið fram að hafi svindlað á Bandaríkjunum um árabil.
Bandaríkin Donald Trump Tengdar fréttir Ræddu í 45 mínútur um Grænland og dönsk fyrirtæki Mette Frederiksen, forsætisráðherra Danmerkur, ræddi við Donald Trump, fyrrverandi og verðandi forseta Bandaríkjanna, í 45 mínútur á miðvikudag og sagði meðal annars að framtíð Grænlands væri í höndum Grænlendinga. 17. janúar 2025 07:08 Biden varar við fáveldi í Bandaríkjunum Joe Biden Bandaríkjaforseti kvaddi Bandaríkjamenn í síðasta ávarpi sínu til þjóðarinnar í gær og varaði meðal annars við því að fáveldi (e. oligarchy) væri í uppsiglingu. 16. janúar 2025 06:47 Óttast áhrif orðræðu Trumps á fjárfesta Námumálaráðherra Grænlands segir að orðræða Donalds Trump, forseta Bandaríkjanna, um kaup eða yfirtöku á Grænlandi gæti haft hræðileg áhrif á fjárfestingar á Grænlandi. Naaja Nathanielsen segir Trump geta skaðað ímynd Grænlands sem stöðugt og auðlindaríkt lýðræðisríki. 15. janúar 2025 13:37 Segir að Trump hefði verið sakfelldur Jack Smith, fyrrverandi sérstakur saksóknari dómsmálaráðuneytis Bandaríkjanna, segir teymi sitt hafi safnað nægum vísbendingum til að sakfella Trump vegna tilrauna hans til að snúa úrslitum forsetakosninganna 2020. Ekki væri hins vegar hægt að rétta yfir Trump vegna kosningasigurs hans og væntanlegrar embættistöku. 14. janúar 2025 09:57 Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Eygir vonarneista í fyrsta sinn í marga mánuði Innlent Lögregla kölluð til eftir að bremsuvírar voru klipptir á reiðhjólum barna Innlent Segir dregið úr veiðum á grundvelli „Walt Disneylíffræði“ Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Langflestir lögreglumenn á Suðurnesjum Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira
Ræddu í 45 mínútur um Grænland og dönsk fyrirtæki Mette Frederiksen, forsætisráðherra Danmerkur, ræddi við Donald Trump, fyrrverandi og verðandi forseta Bandaríkjanna, í 45 mínútur á miðvikudag og sagði meðal annars að framtíð Grænlands væri í höndum Grænlendinga. 17. janúar 2025 07:08
Biden varar við fáveldi í Bandaríkjunum Joe Biden Bandaríkjaforseti kvaddi Bandaríkjamenn í síðasta ávarpi sínu til þjóðarinnar í gær og varaði meðal annars við því að fáveldi (e. oligarchy) væri í uppsiglingu. 16. janúar 2025 06:47
Óttast áhrif orðræðu Trumps á fjárfesta Námumálaráðherra Grænlands segir að orðræða Donalds Trump, forseta Bandaríkjanna, um kaup eða yfirtöku á Grænlandi gæti haft hræðileg áhrif á fjárfestingar á Grænlandi. Naaja Nathanielsen segir Trump geta skaðað ímynd Grænlands sem stöðugt og auðlindaríkt lýðræðisríki. 15. janúar 2025 13:37
Segir að Trump hefði verið sakfelldur Jack Smith, fyrrverandi sérstakur saksóknari dómsmálaráðuneytis Bandaríkjanna, segir teymi sitt hafi safnað nægum vísbendingum til að sakfella Trump vegna tilrauna hans til að snúa úrslitum forsetakosninganna 2020. Ekki væri hins vegar hægt að rétta yfir Trump vegna kosningasigurs hans og væntanlegrar embættistöku. 14. janúar 2025 09:57